3. Mose 22:2 - O Debleskro Lab 2024 (Sinte-Manouche)

² Pen ap o Aron oun ap leskre morsh čavende, te djan le mishto trouyel ko koveha, hoy i Israelitarya mange anenn, te anenn le kek ladj ap mande. Me hom o baro Devel.

O Debleskro Drom 2021 (Sinte)

² Pen ap o Aron un ap leskre mursh tchawende, te djan le mishto trujel ko koweha, hoi i Israelitarja mange anenn, te anenn le kek ladj ap mande. Me hom o baro Dewel.

3. Mose 22:2 Referans Kwoze

5. Mose 15:19

Tire tsele morsh groumya oun bakre, kay i phoureder lengre dayendar hi, hounte dess tiro baro Debleste. Kal groumyentsa boudress gar ap tiri harhetikri phoub, vitar gar činess kal bakrenge i balla.

3. Mose 18:21

Tou rhačress kek tire čavendar o rhorheno debleske Molok. Sau koova sikrals, te hom me, tiro Devel, touke či moldo. Me hom o baro Devel!

4. Mose 18:32

T'mer anenn koy pashel kek doosh ap t'mende, yaake rah har dan t'mer ko feteder kotar o baro Debleste. Kova, hoy i Israelitarya anenna hi mange, o baro Debleske oun hounte ačell mange. Doleske denn yak, te denn man glanstounes o feteder kotar, oun palle nay rhan t'mer. Te krenn kova gar, hounte merenn!

3. Mose 22:32

Ma anenn ladj ap miro lab! T'mer, Israelitarya, hounte djinenn, te hom me kokres t'maro Devel! Me, o baro Devel, rodom t'men vin, te venn mire menshe,

3. Mose 19:12

Ma denn t'men i rhorheno sovel pash miro lab! Sau koveha anenn t'mer ladj ap miro lab. Me, o baro Devel, hom t'maro Devel.

2. Mose 28:38

Ko tikno kotar sonakay hidjrell o Aron glan ap peskro shero, te vell lo glan mande. Kova sikrella, te lell o Aron i doosh ap peste, hoy ap ko koova hi, hoy i Israelitarya man dan. Oun me dikau lačes ap lende.

2. Mose 13:12

aness tou leske i tsele morsh čaven, kay hi i phoureder čave pengre dayendar. Ninna hako morsh firho, hoy hi o phoureder ternepen peskri datar, hi o baro Debleske.

3. Mose 21:6

T'mer rashaya hounte djivenn yaake, te han kokres t'maro Debleske, oun hounte krenn či, hoy anell ladj ap leskro lab. T'mer han kolla, kay anenn leske rhapen, hoy vell leske rhačedo. Doleske hounte krenn či, hoy krell t'men pale-čiddo.

3. Mose 20:3

Me dikau čilačes ap hakeneste, kay kova krell, oun me moukau les bouder gar te djivell mank peskre menshende. Yob das yek peskre čavendar o Molokeste, oun kras yaake miro kheer pale-čiddo, oun kras mantsa, har te voms gar kokres o čačo Devel.

3. Mose 15:31

Oun o baro Devel penas ap o Mose oun ap o Aron: Denn i Israelitaryen trad, te ačenn le i kotar dour miro kherestar an ko tsiro, kay hi le pale-čiddo, te krenn le gar koy platsa pale-čiddo, kay me djivau mank lende, te merenn le gar.

3. Mose 22:1

O baro Devel penas ap o Mose:

Esra 8:28

Oun me penom ap lende: “T'mer han o Debleske vi-rodedo, oun kol tsele kotya hi o Debleske ap i rig čiddo: Oun ko roup oun ko sonakay vas o Debleske dino dran o menshengro kamlepen. Yon dan kova pendar o baro Debleske, koles ninna pengre phoure an-mangan.

Jesaja 52:11

Djan vin! Djan vin! Djan kotar vin, oun taprenn či an, hoy pale-čiddo hi! T'mer rashaya, kay hidjrenn o baro Debleskro koova, djan dran Babilonia vin, oun thovenn t'men yaake har glan činlo hi, te han djoudjo glan o Debleste!

Ezekiel 44:8

T'mer kokres kran gar koy boudi an miro kheer. Na-a, t'mer lan vavar morshen, te krenn le t'menge koy boudi an miro kheer.