3. Mose 21:15 - O Debleskro Lab 2024 (Sinte-Manouche)

¹⁵ Kova hounte krell lo, te lell lo gar čave, kay pale-čiddo vans. Me hom o baro Devel, oun rodom les mange vin, te vell lo miro rashay.

O Debleskro Drom 2021 (Sinte)

¹⁵ Kowa hunte krell lo, te lell lo gar tchawe, kai pale-tchiddo wans. Me hom o baro Dewel, un rodom les mange win, te well lo miro rashai.

3. Mose 21:15 Referans Kwoze

1. Korintarja 7:14

O Devel dikell lačes ap o romeste, kones i patsli romni hi. Oun o Devel dikell lačes ap i romyate, kay lat i patslo rom hi. Te vals kova gar yaake, vans t'mare čave har i čave kolendar, kay prindjrenn o Debles gar. Kova hi gar yaake. Glan o Debleste hi le har čave, kolengro dad oun day, kolla douy, patslo hi.

Remarja 11:16

Hako bersh vell o djob činlo, oun dell nevo maro. Te denn le i kotar nevo maro o Debleste, hi kova yaake, har te vell o tselo maro o Debleste dino. Yaake hi ninna pash o rouk. Te vas leskro drab o Debleste dino, palle hi ninna leskre kashta o Debleske.

Maleachi 2:15

Kek krals sau koova, te vals i tikno kotar foun miro dourho an leste. Yob kamals čave te lell, kay o Debleske koy hi. Doleske denn yak an t'mare djia, te rhorhell oun moukell kek t'mendar peskri romyat!

Maleachi 2:11

I menshe dran Youda phagan pengri sovel, hoy dan le pengro Debleste. Oun an o them Israel oun an o foro Yerusalem djal djoungelo koova, hoy i menshen pale-čiddo krell. I morsha an Youda romedineran djouvyen, kay vavar deblen an-mangenna. Oun yaake kran le o kheer pale-čiddo, kay o baro Devel djivell, oun hoy lo kamell.

Esra 9:2

Yon lan kolengre djouvyen penge oun pengre morsh čavenge ninna. Oun yaake hi mank o Debleskre menshende save, kay gar lendar hi. I pralstoune oun i čačepangre morsha his i erste, kay kova kran, oun peran o Deblestar tele.”

3. Mose 21:8

T'mer Israelitarya, i rashay hi t'menge i Debleskro morsh! Yob rhačrell glan mande o rhapen, hoy mange anlo vell. Doleske vell lo t'menge i morsh, koles vi-rodom, te boudrell lo mange. Me hom o baro Devel. Kek vavar hi har me. Oun t'men rodom mange vin, te venn mire menshe.

1. Mose 18:19

Me rodom les mange vin, te penell lo peskre čavenge oun kolenge, kay pal leste venna, te rikrenn pen le ap miro drom oun krenn, hoy mishto oun čačo hi, te nay moukap me halauter ap o Abrahameste te vell, hoy me leske penom.”

Mateo 23:17

T'mer han dinelo oun korelo! Hi o Debleskro baro kheer gar boudeder moldo har o sonakay, hoy an koleste hi oun doleske i Debleskro koova hi?

3. Mose 21:14

kek djouvel kolakro rom meras, kek djouvel, kay peskro romestar mouklo vas, kek loubni, – kokres i čay i menshendar Israel.

3. Mose 21:16

O baro Devel penas ap o Mose:

2. Mose 34:16

T'mer romedinerans t'mare morsh čaven lengre čentsa. Oun kolla djouvya anans t'mare morsh čaven o Debleskro dromestar tele, te mangenn le ninna kol deblen dran kasht oun bar an.

3. Mose 19:2

Pen ap i tsele Israelitarya: Me, o baro Devel, hom t'maro Devel. Kek vavar hi har me. An mande hi kek čilačepen. Oun t'mer hounte djivenn yaake har i Debleskre menshe djivenn.

3. Mose 20:7

Me, o baro Devel, hom t'maro Devel. Doleske avenn mange kokres koy. Či hounte vell tardo mank mande oun t'mende!

3. Mose 22:16

Te moukenn le vavar Israelitaryen kolestar te rhal, anenn le bari doosh ap i Israelitaryen. Me hom o baro Devel. Oun kova, hoy i Israelitarya mange anenn, hi kokres mange.