3. Mose 21:11 - O Debleskro Lab 2024 (Sinte-Manouche)

¹¹ Pash kek mouleste djal lo, te vell lo gar pale-čiddo, vitar gar, te hi ko moulo peskro dad oder peskri day.

O Debleskro Drom 2021 (Sinte)

¹¹ Pash kek muleste djal lo, te well lo gar pale-tchiddo, witar gar, te hi ko mulo peskro dad oder peskri dai.

3. Mose 21:11 Referans Kwoze

4. Mose 19:14

Kova hi hoy mer hounte kras: Te merell i mensho an peskro plarhteno kheer, hounte vell hakeno, koon an ko kheer djala, oun koon an ko kheer hi, efta divessa pale-čiddo.

4. Mose 6:7

Ninna te hi ko moulo leskro dad, leskri day, leskro phraal oun leskri pheen, hounte djal lo gar pash lende, te vell lo gar pale-čiddo an ko tsiro, kay hi lo peskro Debleske koy.

3. Mose 19:28

Ma činenn t'men an t'maro mass, te meras yek. Kek sikepen krenn ap t'mende! Me hom o baro Devel.

2. Korintarja 5:16

Doleske dikah kanna bouder gar yaake ap i mensheste har an o tsiro, har hams gomme gar patslo. Ninna prindjrah mer o Yezous Kristes kanna vavarčandes har an ko tsiro, har djivas lo ap i phoub.

Louka 14:26

“Koon pash mande vella, oun kamell peskro dades, peskri dat, peskri romyat, peskre čaven, peskre phralen, peskre phenyen, oun peskro djipen boudeder har man, kova nay vell gar miro maal.

5. Mose 33:9

Yon rikran boudeder ap toute har ap pengre dadende oun dayende, pengre phralende oun čavende. Oun dan yak ap tiro lab, oun rikran pen ap koy sovel, hoy tou lentsa dren djal.

4. Mose 19:11

Koon i moulo menshes an-tapella, kova hi efta divessa pale-čiddo.