3. Mose 20:6 - O Debleskro Lab 2024 (Sinte-Manouche)

⁶ Miri rholi vell ninna ap koleste, kay djal pash i dourkepangre oun pash kolende, kay i moulen poučenn, te poučell lo lendar, hoy te krell lo. Me moukau les bouder gar mank peskre menshende te djivell.

O Debleskro Drom 2021 (Sinte)

⁶ Miri choli well ninna ap koleste, kai djal pash i durkepangre un pash kolende, kai i mulen putchenn, te putchell lo lendar, hoi te krell lo. Me mukau les buder gar mank peskre menshende te djiwell.

3. Mose 20:6 Referans Kwoze

3. Mose 19:31

Ma djan pash i dourkepangre oun pash kolende, kay i moulen poučenn! Ma rodenn saven pre, te krenn t'men gar pale-čiddo ap lende. Me, o baro Devel, hom t'maro Devel.

Jesaja 8:19

Nay vell, te penenn i menshe t'menge: “Poučenn kolen, kay i moulentsa rakrenn, oun poučenn i dravepangren, kolla, kay rakrenn lokes glan pende.” Ap kolende penenn: “Hounte poučenn gar i menshe pengro debles? Poučenn le i moulen i djidenge?”

3. Mose 20:27

Hako morsh oun haki djouvel, kay dourkrell oder poučell i moulen, hounte hidjrell peskri phagi oun merell. T'mer hounte vitsrenn len moulo i barrentsa.

Debleskri gili 73:27

Koon toutar krik djal, djal tele. Oun koon moukell tout, koles aneh an o moulengro them.

Hosea 4:12

Mire menshe poučenn pengre deblen oun vavar kashta, te penenn yon lenge, hoy te krenn le. Lengre djia nashenn i rhorhene deblenge palla. Har i loubni moukell peskro romes, nashan le mandar, pengro Deblestar, krik.

Ezekiel 6:9

Kote, kay le pandle hi, vau me lenge an o shero. Oun yon dikenn dren, te dom len i phagi koleske, hoy yon kran: Yon phagan mantsa oun nashan rhorhene deblen palla. Palle rissrell lenge halauter an pende pral ko tselo djoungelo koova, hoy yon kran.

4. Mose 15:39

Oun kol dorya hi koleske koy: Yaake boud kope har t'mer kolla an-dikenn, vell t'menge an o shero halauter, hoy o baro Devel penas, – kol tsele laba, hoy hounte krenn. Yaake moukenn t'men gar o Debleskro dromestar tele te anell t'mare yakendar, vitar gar shounenn t'mer ap kova, hoy an t'maro shero trouyel djal.

3. Mose 19:26

Ma rhan mass, kay rat dren hi. Ma dourkrenn! Ma krenn bengeskro koova!

Bičepangre 16:16

Yek dives, har mer djam pale pash o pani, kay yon mangan o Debles an, tapram mer i rakli, an kolate his i beng, kova das lat o dourkepen. Lakro dourkepah anas li lakre rayenge boud love dren.

2. Mose 22:18

Hakeno, hoy i firheha sovell, hounte merell.

3. Mose 17:10

Hako Israelitari, ninna hako vi-themari, kay mank t'mende djivell, kay rat rhal, havo ninna hi, koleske sikrau miro doumo, oun krau, te djivell lo bouder gar mank mire menshende.

3. Mose 20:5

palle dau me kokres ko morshes peskri phagi, ninna leskre menshen. Me moukau les oun hakenes, kay ko debles Molok pal nashas, bouder gar mank pengre menshende te djivell.

Jeremia 44:11

Doleske penell o baro Devel, ko ray pral o bolepen oun i phoub, kay o Israeleskro Devel hi: Me lom mange zoreles glan, te čivap bibarht ap t'mende. T'mendar halauterendar, kay van dran o them Youda, ačell kek djido.

2. Mose 22:17

I dourkepaskretsa hounte denn temerl.