3. Mose 20:17 - O Debleskro Lab 2024 (Sinte-Manouche)

¹⁷ Te sovell i morsh peskri penyah, i čay leskro dadestar oder leskri datar, hi kova i bari ladj. Kol douy hounte venn moulo dino glan i tsele menshende. Ko morsh sovas peskri phenyah, oun hounte hidjrell peskri doosh.

O Debleskro Drom 2021 (Sinte)

¹⁷ Te sowell i mursh peskri penjah, i tchai leskro dadestar oder leskri datar, hi kowa i bari ladj. Kol dui hunte wenn mulo dino glan i tsele menshende. Ko mursh sowas peskri phenjah, un hunte hidjrell peskri doosh.

3. Mose 20:17 Referans Kwoze

3. Mose 18:9

Tou sovess gar tiri phenyah, koy čay tiro dadestar oder tiri datar; hi yek te vas li bares an tiri familya oder an i vavar familya.

5. Mose 27:22

“Praasedo vell kova, kay peskri phenyah sovell, pash i čate peskro dadestar oder peskri datar!” Oun i tsele menshe hounte penenn: Amen!

Ezekiel 22:11

Ko yek sovell i vavareskri romyah, oun ko vavar sovell peskro čaveskri romyah oun krell lat yaake pale-čiddo. Pale i vavar taprell zoryah peskri phenyat an, ko čat peskro dadestar.

2. Samuel 13:12

Yoy penas ap leste: “Ma kre kova, miro phraal! An kek ladj pral mande! Savo koova krell kek an Israel! Kre gar savo vi-ladjedo koova!

1. Mose 20:12

Čačepah hi li miri pheen: i čay miro dadestar. Lat hi i vavar day har man. Yaake nay vas yoy miri romni.

3. Mose 20:16

Te sovell i djouvel i firheha, palle dess tou koy djouvyat oun ko firhes moulo. Yon hounte hidjrenn pengri phagi, oun hounte merenn.

4. Mose 5:31

Te his ko morshes gar čačo, lell lo kek phagi. Koy djouvel, te anas li doosh ap peste, hounte hidjrell peskri phagi.

2. Mose 30:33

Koon peske savo djet krella, nay ačell gar djido mank peskre menshende. Temerl dino vell ninna kova, kay makell yekeste, kay hi kek rashay.