3. Mose 19:5 - O Debleskro Lab 2024 (Sinte-Manouche)

⁵ Te anenn t'mer i firho o baro Debleske, te rhan les khetne glan leste, palle krenn kova yaake, te dikap lačes ap t'mende!

O Debleskro Drom 2021 (Sinte)

⁵ Te anenn tumer i viecho o baro Debleske, te chan les khetne glan leste, palle krenn kowa jaake, te dikap latches ap tumende!

3. Mose 19:5 Referans Kwoze

3. Mose 22:29

Te marenn t'mer i firhes o baro Debleske, te parkrenn t'men koleha pash leste, palle rhan les ap ko emligo dives, te dikell o baro Devel lačes ap t'mende! Ma moukenn čomone pral bis ap o vavar dives! Me hom o baro Devel.

3. Mose 7:16

Te das yek pes sovel te dell lo čomone o Debleste, oun anell doleske sau firho o Debleske, vell ko mass ko emligo dives rhalo. Te ačell čomone pral, nay rhan le les o vavar dives ninna. Yaake hounte vell ninna kerdo, te das yek i firho pestar o baro Debleste.

3. Mose 22:19

palle hounte rodell lo i firhes vin i groumyendar, bakrendar oder bouzyendar, hoy i morsh hi oun sasto, te dikell o baro Devel lačes ap leste.

3. Mose 1:3

Te kamell lo leske i groumni te anell, te vell li leske tseles rhačedo, palle hounte lell lo i morshkani groumni, hoy gar nasselo hi. Oun yob anell lat glan o voudar o Debleskro plarhteno kherestar, te dikell o baro Devel lačes ap leste.

Ezekiel 46:12

Oun te kamell o ray i firho pestar o baro Debleske te anell, nay vell savo firho, hoy vell tseles rhačedo, nay vell savo firho, hoy rhan le khetne glan o baro Debleste, palle vell leske o baro voudar pre kerdo, hoy ap koy rig hi, kay o kham pre djal, te nay vell o dren, har lo ap o Debleskro dives ninna dren vell. Oun palle djal lo pale koy vin. Oun o baro voudar hounte vell pal leste pandlo.

Ezekiel 46:2

Oun o ray djal foun i bari glanstouni platsa dren an i voudareskri halla oun ačell tardo pash i pesse kashta, hoy hi čačes oun serves o voudarestar. Oun i rashaya lenn leskre firhe, hoy lo o Debleske dell, oun marenn len, oun anenn len glan o baro Debleste, kolen kay venn tseles rhačedo, oun kolen, kay venn rhalo glan o Debleste. Oun o ray ačell an o voudar oun mangell o baro Debles an. Oun palle djal lo pale vin. O voudar ačell pre, bis te vell i rati.

2. Familjakro liil 31:2

Oun o Hiskiya čivas i rashayen oun i Levitaryen yaake khetne, har hounte boudrenn le, hakenes an peskri boudi. I rashaya hounte anan kol firhen o Debleske, hoy van tseles rhačedo oun kolen, hoy rhan le khetne. I Levitarya van lenge ap i rig, oun sharan o baro Debles bashepah oun gipah an i voudya ko kherestar, kay o baro Devel djivell.

3. Mose 22:23

Grumya oun bakre, kolen i lengsteder heri hi oder i tikneder heri, sau firhes nay anell yek glan o baro Debleste, te dell lo les pestar kokres. Te anell lo les, te rikrell lo peskri sovel dren, hi kova gar lačo glan o baro Debleskre yaka.

3. Mose 22:21

Te anell yek i groumyat oder i bakres glan o baro Debleste, hoy rhan i menshe glan leste – nay vell i firho, hoy lo pestar das, nay vell i firho, koleha yob kamell peskri sovel, hoy yob das, dren rikrell – palle hounte vell ko firho sasto, te dikell o baro Devel lačes ap leste.

2. Mose 24:5

Oun yob bičras terne morshen vin, te marenn le firhen oun rhačrenn len o baro Debleske. Koy pashel his ninna terne gourma. Kolen maran le, te nay rhan i Israelitarya ko mass khetne glan o baro Debleste.

3. Mose 19:4

Ma nashenn i rhorhene deblen palla! Krenn t'men kek debla t'mare vastentsa! Me, o baro Devel, hom t'maro Devel.

3. Mose 19:6

Rhan ko mass ko emligo dives, kay maran ko firhes, oder ko vavar dives. Hi gomme o triinto dives čomone pral, hounte vell kova an i yag rhačedo.

3. Mose 7:18

Te rhal yek ap o triinto dives gomme ko massestar, palle dikell o baro Devel gar lačes ap kova oun ap koleste, kay anas ko firho glan leste. O mass vas pale-čiddo. Oun koon rhal kolestar, hounte hidjrell peskri doosh, hoy yob koleha ap peste las.