3. Mose 19:35 - O Debleskro Lab 2024 (Sinte-Manouche)

³⁵ Krenn kek rhorhepen, te venn khetne te krenn o čačepen vin! Ma rhorhenn vitar gar te dikenn palla, har baro oder pharo oder boud čomone hi!

O Debleskro Drom 2021 (Sinte)

³⁵ Krenn kek chochepen, te wenn khetne te krenn o tchatchepen win! Ma chochenn witar gar te dikenn palla, har baro oder pharo oder bud tchomone hi!

3. Mose 19:35 Referans Kwoze

5. Mose 25:15

Le save barra oun pirya, kolen o čačo barepen hi! Palle djiveh i rah tsiro an ko them, hoy t'maro baro Devel tout dell.

5. Mose 25:13

Te bikreh čomone, ma čip i tikneder bar ap i vaga, har te gineh čomone! Te gineh čomone, ma čip i bareder bar ap i vaga!

Mateo 7:2

Te hi t'men i baro dji i vavarenge, hi o Debles ninna i baro dji t'menge. Hi t'men kek baro dji lenge, hi o Debles vitar gar i baro dji t'menge.

Micha 6:1

Shounenn, hoy penell o baro Devel ap o Israel: Ste pre, oun an tiro koova glan! Oun mouk i bare oun tikne berge tiro rakepen te shounell!

Gosewe laba 20:10

I vaga, hoy gar čačes sikrella, har pharo čomone hi, oun i khoro, kay gar yaake boud dren hi, har penlo vas, kol douy hi i djoungelo koova glan o baro Debleskre yaka.

Gosewe laba 16:11

I vaga, hoy o čačo pharepen sikrell, vell o baro Deblestar. Yob penas, har pharo i saster hounte vell, hoy o pharepen sikrell.

Gosewe laba 11:1

I vaga, hoy sikrell gar čačes, har pharo čomone hi, hi i djoungelo koova glan o baro Debleskre yaka. Yob hi barhtelo pral koleste, kay playsrell pal o čačo pharepen.

3. Mose 19:15

Te vell o čačepen vin kerdo, palle de koles peskro čačepen, koles čačo hi! Ma tserde koles glan, kay čorvelo hi, vitar gar koles, kay bravelo hi. Hakeno hounte lell peskro čačepen.

1. Familjakro liil 23:29

Lengri boudi his, te dikenn le pal o Debleskre mare, pal ko lačo yarro, hoy leske rhačedo vell, oun pal o maro, hoy kek shoutlo yarro dren hi, oun pal o peklo rhapen, kay djet dren hi. Ninna hounte dikenn le, kay kol barra, hoy ap vaga čiddo venn, o čačo pharepen sikrenn, oun kol kashta, hoy o lengstepen sikrenn, kova čačes krenna.

Ezekiel 45:10

T'men hounte vell i vaga, hoy o čačo pharepen sikrell. Oun t'mare pirya oun khore, hoy lenn t'mer, te dikenn, har boud čomone hi, kolla hounte venn o čačo barepen.