3. Mose 19:32 - O Debleskro Lab 2024 (Sinte-Manouche)

³² Glan phoure menshende stess tou pre oun dikess pre ap lende. Tou rikress tiro Debles glan tire yaka pash halauter, hoy kreh! Me hom o baro Devel.

O Debleskro Drom 2021 (Sinte)

³² Glan phure menshende stess tu pre un dikess pre ap lende. Tu rikress tiro Debles glan tire jaka pash halauter, hoi kreh! Me hom o baro Dewel.

3. Mose 19:32 Referans Kwoze

1. Timoteo 5:1

Ma činge ap i phoureste! Tou te peneh o phouro morsheske, kay kova gar mishto hi, hoy yob kras, palle rake leha, har te vals yob tiro dad! Oun i terne morshentsa rake, har te vans le tire phrala!

Ropaskre gilja 5:12

I pralstoune morsha van lendar i doryentsa pre pandlo, oun ap i phourende dikan le gar pre.

Gosewe laba 16:31

Parne balla hi har i kouč rayeskri stadi, hoy o Devel kolen dell, kay leskro drom djan.

Gosewe laba 20:29

O raylepen i terne morshendar hi lengri zoor. Oun parne balla hi o shoukapen i phourenge.

Hiob 32:6

Oun o Elihou, koleskro dad o Barakel his, ko Bouzari, penas: Me hom terno. T'mer han phoure morsha. Doleske darom t'menge te penell, hoy djinau.

Hiob 32:4

O Elihou rikras pes o tselo tsiro pale peskro rakepah, bis te rakran kol vavar o Hiobeha. Yon his phoureder har yob.

1. Petro 2:17

Avenn lačes ap hako mensheste! Kamenn i patslen o djiyestar! Sharenn o Debles, oun krenn, hoy yob kamella! Shounenn ap o baro rayeste pral o them!

Remarja 13:7

Denn hakeneste kova, hoy leske hi: themeskre love, ninna vavar love, hoy yon t'mendar mangenna. Shounenn ap kolende, kay hi len penepaske, oun dikenn pre ap lende!

Jesaja 3:5

Oun an o them djal hakeno ap o vavareste oun dell les pral o kand: o terno o phoures, o či-moldo o an-dikles.

3. Mose 19:14

Ma praase yekes, kay nay shounell gar. Oun ma čip i koreleske čomone an o drom, te perell lo vergel. Rike touke tiro Debles glan i yaka pash halauter, hoy kreh! Me hom o baro Devel.

1. Rajengro liil 2:19

Oun i Batsheba djas pash o baro rayeste Salomo, te rakrell li leha pral kova, hoy o Adoniya lestar kamell. Oun o baro ray, har dikas lo peskri day, stas lo pre glan late, čivas peskro shero tele glan late, oun beshas pes ap peskri rayeskri beshepaskri. Oun lake moukas lo ninna i beshepaskri te vell, te beshell li pes nay ap leskri čači rig.

1. Mose 31:35

Oun yoy penas ap peskro dadeste: “Ab gar rhoyedo, miro dad, kay nay stau gar pre glan toute. Man hi i djouvyakro koova.” Doleske hatsas yob kol khereskre deblen gar, yaake boud yob ninna rodas.

2. Rajengro liil 17:36

Man kokres mangenn an! Glan mande čivenn t'men tele oun anenn mange firhen oun soungepaskro koova. Me hom o baro Devel, kay anom t'men dran o them Egiptia vin miro zorelo vasteha oun bari zoryah.

Gosewe laba 23:22

Shoun ap tiro dadeste oun tiri date! Yon dan tout o djipen. Ma dik tele ap lende, te van le phouro.

1. Mose 48:12

Oun o Yosef las len lestar krik oun vitsras pes glan leste tele, peskro mouy ap i phoub.