3. Mose 19:15 - O Debleskro Lab 2024 (Sinte-Manouche)

¹⁵ Te vell o čačepen vin kerdo, palle de koles peskro čačepen, koles čačo hi! Ma tserde koles glan, kay čorvelo hi, vitar gar koles, kay bravelo hi. Hakeno hounte lell peskro čačepen.

O Debleskro Drom 2021 (Sinte)

¹⁵ Te well o tchatchepen win kerdo, palle de koles peskro tchatchepen, koles tchatcho hi! Ma tserde koles glan, kai tchorwelo hi, witar gar koles, kai brawelo hi. Hakeno hunte lell peskro tchatchepen.

3. Mose 19:15 Referans Kwoze

5. Mose 1:17

Oun dikenn gar koy pre, koon glan t'mende tardo hi! Shounenn i tiknen oun i baren! Ma darenn kekestar! Krenn yaake o čačepen vin, har te krals kova o Devel! Savo koova, hoy t'menge phares hi, kova anenn pash mande, te shounap me kova.”

Gosewe laba 24:23

Ninna kolla hi laba, hoy i goseve penan: Kova hi gar mishto, te dikenn i čačepangre morsha yekes feteder an har o vavares.

5. Mose 27:19

“Praasedo vell kova, kay dell kek čačepen kolenge, kay venn dran i vi-them, kol čavenge, kolen kek dad bouder hi, oun kol romyenge, kolengro rom meras.” Oun i tsele menshe hounte penenn: Amen!

3. Mose 19:35

Krenn kek rhorhepen, te venn khetne te krenn o čačepen vin! Ma rhorhenn vitar gar te dikenn palla, har baro oder pharo oder boud čomone hi!

Gosewe laba 18:5

Hi gar mishto, te dell i čačepaskro morsh koles čačepen, kay i doosh ap peste anas, oun shounell gar ap koleste, kay an o čačepen tardo hi.

5. Mose 16:19

Te hal tou i čačepaskro, hounte dess tou koles peskro čačepen, koon an o čačepen hi. Tou dikess gar koy pre, koon glan toute tardo hi. Te dell yek tout kouč koova, te dess tou les čačepen, ma le kova an! Koon savo shoukar kouč koova an-lell, vell korelo o čačepaske, oun dikell bouder gar, koon an o čačepen hi.

Debleskri gili 82:2

“Har rah djan t'mer gar pal o čačepen? Har rah denn t'mer koleste peskro čačepen, koles gar čačo hi?

2. Mose 18:21

Tou, rode touke dran i tsele menshende čače morshen vin, hoy ap o Debleste shounenna, save morsha, hoy pengro lab rikrenna, oun kekes i lovenge rhorhenna! Oun kolen čip pral i Israelitarya! Kre pralstunen lendar pral i zerya, vavaren pral i sheel, oun pale pral i paash-sheel oun pral deesh.

Johanni 7:24

T'mer te penenn, kay i mensho i doosh ap peste anas, palle djan pal o čačepen oun gar pal kova, hoy dikenn t'mare yakentsa!”

Bičepangre 23:3

Koy penas o Paulo ap leste: “O Devel mou te dell tout! Tou rakreh i menshenge pal o mouy. Tou hal kate beshdo, te rakress o čačepen pral mande vin pal o biboldengro čačepen. Oun tou moukeh man dava te dell. Kova hi gar pal o biboldengro čačepen.”

5. Mose 10:17

T'maro baro Devel hi o Devel pral hako devel oun o ray pral hako ray. Yob hi o baro oun o zorelo, kolestar halauter darenn. Yob dikell gar koy pre, koon yek hi. Oun yob lell či an, hoy kamell yek les te dell, te rissrell lo o čačepen trouyel.

Hiob 13:8

Kamenn t'mer t'men ap leskri rig te čivell? Kamenn t'mer leske mantsa an o čingepen te djal?

Hiob 32:21

Me vau ap kekeskri rig tardo, oun kek mensheske rakrau pal o mouy.

Hiob 34:19

Yob dikell gar i pralstounes feteder an har i vavares, oun tserdell o braveles gar o čorveleske glan. Leskro vast kras len halauter.

Gosewe laba 31:9

Kre tiro mouy pre, kre o čačepen yaake vin, te lell hakeno peskro čačepen, ninna i čorvele oun bibarhtele.