3. Mose 19:11 - O Debleskro Lab 2024 (Sinte-Manouche)

¹¹ Ma čorenn! Ma rakrenn rhorhepen! Ma krenn rhorheno koova yek o vavareske!

O Debleskro Drom 2021 (Sinte)

¹¹ Ma tchorenn! Ma rakrenn chochepen! Ma krenn chocheno koowa jek o wawareske!

3. Mose 19:11 Referans Kwoze

2. Mose 20:15

Ma čore!

Efesarja 4:25

Ma rhorhenn bouder! Mer ham lauter phrala oun phenya. Doleske rakrenn o čačepen yek o vavareha!

Debleskri gili 101:7

Kolla, kay rakrenn douy čipyentsa, nay ačenna gar an miro kheer, oun i rhorhene hounte djan mange dran i yaka.

Remarja 3:4

Na-a, kova kras lo gar. O Devel hi čačo. Hako mensho hi i rhorheno. An i Debleskri gili hi činlo: Tou, mo Devel, lauter, hoy rakreh, hi čačo. Kek nay vell oun penella, kay tire laba gar čačo hi.

5. Mose 5:19

Ma čore!

Debleskro tsiro 21:8

Kol vavar djan an i bari yag, hoy zoreles rhačella oun khandella. Kote merenn le o douyto kopo. Yon hi kolla, kay i daryatar gar mantsa djan, kolla, kay phoukran ap pengro patsepen, kolla, kay djoungelo koova kran, kolla, kay maran vavaren, kolla, kay loubran pen trouyel, kolla, kay bengeskro koova kran, kolla, kay mangan vavar koova an har o Debles, oun i tsele rhorhene.

1. Timoteo 1:10

O Moseskre laba van činlo kol morshenge, kay sovenn vavar djouvyentsa, oun kol djouvyenge, kay sovenn vavar morshentsa. Kol laba van ninna činlo kol morshenge, kay sovenn i morshentsa oun čaventsa. Kol laba van činlo kolenge, kay čorenn menshen oun bikrenn len, oun kolenge, kay penenn o rhorhepen, oun kolenge, kay denn pen rhorhenes sovel. Oun te dell vavar koova, kay o Debleskro lab lestar penella, te kras mer kova gar, palle van o Moseskre laba kolenge činlo, kay kova krenna.

Efesarja 4:28

Koon čoras an peskro phouro djipen, kova čorell bouder gar! Yob hounte boudrell peskre vastentsa, te vell les doha djipaske, oun te nay dell lo ninna i čorvelen čomone.

Jeremia 6:13

Kol baren oun kol tiknen hi bok ap bravlepen, hoy gar lengro hi. Oun o Debleskre rakepangre oun i rashaya rhorhenn i menshen,

Debleskri gili 116:11

Homs yaake phagedo, te penom: “I tsele menshe hi rhorhene.”

2. Mose 22:7

Te vell ko čorepaskro gar hatslo, palle dell pes ko morsh, dran koleskro kheer ko koova čoredo vas, glan o Debleste sovel, te čoras lo ko koova gar kokres.

2. Mose 22:1

Te vell i čorepaskro tapedo, har yob rati an i kheer dren phagell, oun vell yaake dino, te merell lo, hi koles, hoy les das, kek doosh ap leskro rat.

2. Mose 20:17

Ma rode, har nay less tou kova touke, hoy i vavares hi: leskro kheer, leskri romni, boudepaskro, boudepaskretsa, groumni, bourika, či, hoy i vavares hi.

1. Rajengro liil 13:18

Kote penas o phouro ap leste: “Me hom ninna i Debleskro rakepaskro har tou, oun i bolepaskro o baro Deblestar penas mange: An les khere pash toute, te nay rhal lo maro oun te nay piyell lo pani!” Rhorhepen his kova, hoy ko phouro penas.

2. Mose 20:16

Ma an kek rhorhepen pre ap yekeste!

2. Mose 23:1

Tou rakress kek koova doureder, hoy tou shounal, oun tou gar djineh, te hi kova čačo! Ma rhorhe i vavareske, kay anas doosh ap peste!

3. Mose 19:10

Yaake krenn ninna t'mare drakentsa. Har anan len dren, ma djan i douyto kopo ap ko kotar phoub, te anenn kolla dren, kay pral ačan, vitar gar save, kay tele peran. Kol čorvelenge, oun kolenge dran i vi-them, moukenn len pral! Me, baro Devel, hom t'maro Devel.

2. Samuel 17:20

Oun o Absalomeskre morsha van pash kol djouvyate an o kheer oun poučan latar: “Kay hi o Ahimaaz oun o Yonatan?” Penas li ap lende: “Yon djan doureder pash o pani.” Oun har kol morsha len rodan oun len gar hatsan, djan yon pale an o foro Yerusalem.

Gosewe laba 24:28

Ma an rhorhepen pre ap i vavareste! Pen o čačepen!