3. Mose 18:21 - O Debleskro Lab 2024 (Sinte-Manouche)

²¹ Tou rhačress kek tire čavendar o rhorheno debleske Molok. Sau koova sikrals, te hom me, tiro Devel, touke či moldo. Me hom o baro Devel!

O Debleskro Drom 2021 (Sinte)

²¹ Tu chatchress kek tire tchawendar o chocheno debleske Moloch. Sau koowa sikrals, te hom me, tiro Dewel, tuke tchi moldo. Me hom o baro Dewel!

3. Mose 18:21 Referans Kwoze

5. Mose 12:31

Ma krenn sau kova t'maro baro Debleha! Kova lauter, hoy yon pengre deblenge kran, hi djoungelo oun čilačo glan o baro Debleskre yaka. Ninna pengre morsh čaven oun pengre čen rhačran le lenge an i yag.

3. Mose 19:12

Ma denn t'men i rhorheno sovel pash miro lab! Sau koveha anenn t'mer ladj ap miro lab. Me, o baro Devel, hom t'maro Devel.

5. Mose 18:10

Kek mank t'mende hounte rhačrell peskro morsh čaves oder peskri čat an i yag o Debleske. Kek mank t'mende hounte vell i dourkepaskro, kek i dravepaskro, kek, kay krell vavar bengeskri koova,

3. Mose 22:32

Ma anenn ladj ap miro lab! T'mer, Israelitarya, hounte djinenn, te hom me kokres t'maro Devel! Me, o baro Devel, rodom t'men vin, te venn mire menshe,

Bičepangre 7:43

T'mer hidjran ko kheer trouyel, kay o Molok dren hi. Ninna hidjran koy bolepaskri momeli t'mentsa, kay Refan kharedo vella. Kol douyen kran t'mer t'mare vastentsa, te nay mangenn len an. Doleske tradau me t'men dran t'maro them vin, oun anau t'men pandlo an o them Babilonia, oun doureder.

Maleachi 1:12

T'menge hom či moldo, te penenn t'mer: Koy rhačepaskri o baro Deblestar hi či moldo. Anas leske čomone, hoy ninna či moldo hi!

Jeremia 19:5

Oun ko rhorheno debleske, hoy kharell Baal, kran le rhačepaskre platse, te rhačrenn le pengre čaven leske. Kova penom me lenge gar. Savo koova vas kek tsiro an miro shero, te penoms ap lende: Krenn kova.

1. Rajengro liil 11:33

O Salomo moukas man, oun mangas i Astarte an, kay debletsa, hoy i Sidonarya an-mangenn. Ninna mangas lo o Kemosh an, ko devel, hoy i Moabarya an-mangenn, oun o Milkom, ko devel, hoy i Ammonarya an-mangenn. Yob djas gar ap mire dromma oun kras gar, hoy mishto hi glan mire yaka. Pal mire laba oun miro čačepen djivas lo gar, har kova leskro dad, o David kras.

1. Rajengro liil 11:7

Ap i berga glan o foro Yerusalem kras o Salomo i moulni platsa, kay mangan le o djoungelo debles an, kay kharell Kemosh. Koles mangan i Moabarya an. Ninna kras lo i moulni platsa, kay mangan le o Molok an, ko djoungelo debles, koles i Ammonarya an-mangan.

3. Mose 22:2

Pen ap o Aron oun ap leskre morsh čavende, te djan le mishto trouyel ko koveha, hoy i Israelitarya mange anenn, te anenn le kek ladj ap mande. Me hom o baro Devel.

Amos 5:26

Kanna hi yaake, t'mer kran t'menge douy figuren, te mangenn len an: o Sakkut, koles kharenn baro ray oun o Kayvan, koles kran har i sterna. Doleske hounte hidjrenn t'mer kolen t'mentsa

Ezekiel 23:37

Yon rhorhran man vavar morshentsa, oun maran menshen. Pengre rhorhene deblentsa rhorhran le man. Oun kolenge dan le pengre čaven rhapaske, – kol čaven, kay ninna mire čave his!

Ezekiel 20:31

Bis ap kava dives rhačrenn t'mer firhen kol rhorhene deblenge, oun krenn t'men yaake pale-čiddo. Ninna rhačrenn lenge t'mare čave. Oun me moukap man t'mendar dran o kheer Israel, te poučell? Pash miro djipen, penell o baro Devel, maro ray, dau man sovel, te moukau man gar t'mendar te poučell!

Jeremia 7:31

Oun kran an koy tala Ben Hinnom i rhačepaskri, hoy kharell Tofet, te rhačrenn yon pengre čaven oun čen. Savo koova penom me lenge gar. Oun kova vas mange gar an o shero.

2. Rajengro liil 23:10

O Yosia kras ninna koy platsa pale-čiddo, hoy kharella Tofet, oun hi an i tala Hinnom čiddo. Kova kras lo, te nay rhačrell kek peskro čaves vitar gar peskri čay an i yag o rhorheno debleske Molok.

2. Rajengro liil 21:6

Oun yob moukas peskro čaves an i yag te djal oun shounas ap čirklengre golya oun vavar sikepen, oun rikras peske dravepangre oun save menshen, kay i moulen poučan. Yaake kras lo boud koova, hoy čilačo hi glan o baro Debleskre yaka, te rhoyrell lo les.

2. Rajengro liil 16:3

Na-a, yob djas ap kol dromma, kay kol bare raya dran o them Israel ninna djan. Ninna moukas lo peskro čaves an i yag te rhačrell, yaake har kova kol menshe kran, kay o baro Debles gar prindjrenn oun savo djoungelo koova krenn. Kolen tradas o baro Devel glan i Israelitarya dran o them vin, te nay djivenn i Israelitarya koy dren.

3. Mose 21:6

T'mer rashaya hounte djivenn yaake, te han kokres t'maro Debleske, oun hounte krenn či, hoy anell ladj ap leskro lab. T'mer han kolla, kay anenn leske rhapen, hoy vell leske rhačedo. Doleske hounte krenn či, hoy krell t'men pale-čiddo.

Remarja 2:24

Yaake hi kova činlo an o Debleskro lab: Dran t'mende rakrenn i vavar menshe djoungeles pral o Debleste.

Remarja 1:23

O baro Debles, kay hako tsiro ačella, sharan le gar. Na-a, yon mangan kol morshen oun djouvyen an, kay merenna. Ninna vavar koova, har i čirkle, i star-heryengre firhe oun i sapa mangan le an.

2. Familjakro liil 28:3

oun rhačras soungepaskro koova an i tala, hoy kharell Ben-Hinnom. Ninna rhačras lo peskre čaven i rhorhene deblenge. Yaake kras lo savo djoungelo koova, har i menshe an vavar themma kran, – save menshe har kolla, kay o baro Devel glan i Israelende dran o them tradas.

Jeremia 32:35

Oun yon kran moulne platse o rhorheno debleske, o Baaleske an o telstouno them, kay kharella Ben-Hinnom, te nay moukenn le pengre čaven oun čen o debleske Molok an i yag te djal. Savo koova penom me lenge gar. Oun an kek tsiro vas mange kova an miro shero dren, te poučoms savo koova lendar. Har yon savo djoungelo koova kran, anan le i doosh ap o tselo them Youda.

Ezekiel 20:26

Oun har moukan le pengre phoureder morsh čaven i rhorhene deblenge te rhačrell, rakrom pral lende vin: “T'mer han mange pale-čiddo.” Yaake kamom len bari daar te krell, te hayvenn le, te hom me o baro Devel.

Micha 6:7

Hi o baro Devel barhtelo pral boud zerya bakre, oun deesh zerya khore djet? Hounte dap leske miro phoureder čaves, te vell miri doosh krik lino oun ko čilačo koova, hoy krom?

3. Mose 24:15

Ap i Israelitarya peness: Koon praasell peskro Debles, hounte hidjrell peskri phagi.

2. Rajengro liil 17:31

kolla dran Ava kran penge i deblen Nibhas oun Tartak; kolla dran Sefarvayim rhačran pengre čave glan pengre deblende, o Adrammelek oun o Anammelek.

Amos 2:7

Yon stakrenn i čorvelen an i čik, oun i tiknen dran o drom. Doleske lenn le pengri phagi, oun khaytenn man gar. I morsh oun peskro dad djan dren pash i emligi djouvyate. Yaake anenn le ladj ap mande.