3. Mose 16:17 - O Debleskro Lab 2024 (Sinte-Manouche)

¹⁷ Kek mensho hounte vell an o Debleskro kheer an ko tselo tsiro, kay djal o Aron an o kouč isema dren, oun krell te vell o pale-čiddo koova oun koy doosh krik lino lestar, leskri familyatar oun i tsele Israelendar.

O Debleskro Drom 2021 (Sinte)

¹⁷ Kek mensho hunte well an o Debleskro kheer an ko tselo tsiro, kai djal o Aron an o kutch isema dren, un krell te well o pale-tchiddo koowa un koi doosh krik lino lestar, leskri familjatar un i tsele Israelendar.

3. Mose 16:17 Referans Kwoze

Louka 1:10

Oun ap ko tsiro, har rhačras yob ko kasht, hoy shoukar soungella, his boud menshe vin tardo, oun mangan o Debles an.

Jesaja 53:6

Mer halauter hams har bakre, kay nashan pen. Hakeno djas ap peskro drom. O baro Devel moukas ap leste mari tseli doosh te perell.

2. Mose 34:3

Kek nay vell touha. Ap koy tseli berga hounte moukell pes kek te dikell, vitar kek bakre oun groumya, te rhan le pash i berga.”

1. Petro 3:18

Ninna o Yezous Kristo las yek kopo douka ap peste, har yob ap o troushel meras, oun mari doosh ap peste las. Yob his i lačo, oun meras i čilačenge. Kova kras lo, te anell lo len pash o Debleste. I menshe maran les. O Debleskro Dourho kras les djido.

1. Petro 2:24

O čilačepen, hoy mer kram, las o Yezous Kristo ap peste, oun hidjras les ap o troushel. Har yob menge meras, hi kova yaake, har te meram mer leha. Kanna hi o čilačepen an mende moulo. Oun mer djivah nay i lačo oun čačo djipen. Kol douka, hoy o Yezous ap peste las, kran maro djipen sasto.

Hebrearja 9:7

Yek kopo an o bersh djas o baro rashay kokres an i palstouni kouč isema. Har djal lo dren, lell lo o rat peha i firhestar, hoy maras lo o Debleske, te lell o Devel leskri doosh lestar, ninna i doosh kol menshendar, kay anan doosh ap pende, ninna te djinan le gar, kay kova, hoy yon kran, i čilačo koova his.

Hebrearja 1:3

O Debleskro čavo hi raylo oun baro har o Devel. Oun kova, hoy hi o Debles an o dji, hi ninna o čaves an o dji. Dran leskro zorelo lab rikrell lo lauter khetne, hoy yob kras. O Debleskro čavo las mari doosh oun maro čilačepen mendar, oun yob beshas pes ap i čači rig o baro Deblestar an o bolepen.

1. Timoteo 2:5

Hi yek Devel i tsele menshenge. Oun hi yek rakepaskro, kay anell o Debles oun i menshen khetne. Kova hi ko mensho Yezous Kristo.

Bičepangre 4:12

Kek vavar har o Yezous kokres nay anell men pash o Debleste. Ap i tseli phoub das o Devel kek vavares, kay nay lell men dran o čilačepen oun o merepen vin.”

Daniel 9:24

Efta kope efta-deesh (70) bersha hi ko tsiro, hoy o Devel peske glan čivas, te vell o čilačepen oun i doosh krik lino tire menshendar oun dran o Debleskro foro. Palle vell i phagi krik lino oun ko čačepen vell, hoy hako tsiro ačella. Oun kova, hoy an o dikepen diklo vas, vell čačo, ninna kova, hoy o Debleskre rakepangre glan-vi penan. Oun o Debleskro kheer vell pale neves o Debleste dino.

3. Mose 16:16

Oun yaake krell lo, te vell o pale-čiddo koova oun koy doosh, hoy i Israelitarya ap pende anan – lengro tselo čilačo koova, dran o Debleskri kouč isema krik lino. Oun yaake hounte krell lo ko tselo Debleskro plarhteno khereha. Kava kheer hi tardo ap i platsa, kay i Israelitarya djivenn. Oun koy doosh, hoy yon ap pende anenn oun lengro pale-čiddo koova krell ninna o Debleskro kheer pale-čiddo.

3. Mose 16:18

Palle djal yob vin pash koy rhačepaskri, hoy glan o baro Debleskro plarhteno kheer tardo hi, oun lell čomone ko gouroumeskro ratestar oun koy bouzyakro ratestar, oun makell kova ap i shinga, hoy ap i star ekke ap koy rhačepaskri hi, te vell koy doosh oun ko pale-čiddo koova krik lino foun koy rhačepaskri.

1. Familjakro liil 6:34

O rashayeskri boudi his kokres o Aroneske oun leskre čavenge. Yon rhačran i firhen ap o Debleskri sasterni rhačepaskri, ninna soungepaskro koova ap o Debleskro sonakaskro bob. Yon kokres nay djan an o Debleskri kouč isema, te krenn le o Debleskro koova, te vell o Israeleskri doosh krik lino, lauter yaake, har penas o Mose, koles o Debleskro vast his.