3. Mose 12:7 - O Debleskro Lab 2024 (Sinte-Manouche)

⁷ O rashay rhačrell kol firhe glan o baro Debleste, te vell koy djouvel pale erligo. Yaake vell o pale-čiddo koova krik lino, hoy ap koy djouvyate his. Yaake hounte krenn i djouvya, kay anan i morsh čaves oder i čay ap i phoub.

O Debleskro Drom 2021 (Sinte)

⁷ O rashai chatchrell kol vieche glan o baro Debleste, te well koi djuwel pale erligo. Jaake well o pale-tchiddo koowa krik lino, hoi ap koi djuwjate his. Jaake hunte krenn i djuwja, kai anan i mursh tchawes oder i tchai ap i phub.

3. Mose 12:7 Referans Kwoze

Galatarja 3:28

Yaake djivah lauter o Yezouseha khetne. Kanna hi yek, koon t'mer han: bibolde oun kolla, kay kek bibolde hi, boudepangre oun raya, morsha oun djouvya. An o Yezous Kristeste hi yek har o vavar.

1. Korintarja 7:14

O Devel dikell lačes ap o romeste, kones i patsli romni hi. Oun o Devel dikell lačes ap i romyate, kay lat i patslo rom hi. Te vals kova gar yaake, vans t'mare čave har i čave kolendar, kay prindjrenn o Debles gar. Kova hi gar yaake. Glan o Debleste hi le har čave, kolengro dad oun day, kolla douy, patslo hi.

Remarja 3:26

I rah tsiro rikras o Devel peskri rholi pale, oun das len kek phagi. Kanna, ap kava tsiro meras o Yezous lenge, oun las lengri phagi ap peste. Yaake sikrell o Devel peskro čačepen. Yob hi čačo. Ninna krell lo koles čačo, kay ap o Yezous Kristeste patsella.

Remarja 3:23

Lauter kran o čilačepen oun van pale-čiddo glan o Debleste.

Hiob 14:4

I tsele menshen hi doosh ap pende. Har nay vell lendar yek, koles kek doosh ap peste hi?

Hiob 1:5

Oun har kol divessa trouyel his, kay le rhan oun piyan, palle bičras o Hiob pash lende, te venn le pash leste. Oun yob stas sik taysarlakro pre, oun maras hakeneske lendar i firho, oun rhačras les o Debleske, te vell lengri doosh krik lino. Yob penas peske: Nay djals, te lan mire morsh čave doosh ap pende, oun rakran djoungeles pral o Debleste an pengre djia. Oun yaake kras o Hiob pal hako baro rhapen, hoy leskre morsh čave kran.

3. Mose 4:35

Oun o tselo thulepen činell lo tele yaake har činell lo o thulepen tele ko bakrestar, hoy yek o Debleske anell, te rhan le les khetne glan leste. Oun ko rashay rhačrell kal thoulle kotya ap o Debleskri rhačepaskri khetne ko vavar masseha, hoy o baro Debleske rhačedo vell. Yaake krell o rashay, te vell lauter pale mishto mank o baro Debleste oun ko mensheste, kay doosh ap peste anas. Oun o baro Devel bistrell leskri doosh.

3. Mose 4:31

Oun o tselo thulepen činell lo tele, yaake har činell lo o thulepen tele ko firhestar, hoy yek o Debleske anell, te rhan le les khetne glan leste. Oun ko rashay rhačrell kal thoulle kotya ap o Debleskri rhačepaskri, te vell i lačo soungepen vin, hoy baro Debleske mishto soungella. Yaake krell o rashay, te vell lauter pale mishto mank ko mensheste oun o baro Debleste. Oun o baro Devel bistrell leskri doosh.

3. Mose 4:26

Oun o tselo thulepen rhačrell lo ap i rhačepaskri yaake, har rhačrell lo o thulepen ko firhestar, hoy yek o Debleske anell, te rhan le les khetne glan leste. Yaake krell o rashay, te vell lauter pale mishto mank o pralstuneste oun o baro Debleste. Oun o baro Devel bistrell leskri doosh.

3. Mose 4:20

Oun yob krell kava firheha yaake har yob kova ko firheha kras, hoy yob peskri doshake maras. Yaake krell o rashay, te vell lauter pale mishto mank i Israelitarya oun o baro Debleste. Oun o baro Devel bistrell lengri doosh.

3. Mose 1:4

Oun o morsh čivell peskro vast ap o shero ko firhestar, te dikell o Devel lačes ap leste oun lell leskri doosh, hoy lo ap peste las, krik.

3. Mose 12:6

Pal kal divessa, kay his li pale-čiddo, anell li o rashayeske i bakro, hoy yek bersh hi glan o voudar o Debleskro kherestar. Ninna anell li leske i terni tauba oder i divyi tauba. O bakro vell maredo oun leskro tselo mass vell rhačedo o baro Debleske. Oun i tauba vell maredo, te vell o pale-čiddo koova krik lino.

3. Mose 12:8

Te hi li yaake čorvelo, te nay anell li kek bakro, palle anell li douy divye taube oder douy terne taube, yek, hoy o baro Debleske rhačedo vell, oun yek, hoy maredo vell, te vell o pale-čiddo koova latar krik lino. Yaake krell o rashay, te vell li pale erligo.

3. Mose 15:15

Ko rashay marell koy yek, te vell ko pale-čiddo koova krik lino, oun koy vavar, te vell li tseles rhačedo o baro Debleske. Yaake krell o rashay, te vell ko morsh, kay dran peskro nasslepen pale-čiddo his, pale erligo glan o baro Debleste.