3. Mose 10:15 - O Debleskro Lab 2024 (Sinte-Manouche)

¹⁵ Glan te rhan t'mer kova, venn koy palstouni heri oun kava beč čiddo pash kol kotya thulepen, hoy rhačedo venn. Kolentsa khetne venn le pre hadedo glan o baro Debleste. Pal kova hi kal kotya mass touke oun tire morsh čavenge. Yaake te vell kova kerdo hako tsireske. Kova penas o baro Devel.”

O Debleskro Drom 2021 (Sinte)

¹⁵ Glan te chan tumer kowa, wenn koi palstuni heri un kau betch tchiddo pash kol kotja thulepen, hoi chatchedo wenn. Kolentsa khetne wenn le pre hadedo glan o baro Debleste. Pal kowa hi kal kotja mass tuke un tire mursh tchawenge. Jaake te well kowa kerdo hako tsireske. Kowa penas o baro Dewel.”

3. Mose 10:15 Referans Kwoze

3. Mose 7:34

O baro Devel penell i Israelenge, kay anenn leske i firhes, te rhan le les khetne glan leste, te denn le o beč oun i čači heri o rashayeste, o Aroneste, oun leskre morsh čavende. Kal kotya mass hi i rashayenge dran o kheer Aron hako tsireske foun ko dives, kay van le dren čiddo an pengri rashayengri boudi. Oun i Israelitarya hounte denn len i rashayende. Kava lab ačell yaake hako tsireske, hoy vella.

1. Mose 17:17

Koy moukas pes o Abraham ap i phoub te perell, sanas oun penas peske: “Me hom sheel bersh phouro. Oun man te vell i čavo? Oun i Sara hi enya-deesh bersh phouro. Yoy te lell i ternepen?”

1. Mose 17:13

Činlo hounte vell hako boudepaskro, kay pash t'mende boldo vas oun t'mendar ginlo vas. Ap t'maro mass dikenn t'mer, kay han mire menshe. Kava koova ačell yaake hako tsiro.

1. Mose 17:8

Oun me dau tout oun tire čaven kava them, kay tou kanna i vi-themari hal. Kava tselo them Kanaan vell lengro hako tsiro. Oun me hom lengro Devel.”

1. Mose 13:15

Ko tselo them, hoy dikeh, kova dau tout oun tire čaven, kay pal toute venna. Ko them hi t'maro hako tsiro.

2. Mose 29:27

Hako kopo, kay vell i morsh mange i rashay, vell o beč kava bakrestar oun o pralstouno kotar i heryatar glan o baro Debleste pre hadedo, te sikrenn le, kay kova o Debleske hi.

3. Mose 3:17

Kek t'mendar hounte rhal o thulepen oun o rat. Ap kova hounte rikrenn t'men oun t'mare čave kanna oun hako tsiro, kay t'mer ninna djivenna.

4. Mose 5:9

Ninna ko vavar koova, hoy i Israelitarya o baro Debleste denn, hi i rashayenge.

2. Mose 29:28

Kol douy kotya mass venn pre hadedo glan mande, o baro Debleste. Palle nay rhal len o Aron peskre čaventsa. Oun yaake vell kova kerdo hako kopo, kay marenn i Israelitarya i bakres mange, hoy rhan le palle khetne glan mande.

3. Mose 2:3

Kova, hoy o yarrestar o djeteha pral ačell, hi o Aroneske oun leskre čavenge. Kova hi i Debleskro rhapen oun hi i rashayenge kokres.