3. Mose 1:3 - O Debleskro Lab 2024 (Sinte-Manouche)

³ Te kamell lo leske i groumni te anell, te vell li leske tseles rhačedo, palle hounte lell lo i morshkani groumni, hoy gar nasselo hi. Oun yob anell lat glan o voudar o Debleskro plarhteno kherestar, te dikell o baro Devel lačes ap leste.

O Debleskro Drom 2021 (Sinte)

³ Te kamell lo leske i grumni te anell, te well li leske tseles chatchedo, palle hunte lell lo i murshkani grumni, hoi gar nasselo hi. Un job anell lat glan o wudar o Debleskro plachteno kherestar, te dikell o baro Dewel latches ap leste.

3. Mose 1:3 Referans Kwoze

5. Mose 15:21

Te hi čomone djoungelo ap ko firho, te hi les i bangi heri, te hi lo korelo, oder i vavar doosh hi ap leste, palle rhačress les tou gar tiro baro Debleske.

Hebrearja 9:14

kitse zorleder hi o Yezous Kristeskro rat. O Debleskro Dourho, kay djivella hako tsiro, das o Yezous Kristeste i zoor, te nay das lo peskro djipen an o merepen. Oun yob meras o Debleske yaake har i bakro, ap koleste kek doosh hi. Kova kras lo, te lell lo mari doosh mendar, yaake te djivas mer bouder gar pal kol laba, hoy či moldo hi oun i menshe an o merepen anenna. Kanna hi maro dji djoudjo, oun mer nay vah čačepah o djido Debleske koy.

2. Mose 12:5

Lenn yek firho, hoy sasto hi, i morsh, hoy yek bersh phouro hi, nay vell i bakrendar, nay vell i bouzyendar.

Efesarja 5:27

Yaake kras lo len rayles oun shoukar. Kek djoungelo oun čilačo koova hi ap lende. Djoudjo oun erligo hi le glan leste tardo.

5. Mose 17:1

Tou maress tiro baro Debleske kek groumni, kek bakro oder bouzni, hoy nasselo oder djoungelo hi. Kova vals i čilačo koova glan tiro baro Debleste.

Hebrearja 7:26

O Yezous hi o baro rashay, kay hounte vell men. Yob hi lačo glan o Debleskre yaka. Kek čilačepen, vitar kek doosh hi ap leste. Na-a, yob hi gar yaake har mer čilače menshe ham, kay ham pale-čiddo glan o Debleste. Oun o Devel kras les bareder har hako vavar an o bolepen.

Efesarja 2:18

Mende halauterende das yob o Debleskro Dourho. Oun kova krell, te nay vah mer lauter glan o Debleste, maro dadeste.

1. Mose 22:8

Koy penas o Abraham leske: “O Devel della o bakres, te rhačras les leske, miro čavo.” Oun yon douy djan khetne doureder.

Johanni 1:36

Oun har yob dikas, kay o Yezous koy djal, penas lo: “Dikenn, kava hi o Debleskro bakro!”

2. Korintarja 9:7

Hakeno hounte dell yaake boud love, har leskro dji leske penella. Les hounte khaytell kova gar, hoy yob das! Yob dell kova pestar oun gar, har te kaman le les lestar. O Devel kamell kol menshen, kay denn o djiyestar.

Maleachi 1:14

Praasedo te vell hakeno, kay pes sovel das, te dell lo man i lačo morsh firho. Oun palle rhorhell lo man oun anell mange i nasselo firhes. Me hom o pralstouno ray, oun i menshe dran vavar themma sharenn man, penell o baro Devel, ko ray pral o bolepen oun i phoub.

Ezekiel 20:40

Ap miri bari berga an Israel, kay me djivau, kote mangenn man i tsele Israelitarya an, halauter kay an o them hi. Oun me lau len an o lačepen an, oun kamau, te anenn le mange kote firhen oun djob, yaake har glan činlo hi, ninna ko koova, hoy mange ap i rig čivan.

Debleskri gili 110:3

Tou te deh tire lourden gole, venn le lauter o djiyestar touha. Shoukar an-rido hi kol terne morsha, kay venn pash toute ap o Debleskri berga, raylo har o dives, te djal o kham pre.

Debleskri gili 40:8

Doleske penom touke: Ake hom. Me krau, hoy mandar činlo hi an o liil:

4. Mose 29:13

oun rhačrenn leske firhen. Oun o lačo soungepen, hoy djal pre, te venn le rhačedo, soungella mishto o baro Debleske. Ap o ersto dives rhačrenn leske deesh-te-triin terne morsh groumya, douy morsh bakre, oun deesh-te-star yek-bershengre bakre, kay gar nasselo hi.

3. Mose 3:1

Te kamell yek o baro Debleske i groumyat te anell, hoy rhan i menshe khetne glan leste, palle nay vell ko firho i morsh groumni har ninna i djouvel groumni. Kava firho hounte vell gar nasselo.

2. Mose 24:5

Oun yob bičras terne morshen vin, te marenn le firhen oun rhačrenn len o baro Debleske. Koy pashel his ninna terne gourma. Kolen maran le, te nay rhan i Israelitarya ko mass khetne glan o baro Debleste.

1. Mose 22:13

Koy dikas pes o Abraham trouyel. Pal leste hi i bakro mank i bourra. Leskre shinga hi an kal bourra oun yob nay vas gar vin. O Abraham djas koy, las ko bakro, maras les oun rhačras les o Debleske, gar peskro čaves.

Johanni 10:9

Me hom ko voudar. Te djal yek an kava voudar dren, kova djal gar nashedo. Yob djal dren oun vin, oun yob hatsell shoukar zenlepen rhapaske.

Louka 1:35

O bolepaskro penas ap late: “O Debleskro Dourho oun leskri zoor vell pral toute. Doleske vell o ternepen o Deblestar oun vell Debleskro čavo kharedo.

Jesaja 1:11

“Hoy krap me kol tsele firhentsa, hoy t'mer mange anenn”, poučell o baro Devel. “Man hi doha t'mare bakrendar, hoy mange rhačran, hom čalo ko thulepastar i pesse groumyendar. Ko rat i morshkane groumyendar oun tikne bakrendar oun bouzyendar kamau me gar.

2. Mose 32:6

Oun yon stan taysarlakro pre oun maran firhen, oun rhačran len ko debleske, hoy kran le penge. Ninna vavar firhen anan le pashel, te rhan le len khetne. Oun yon beshan pen, te rhan le oun te piyenn le. Oun yon stan pre oun khelan.

2. Mose 29:42

An o tsiro, hoy vella, krenn yaake, t'mer oun t'mare čave, hoy pal t'mende venna! Oun denn man hako dives taysarlakro oun rati i bakro! Kova rhačrenn glan mande pash o voudar glan o Debleskro plarhteno kheer! Oun kote vau pash t'mende oun rakrau touha.

2. Mose 29:18

Oun rhače o tselo bakro ap i rhačepaskri, yaake te djal lauter pre an i yagakro dourho. Ko bakro hi mange, o baro Debleske, oun vell tseles rhačedo. Oun o lačo soungepen, hoy vell vin, soungell mange mishto.

1. Mose 22:2

Penas o Devel: “Le tiro yek čaves, koles, kay tou o djiyestar kameh, o Isaakes. Oun dja leha an ko them Moriya ap koy berga, hoy me touke penau! Oun mare oun rhač les mange kote!”

1. Mose 8:20

Oun o Noah kras i rhačepaskri platsa oun las hake firhendar, kay gar pale-čiddo hi oun hake čirklendar, kay gar pale-čiddo hi. Oun das len moulo oun rhačras len ap koy platsa, te parkrell lo pes pash o baro Debleste.

Zakarie 13:7

O baro Devel, ko ray pral o bolepen oun i phoub, penell: “Miro rharo, hade tout! Dja ap o bakrengro pre, kay mange boudrella, ap koleste, kay pash mande tardo hi! De o bakrengres! Palle nashenn i bakre krik, hakeno ap peskri rig! Ninna ap i tiknende hadau miro vast.”

4. Mose 23:3

Oun o Bileam penas ap o Balak: “Dja pash ko firho, hoy rhačreh o Debleske. Me kamau doureder te djal. Nay vell, te moukell pes o baro Devel glan mande te dikell. Palle kamau touke te penell, hoy yob mande sikrella.” Oun yob djas ap i berga, kay hi kek veesh.

2. Korintarja 8:12

Te dell yek o djiyestar yaake boud har nay dell lo, dikell o Devel lačes ap leste. Yob kamell gar, te dell lo boudeder, har les hi.

Johanni 10:7

Doleske penas o Yezous pale ap lende: “Čačepah, me penau t'menge: Me hom o voudar i bakrenge.

4. Mose 23:19

O Devel hi gar i mensho, kay rhorhella, vitar gar i mensheskro čavo, koles khaytell, hoy yob kras. Penell yob čomone, hoy yob gar krella? Penell yob kova, kay rikrell yob gar?

3. Mose 17:9

kova hounte anell les glan o voudar o Debleskro plarhteno kherestar, te vell lo kote o baro Debleske maredo. Koon kova gar krell, vell pale-čiddo oun nay djivell bouder gar mank peskre menshende.

3. Mose 4:23

Te hayvell lo pal i tsiro, kay kova, hoy lo kras, gar čačo hi glan o Debleskre yaka, palle hounte anell lo leske i morsh bouzni, hoy gar nasselo hi.

2. Mose 35:5

Hakeno, hoy les an o dji rhačella, te dell lo man pestar čomone, kova nay dell man: Sonakay, roup oun lolo saster,

2. Mose 29:4

An o Arones oun leskre čaven pash o voudar glan o Debleskro plarhteno kheer, oun le pani oun thob len!

3. Mose 16:7

Palle lell yob kol douy morsh bouzya oun anell len pash o baro Debleste glan o voudar leskro plarhteno kherestar.

3. Mose 8:21

Oun yob thovas leskre bouke oun leskre herya o panyeha, oun čivas len ninna ap i rhačepaskri, oun moukas ko tselo firhes pre te rhačrell ap o Debleskri rhačepaskri. Yaake har o baro Devel penas, vas ko tselo bakro leske rhačedo. Oun o lačo soungepen, hoy vas vin, soungas mishto o baro Debleske.

3. Mose 8:18

Palle las lo ko yek bakro, koleskro tselo mass rhačedo vell o baro Debleske. Oun o Aron oun leskre čave čivan pengre vasta ap o firheskro shero.

3. Mose 7:16

Te das yek pes sovel te dell lo čomone o Debleste, oun anell doleske sau firho o Debleske, vell ko mass ko emligo dives rhalo. Te ačell čomone pral, nay rhan le les o vavar dives ninna. Yaake hounte vell ninna kerdo, te das yek i firho pestar o baro Debleste.

2. Mose 38:1

Oun yob kras i sasterni rhačepaskri, kay venna firhe o Debleske rhačedo. Yob kras lat dran akatstikro kasht, douy-te-paash metarya lengsto oun ninna yaake bourhlo oun yek-te-paash metari pral. Pral i tseli rhačepaskri vas lolo saster dino. Ap haki pralstouni ekka vas i shing vin. Kol shinga van kerdo dran yek kotar kasht har i rhačepaskri.

2. Mose 36:3

Oun o Mose das len ko tselo kouč koova, hoy i Israelitarya anan, te krenn le o baro Debleske i kheer. Oun hako dives taysarlakro van le pale te pale pash o Moseste oun anan leske boudeder kouč koova pendar.

2. Mose 35:29

Yaake anan i Israelitarya, morsha oun djouvya, kolengre djia rhačan, boud koova pendar, te vell koy tseli boudi kerdo, hoy o baro Devel o Moseske penas.

2. Mose 35:21

Halauter, kolengre djia rhačan, oun kay kaman pendar čomone te dell, van oun anan čomone o baro Debleske, te vell leske i plarhteno kheer kerdo, kay i rashaya nay boudrenn leske, oun te nay krenn le ripya kolenge.

4. Mose 23:30

O Balak kras, har o Bileam penas, oun rhačras ap haki rhačepaskri yek terno gouroum oun yek bakro.

5. Mose 12:27

Kote rhačrenn leske kol firhen, hoy venn tseles rhačedo, lengro mass oun rat. Kol vavarendar, hoy t'mer rhan, čore o rat ap o baro Debleskri rhačepaskri vin.

4. Mose 23:27

O Balak penas ap leste: “Am kay! Me kamau tout ap i vavar platsa te anell. Nay vell yaake, kay hi kova mishto glan o Debleskre yaka, kay tou kote pral lende i bibarht vin rakreh.”

3. Mose 1:10

Te kamell yek i bakro oder i bouzni o baro Debleske te anell, te vell ko firho tseles leske rhačedo, palle anell lo i morshkano firho, hoy gar nasselo hi.

3. Mose 4:15

Oun i phoureder lendar čivenn pengre vasta ap o firheskro shero oun marenn les kote glan o baro Debleste.

3. Mose 6:8

Yek lendar lell kolestar i vast pherdo yarro, kay djet dren hi, ninna ko tselo soungepaskro koova, hoy pral o yarro čiddo hi, oun moukell kova ap o Debleskri rhačepaskri pre te rhačrell. Yaake sikrell lo, te hi ko tselo rhapen o baro Debleske. Oun ko lačo soungepen, hoy vell vin, soungell mishto o baro Debleske.

3. Mose 17:8

Tou peness lenge: Hako morsh dran o kheer Israel, ninna hako vi-themari, kay mank t'mende djivell, kay kamell i firhes o baro Debleske te marell, sau firho, koleskro tselo mass rhačedo vell, oder sau firho, hoy rhan le khetne glan o baro Debleste,

4. Mose 15:3

oun t'mer anenn i firhes t'mare groumyendar oun bakrendar rhačepaske o baro Debleske, hounte denn t'mer i rhapen koy pashel. Krenn kova pash hako firho, hoy mange anenn: pash ko firho, hoy vell tseles rhačedo mange; pash ko firho, hoy rhan t'mer khetne glan mande; pash ko firho, koleha i mensho sikrell, te das lo pes sovel, te dell lo man čomone; pash ko firho, hoy kamell i mensho pestar mande te dell; pash ko firho, hoy rhačrenn t'mer mange ap t'mare bare divessa. O lačo soungepen kol firhendar hi mishto mange. Ko rhapen, hoy anenn pashel, hounte vell yek kilogrammi lačo yarro, oun yek litari djet. Kova vell halauter khetne kerdo.

4. Mose 15:8

Te kameh tou o Debleske i groumni te anell, nay vell yek, hoy vell leske tseles rhačedo, nay vell yek, kolah tou sikreh, te dal tout sovel, te deh čomone o Debleste; nay vell yek, hoy deh, te rhan t'mer o mass khetne glan o baro Debleste,

Ezekiel 40:39

Oun an i voudareskri halla foun kava voudar his star rhapangre tardo, douy ap haki rig. Oun ap lende venn kol firhe maredo, hoy o Debleste dino venn, kolla kay venn tseles rhačedo, oun kolla kay venn maredo, te vell i doosh krik lino, ninna kolla kay venn maredo, te vell lauter pale mishto.

3. Mose 4:3

Te hi kova o pralstouno rashay, kay rikras pes gar ap o Debleskro lab, oun anas yaake doosh ap i tsele Israelitaryen, palle lell lo i terno gouroum, hoy gar nasselo hi, oun anell les o baro Debleske, te vell leskri doosh, hoy lo ap peste anas, krik lino.

3. Mose 4:32

Te kamell yek i bakro o Debleske te anell, te vell leskri doosh krik lino, palle anell lo i bakri, hoy gar nasselo hi,

3. Mose 5:15

Te dals yek gar o baro Debleste, hoy hounte dals lo leste, rhorhras lo o baro Debles, ninna te djinas lo kova gar. Yob hounte anell o Debleske i bakro, hoy sasto hi, te vell leskri doosh pale mishto. Kava bakro hounte vell yaake boud roupene beme moldo, har tou peneh. Yek roupeni bema hi yaake pharo har i roupeni bema an o Debleskro kheer hi.

3. Mose 5:18

Yob hounte anell o rashayeske i bakro, hoy sasto hi, te vell leskri doosh pale mishto. Kava bakro hounte vell yaake boud moldo, har tou peneh. Koleha krell o rashay, te vell lauter pale mishto mank o Debleste oun ko mensheste, kay gar djinas, kay kova, hoy lo kras, i doosh his. Oun o baro Devel bistrell leskri doosh.

3. Mose 6:2

Pen ap o Aron oun leskre morsh čavende: Yaake hounte krenn t'mer o firheha, koleskro tselo mass mange rhačedo vell: Ko mass ačell ap i rhačepaskri koy tseli rat, bis te vell o nevo dives. Oun koy yag ap i rhačepaskri hounte rhačell i tseli rat oun djal gar vin.

3. Mose 9:2

oun penas ap o Aron: “Le touke i terno gouroum oun i morsh bakro, ko gouroum, te vell lo maredo, te vell i doosh krik lino, oun ko bakro, te vell lo maredo, oun leskro tselo mass o baro Debleske rhačedo. Kal douy hounte venn sasto. Kolla an glan o baro Debleste:

3. Mose 14:10

Ap o orhtato dives anell lo douy terne bakre, hoy morsha hi oun sasto, oun yek bakri, hoy yek bersh phouro oun sasto hi. Ninna anell lo triin kilogramme lačo yarro, kay djet dren hi, te vell kova glan o baro Debleste anlo. Koy pashel anell lo i khoro djet.

3. Mose 23:12

Ap ko dives, kay hadell o rashay t'maro nevo djob pre glan o Debleste, hounte anenn t'mer i terno bakro, hoy yek bersh phouro hi oun sasto hi, te vell lo rhačedo o baro Debleske.

3. Mose 23:18

Pash ko maro anenn t'mer efta bakre, yek bersh phouro oun sasto, ninna yek terno gouroum oun douy morsh bakre. Kolla venn maredo oun rhačedo o baro Debleske. Khetne lentsa vell leske o rhapen dran yarro rhačedo, oun i mool glan leste vin čoredo. Oun ko lačo soungepen, hoy vell vin, soungella mishto o baro Debleske.

4. Mose 19:2

Kova, hoy kanna penau, hounte krenn yaake har penau, ninna an ko tsiro, hoy vella: Pen ap kol Israelitarya, te anenn le pash toute i loli groumni, kay kek nasslepen ap late hi, oun kay boudras gar ap i harhetikri phoub, yaake rah har djivell li.

4. Mose 28:11

Ap o ersto dives an hako čon hounte rhačrenn t'mer o baro Debleske douy terne morsh groumya, yek morsh bakro oun efta yek-bershengre bakre, kay gar nasselo hi.

4. Mose 28:19

Oun hounte rhačrenn o baro Debleske douy terne morsh groumya, yek morsh bakro, oun efta yek-bershengre bakre, kay gar nasselo hi.

4. Mose 28:31

Oun kova halauter hounte anenn pash kol firhe oun ko yarro oun koy mool, hoy vell hako dives o Debleske anlo. Kol firhe, hoy anenn o Debleske, hounte venn sasto.

4. Mose 29:2

Oun t'mer hounte rhačrenn firhen o Debleske. Oun ko lačo soungepen, hoy pre djal, te venn le rhačedo, soungella mishto o baro Debleske. Kolla hi kol firhe, hoy hounte rhačrenn leske tseles: yek terni morsh groumni, yek morsh bakro, oun efta yek-bershengre bakre, kay gar nasselo hi.

2. Familjakro liil 29:32

Khetne his kolla 70 (efta-deesh) groumya, 100 (sheel) morsh bakre oun 200 (douy-sheel) terne bakre. Yaake boud firhe van tseles rhačedo o baro Debleske.

2. Familjakro liil 35:12

Oun i Levitarya čivan ko mass kol firhendar, hoy van tseles rhačedo, ap i rig, te denn le les hake bare familyende, te nay anenn yon les glan o baro Debleste, yaake har činlo hi an o Moseskro liil. Kova kran le ninna i groumyentsa.