3. Mose 1:14 - O Debleskro Lab 2024 (Sinte-Manouche)

¹⁴ Te kamell yek i čirklo o baro Debleske te anell, te vell ko čirklo tseles leske rhačedo, palle anell lo i divyi tauba oder i vavar tauba.

O Debleskro Drom 2021 (Sinte)

¹⁴ Te kamell jek i tchirklo o baro Debleske te anell, te well ko tchirklo tseles leske chatchedo, palle anell lo i diwji tauba oder i wawar tauba.

3. Mose 1:14 Referans Kwoze

Louka 2:24

Oun o Yosef oun i Maria anan douy parne čirkle glan o Debleste, yaake har kova an i Moseskre lila činlo hi, te vell i djouvel pale erligo.

3. Mose 5:7

Te hi ko morsh čorvelo oun nay anell kek bakri vitar kek bouzni, nay anell lo douy taube. Kolla nay hi douy divye taube oder douy vavar taube, yek, te vell i doosh krik lino, oun yek, hoy o baro Debleske tseles rhačedo vell.

3. Mose 12:8

Te hi li yaake čorvelo, te nay anell li kek bakro, palle anell li douy divye taube oder douy terne taube, yek, hoy o baro Debleske rhačedo vell, oun yek, hoy maredo vell, te vell o pale-čiddo koova latar krik lino. Yaake krell o rashay, te vell li pale erligo.

Hebrearja 7:26

O Yezous hi o baro rashay, kay hounte vell men. Yob hi lačo glan o Debleskre yaka. Kek čilačepen, vitar kek doosh hi ap leste. Na-a, yob hi gar yaake har mer čilače menshe ham, kay ham pale-čiddo glan o Debleste. Oun o Devel kras les bareder har hako vavar an o bolepen.

2. Korintarja 8:12

Te dell yek o djiyestar yaake boud har nay dell lo, dikell o Devel lačes ap leste. Yob kamell gar, te dell lo boudeder, har les hi.

Mateo 11:29

Me hom t'menge i lačo ray, oun dikau ap kekeste tele. Shounenn ap mande oun krenn, hoy me t'menge penaua! Oun t'maro dji vell pale zorelo.

1. Mose 15:9

Koy penas o Devel ap leste: “An mange i terni groumni – triin bersh phouro, i bouzni – triin bersh phouro oun i bakro – triin bersh phouro, i divyi tauba oun i vavar tauba!”

Mateo 21:12

Oun o Yezous djas an o Debleskro baro kheer, oun tradas lauteren vin, kay kote bikran oun ginan. Oun yob vitsras i lovengre stamya kolendar trouyel, kay kol menshenge love paran. Ninna i stamya kolendar, kay čirkle bikran, vitsras lo trouyel.

3. Mose 5:10

Oun koy vavar tauba rhačrell lo yaake, har o baro Devel penas, te vell kerdo i firheha, hoy tseles rhačedo vell. Yaake krell o rashay, te vell lauter pale mishto mank ko mensheste oun o baro Debleste. Oun o baro Devel bistrell koy doosh, hoy ko mensho ap peste anas.

3. Mose 5:11

Te hi kova, kay doosh ap peste anas, yaake čorvelo, te nay anell lo gar douy taube, palle anell lo yek kilogrammi lačo yarro o baro Debleske, te vell leskri doosh krik lino. Yob hounte čivell kek djet pre, vitar kek soungepaskro koova. Kava hi i rhapen, hoy o Debleske anlo vell, te vell i doosh krik lino.