2. Timoteo 4:16 - O Debleskro Lab 2024 (Sinte-Manouche)

¹⁶ Har homs o glanstouno kopo glan i čačepangre tardo, his kek ap miri rig tardo. Lauter moukan man kokres. Me mangau o Debles, te lell lo koy doosh lendar.

O Debleskro Drom 2021 (Sinte)

¹⁶ Har homs o glanstuno kopo glan i tchatchepangre tardo, his kek ap miri rig tardo. Lauter mukan man kokres. Me mangau o Debles, te lell lo koi doosh lendar.

2. Timoteo 4:16 Referans Kwoze

Bičepangre 7:60

Oun yob peras ap i phoub tele, oun das pale gole: “Ray, le koy doosh lendar!” Har yob kova penas, meras lo.

Johanni 16:32

“Dikenn, ko tsiro vella oun hi koy, kay nashenn t'mer halauter mandar. Hakeno djal pale khere. Oun man moukenn t'mer kokres. Ninna te moukenn man, hom me gar kokres. O dad hi pash mande.

Markus 14:50

Har peskre mala kova shounan, moukan le les lauter oun nashan penge.

1. Petro 3:15

O Yezous Kristo kokres te vell o ray an t'mare djia! Oun te poučenn le t'mendar čomone pral t'maro patsepen, ma darenn kek tsiro, te penenn lenge, ap koneste t'mer patsenna.

2. Timoteo 4:10

O Demas moukas man, oun djas an o foro Tessalonika. Yob kamell o djipen ap kay phoub. O Kreskens djas an o them Galatia, oun o Tito an o them Dalmatia.

2. Timoteo 1:15

Tou djineh, kay moukan man kol tsele patsle, kay hi an o them Asia. Mank lende hi ninna i phrala Figelo oun Hermogeno.

Filiparja 1:7

Me nay sharau t'men yaake. T'mer han an miro dji oun rikrenn mantsa khetne, ninna kanna, kay hom an o stilepen, oun penau o lačo lab o Yezous Kristestar glan i čačepangre oun sikrau lende leskro drom yaake, te djinenn le o čačepen.

2. Korintarja 7:11

T'menge his ropaske pral ko koova, hoy mank t'mende djas, oun o Devel dikas lačes ap t'mende. Kanna dikenn, havo lačo koova dran kova vas: T'mer kamenn lauter mishto te krell, oun kamenn te sikrell, te hi t'men kek doosh. T'mer van rhoyedo pral koleste, kay ko koova kras. Oun t'men his daar miri rholyatar. O tselo djiyestar kaman t'mer kova te krell, hoy mishto hi an mire yaka. Doleske dan t'mer koles i phagi, kay doosh ap leste his. Yaake sikran, kay his t'men kek doosh pral ko koova.

1. Korintarja 9:3

Kolla, kay kamenn doosh ap mande te anell, kolendar poučau:

Bičepangre 25:16

Kolenge penom: Yaake krah mer Remarya kova gar. Mer dah kekes i phagi, kay dikas kolenge gar an o mouy, kay anan doosh ap leste pre. Yob hounte penas nay, har yob ko koova dikella.

Bičepangre 22:1

T'mer morsha, phrala oun dada, shounenn, hoy kamau t'menge te penell!

Louka 12:11

Te anenn i menshe t'men glan i čačepangre oun glan i rayende oun pralstunende, ma darenn, hoy t'mer hounte rakrenna.

1. Korintarja 13:5

Kones hi o Debleskro kamlepen an o dji, kova krell kek vi-ladjedo koova; oun dikell gar ap peste kokres. Yob dikell ninna ap i vavarende, te djal lenge mishto. Kones hi o Debleskro kamlepen an o dji, kova moukell pes gar rhoyedo te krell. Yob bistrell o čilačepen, hoy i vavar leske kran.

2. Timoteo 4:15

Tou ninna, de tout garda glan leste! Lauter, hoy mer penam, his leske gar mishto.