2. Timoteo 4:11 - O Debleskro Lab 2024 (Sinte-Manouche)

¹¹ O Louka ačas kokres pash mande. Te veh tou pash mande, an o Markes touha! Yob nay boudrell mange.

O Debleskro Drom 2021 (Sinte)

¹¹ O Luka atchas kokres pash mande. Te weh tu pash mande, an o Markes tuha! Job nai budrell mange.

2. Timoteo 4:11 Referans Kwoze

Bičepangre 12:12

Har kova an leskro shero vas, djas yob pash i Mariakro kheer. Lakro čavo his o Yohanni, kay ninna Marko kharedo vella. Kote his boud patsle khetne oun mangan o Debles.

Filemon 1:24

Ninna o Marko, o Aristarko, o Demas, oun o Louka, kay mantsa o Yezous Kristeske boudrenna, kolla lauter penenn touke: Ač maro Debleha!

Bičepangre 12:25

O Barnabas oun o Saulo anan kol love i patslenge an o foro Yerusalem. Palle van le pale an o foro Antiochia. Lentsa djas o Yohanni Marko.

2. Timoteo 1:15

Tou djineh, kay moukan man kol tsele patsle, kay hi an o them Asia. Mank lende hi ninna i phrala Figelo oun Hermogeno.

Kolossarja 4:14

Ninna o Louka oun o Demas penenn t'menge: “Ačenn o Debleha!” O Louka hi ko dramaskro, koles mer lauter o djiyestar kamah.

Kolossarja 4:10

O Aristarko, kay mantsa an o stilepen hi, penell t'menge “Ačenn o Debleha!” Ninna o Marko oun ko Yosua, kay ninna Yusto kharella, penenn t'menge “Ačenn o Debleha!” O Marko hi o kakeskro čavo o Barnabestar. Te vell lo pash t'mende, lenn les kamles pre, har penom t'menge glan i tsiro! Kolla triin morsha hi bibolde, kay ap o Yezous Kristeste patsenna. I tsele biboldendar, kay kate hi, krenna kol triin kokres mantsa khetne o Debleskri boudi. Yon dan man zoor an miro dji.

Bičepangre 15:39

Oun kote čingran pen o Paulo oun o Barnabas pral o Markeste yaake, kay djas hakeno peskro drom. O Barnabas las o Markes peha, oun yon ouleran ap o shiffo an o them Ciprus.

1. Petro 5:13

I patsle, kay venn khetne an o foro Babilon, penenn t'menge lače laba. Yon van o Deblestar vin rodedo har t'mer. Ninna miro čavo Marko penell t'menge lače laba.

Bičepangre 16:10

Koy pre rodam mer sik i shiffo, kay lell men peha an o them Macedonia. Mer djinam, kay das men o Devel gole, te penas kote i menshenge o lačo lab o Yezous Kristestar.

Louka 13:30

Oun boud, kay kanna palla tardo hi, kolla hi ap ko dives glan tardo. Oun boud, kay kanna glan tardo hi, kolla hi ap ko dives palla tardo.”

Mateo 20:16

Oun o Yezous penas doureder: “Dikenn, yaake venn boud palla tardo, kay kanna glan tardo hi. Ninna venn boud glan tardo, kay kanna palla tardo hi.”

Mateo 19:30

Oun boud, kay kanna glan tardo hi, kolla hi ap ko dives palla tardo. Oun boud, kay kanna palla tardo hi, kolla hi ap ko dives glan tardo.”

Hosea 14:4

Mer poučah bouder gar kolendar dran o them Assour, te venn le menge ap i rig, oun djinah, mari zoor vell gar mare grayendar oun vourdya. Oun ap kova, hoy mer mare vastentsa kram, penah bouder gar: “T'mer han mare debla.” Tou kreh tiro dji pre kolenge, kolen kek dad bouder hi.

Bičepangre 15:37

O Barnabas kamas ninna o Yohanni Markes peha te lell.

2. Timoteo 2:21

Yaake hi kova ninna i patslentsa: Kova, kay čivas ko tselo čilačepen dran peskro djipen vin, kova hi har i kouč čaro o rayeske pral o kheer. Yob hi kokres peskro rayeske koy, oun hi leske boud moldo. Leskro ray nay dell leske haki lači boudi.