2. Timoteo 3:5 - O Debleskro Lab 2024 (Sinte-Manouche)

⁵ Kolla krenn yaake, har te vans le patslo. Yon prindjrenn gar koy zoor, hoy vell dran o čačo patsepen. Rike tout save menshendar pale!

O Debleskro Drom 2021 (Sinte)

⁵ Kolla krenn jaake, har te wans le patslo. Jon prindjrenn gar koi soor, hoi well dran o tchatcho patsepen. Rike tut sawe menshendar pale!

2. Timoteo 3:5 Referans Kwoze

Jesaja 29:13

O baro Devel, maro ray, penas: Kal menshe sharenn man labentsa. Lengre čipya hadenn man. Lengre djia hi dour krik mandar. Te mangenn le man an, rakrenn le palla, hoy lenge glan penlo vas.

Tito 1:16

Yon penenn, te prindjrenn le o Debles. An lauter, hoy yon krenna, sikrenn le, kay yon les gar prindjrenna. Yon hi infam an o Debleskre yaka, oun kamenn gar ap leste te shounell. Yaake hi lauter, hoy yon krenna, či moldo.

1. Timoteo 5:8

Koon gar peskre menshenge koy hi, oun kolenge, kay pash leste an o kheer djivenna, kova nashras peskro patsepen, oun hi har yek, kay patsell gar ap o Yezous Kristeste.

Mateo 7:15

Denn yak, te patsenn gar kol rhorhene rakepangren, kay penenn, te vans le o Deblestar bičedo! Yon krenn, har te vans le t'mare phrala. An lengro dji hi le divye djoukle, kay marenna.

Tito 3:10

Te dell yek mensho, kay anell čingepen mashkral i patslende, pen koleske, te moukell lo kova! Yob te moukell gar tele, pen kova leske i douyto kopo! Yob te shounell gar ap toute, palle rake bouder gar leha!

2. Timoteo 2:16

Ma shoun ap dinelo rakepen, hoy vell i menshendar oun gar o Deblestar! Kova hi či moldo oun anell i menshen o Deblestar krik!

2. Timoteo 2:23

Te čingrenn i menshe pral i laba, ma mouk tout an ko dinelo rakepen dren tserdell, hoy či molella! Tou djineh, kova anell čingepen.

1. Timoteo 6:5

Savo čingepen djal doureder oun doureder. Kolla, kay krenn kova, hi nasselo an o shero oun hayvenn bouder gar, hoy o čačepen hi. Yon patsenna, te nashte lenn le boud love khetne, te krenn le, hoy o Devel kamella.

Efesarja 4:14

Palle ham bouder gar har tikne čave, kay lauter patsenna, kava dives yaake oun ko vavar dives vavarčandes. Oun mer shounah bouder gar ap kolende, kay rhorhenna, oun kamenn men o čačo dromestar tele te anell.

2. Tessalonikarja 3:6

Mire phrala, an o lab maro rayestar, o Yezous Kristestar, penah t'menge zoreles: Rikrenn t'men kol phralendar krik, kay kamenn gar te boudrell! Yon djivenn gar yaake, har mer t'menge penam.

2. Tessalonikarja 3:14

Yek te krell kova gar, hoy mer an kava liil činam, penenn kova i vavar patslenge, oun rikrenn t'men lestar pale, te vell i ladj pral leste!

1. Timoteo 4:7

Ma shoun ap dinele parmisse! Kolla venna gar o Deblestar! Dik ap toute, te djivess o djipen, hoy lačo hi glan o Debleskre yaka.

1. Timoteo 4:8

Te dikeh ap kova, te venn tire moussya oun herya zoreles, hi kova gar boud moldo. Te dikeh ap kova, te vell tiro patsepen zoreles, hi kova boud moldo, oun tou leh o čačo djipen. Ko djipen dell tout o Devel kanna ap kay phoub oun an ko tsiro, hoy vella.