2. Timoteo 2:24 - O Debleskro Lab 2024 (Sinte-Manouche)

²⁴ Kova, kay boudrell o Debleske, hounte čingrell pes gar. Na-a, yob hi kamlo ap hakeneste, oun hayvell mishto i menshende o Debleskro drom te sikrell. Yob vell gar rhoyedo ap lende,

O Debleskro Drom 2021 (Sinte)

²⁴ Kowa, kai budrell o Debleske, hunte tchingrell pes gar. Na-a, job hi kamlo ap hakeneste, un haiwell mishto i menshende o Debleskro drom te sikrell. Job well gar chojedo ap lende,

2. Timoteo 2:24 Referans Kwoze

Tito 3:2

te rakrenn le gar djoungeles pral vavarende, oun te rodenn le kek čingepen! Na-a! Yon hounte venn o djiyestar lačo oun kamlo ap i tsele menshende.

Tito 1:7

I pralstouno pral o Debleskro kheer hounte djivell yaake, te dikell kek i čilačo koova ap leste. Yob djal gar pal peskro shero, oun vell gar sik rhoyemen! Yob vell kek pipaskro oun kek čingepaskro! Yob nashell gar pal i love!

1. Tessalonikarja 2:7

Mer ham o Yezous Kristeskre bičepangre oun nay penams t'menge zoreles, hoy te krenn. Kova kram gar. Na-a, mer hams kamlo ap t'mende, har i day ap peskre čavende.

1. Timoteo 6:11

Tou hal i Debleskro morsh. Rike tout ko tselo koova pale! Kre lauter, te vess an o čačepen tardo, oun te djivess yaake, har o Devel kamella! Kre ninna lauter, te ačess an o patsepen, oun te kamess i menshen o tselo djiyestar! Te djal touke gar mishto, rike vin! Ab lačes ap i vavarende!

Kolossarja 3:13

te rhoyrell pes kek sik pral o vavareste. Oun bistrenn ko čilačo koova, hoy i vavar ap t'mende kran! Yaake har o ray, o Yezous Kristo, t'mari doosh bistras, hounte krenn t'mer kova ninna.

Filiparja 2:14

Lauter kova, hoy t'mer krenna, krenn les i barhtelo djiyestar, oun čingrenn gar!

Filiparja 2:3

Kek te krell čomone, hoy leske kokres mishto hi, vitar či, te vell lo sharedo pash i menshende! Kek te krell, har te vals lo feteder har ko vavar! Na-a, ap hakeneste penau: Dik yaake ap o vavareste, har te vals lo bareder har tou!

Efesarja 4:2

Ma krenn t'men bares! Avenn lačes yek ap o vavareste! Denn i vavaren gar yaake sik pre! Djivenn khetne an o kamlepen!

1. Petro 3:8

Ap t'mende lauterende penau: Rikrenn khetne! Hakenes te vell i dji o vavareske! T'mer lauter han phrala oun phenya. Avenn lačes yek ap o vavareste! Ma krenn t'men bares!

Jakobo 3:17

Ko gosvepen, hoy o Deblestar vella, hi vavarčandes. I mensho, kay hi les kava gosvepen, kova djivell i djoudjo djipen. Yob kamell te djivell lo lačes i vavarentsa khetne. Yob hi kamlo oun lačo. Les hi i dji i vavarenge, oun krell boud lačo koova. Yob moukell pes gar ap yekeskri rig te tserdell. Les hi gar douy čipya.

Tito 1:9

Yob rikrell pes ap o Debleskro lab yaake, har kova leske penlo vas, oun čačo hi. Palle nay rakrell lo i patslenge an o dji, te ačenn le ap o čačo drom. Ninna nay sikrell lo kolende, kay vavar koova rakrenna, kay lengro gar čačo hi.

2. Korintarja 10:1

Me, o Paulo, rakrau t'mentsa kamles oun lačes, yaake har o Yezous Kristo kamles oun lačes hi. Hi menshe mank t'mende, kay penenna: “Me te hom pash t'mende, nay rakrau kek triin laba. Te hom dour t'mendar krik, palle rakrau zorele labentsa.”

Bičepangre 7:26

O vavar dives vas yob pash peskre menshende, har douy lendar čingran. Oun yob das len trad, te čingrenn le pen gar, oun penas: Morshale, t'mer han phrala, hoske čingrenn?

Mateo 12:19

Yob čingrell pes gar, oun dell gar bari gole. Oun yob krell kek baro rakepen ap o drom.

Jakobo 4:2

T'mer kamenn boud te lell, oun len či. Doleske nay marans i menshen. T'mer zilverenn ap i vavarende, oun t'mer nay lenn gar, hoy kamenna. Doleske čingrenn oun kourenn t'men. O Deblestar mangenn t'mer či. Doleske hi t'men či.

Jakobo 1:1

Kava liil činau me, o Yakobo, kova, kay boudrell o Yezous Kristeske oun o Debleske. Me penau lače laba kolenge, kay patsenn ap o Yezous Kristeste oun djivenn mashkral kolende, kay gar patslo hi.

Jesaja 40:11

Yob dell yak ap lende har i bakrengro dell yak ap peskre bakre oun dell len te rhal, oun lell i terne bakren an peskre moussya, oun hidjrell len an peskri baya. Oun kolla, kay len terne hi, lenge djal lo lačes trouyel.

Judas 1:3

Mire phrala oun phenya, his i tsiro, kay kamoms t'menge an i liil te činell, har lačo o Devel ap mende hi, te las lo men dran o čilačepen vin. Pral kova kamau me kanna bouder gar te činell. Kanna dikau, hi feteder, te činap t'menge, te ačenn zoreles an o patsepen. Ma moukenn t'men o Debleskro dromestar tele te anell! Leskro lab, hoy t'menge penlo vas, ačell čačo hako tsiro.

Bičepangre 23:9

Halauter dan bari gole, oun kol čačepangre, kay ninna Farisarya his, stan pre oun čingran, oun penan: “Mer hatsah kek čilačepen ap leste. Te rakras i bolepaskro ap leste, hoy krah mer palle? Te rakras i moulo ap leste, hoy krah mer palle?”

Daniel 6:20

Sik taysarlakro, har o kham gar pre djas, stas o baro ray pre, oun djas sik pash i grouba, kay i leve hi.

Tito 1:1

Me, o Paulo, činau kava liil. Me hom o Debleskro boudepaskro. Oun o Yezous Kristo bičras man pash kolende, kolen o Devel peske vin rodas, te krap lengro patsepen zoreles, te hayvenn le o tselo čačepen, oun te djan le ap o Debleskro drom.

Galatarja 5:22

Kones hi o Debleskro Dourho an peskro dji, dran koleste vella lačepen: Les vell o Debleskro kamlepen oun barht an o dji. Yob kamell kek čingepen. Yob rikrell lauter vin. Yob hi lačes ap i vavarende. Les hi i baro dji i vavarenge. Kova, hoy yob penell, ap kova rikrell pes yob.

2. Korintarja 10:4

An maro boudi o Debleske lah mer kek rharo an o vast, har i menshe ap kay phoub krenna. Na-a, o Devel dell men i zoor, te nay rakras yaake kol menshentsa, kay rhorheno koova pral leste patsenna, te dikenn le, kay kova, hoy yon yaake rah patsan, či moldo hi.

Bičepangre 15:2

Har o Paulo oun o Barnabas kova shounan, penan le kol morshenge: “Hi gar čačo, hoy t'mer i patslenge penan!” Koy his len i baro čingepen lentsa. Koy pre penan lenge i phrala, te djan yon douy i vavar phralentsa an o foro Yerusalem pash o Yezouseskre bičepangre oun pash i phoureder mank i patslende, te poučenn le lendar, hoy yon pral kova penenna.

2. Familjakro liil 24:6

Kote moukas o baro ray o pralstouno rashayes, o Yoyada, te kharell, oun penas ap leste: “Hoske dal tou gar yak, te lenn i Levitarya kol menshendar an o them Youda oun an o foro Yerusalem kol love o Debleskro khereske dren, yaake har penas glan i rah tsiro o Mose, koles o baro Debleskro vast his, te anenn i Israelitarya love o baro Debleskro plarhteno kheer.

5. Mose 34:5

Oun o Mose, koles o baro Debleskro čačo vast hi, meras kote an o them Moab, yaake har o baro Devel les penas.

Johanni 6:52

Kanna čingran pen kol bibolde, oun penan: “Har nay dell men ko morsh peskro mass te rhal?”

Josua 1:1

Oun har meras o Mose, koles o baro Debleskro čačo vast his, rakras o baro Devel ap o Moseskro boudepaskro, o Yosua, koleskro dad o Noun his, oun penas:

2. Korintarja 6:4

Mer kamah, te dikenn le hako tsiro ap mende, kay ham o Debleskre boudepangre. Doleske dah gar pre, ninna te vell boud pharo koova ap mende. Ninna te hi men gar doha djipaske, te vell i daar ap mende, rikrah vin.