Biblia Todo Logo
Bib sou entènèt

- Piblisite -




2. Timoteo 2:22 - O Debleskro Lab 2024 (Sinte-Manouche)

22 Tou, Timoteo, ma kre ko čilačo koova, hoy i terne morshenge an o shero trouyel djala! Kre lauter, te djivess an o čačepen! Ač an o patsepen! Ab kamlo ap i vavarende! Djib lačes lentsa khetne! Kre kova lauter khetne kol phralentsa, kay o Debles an-gole denna i djoudjo djiyeha!

Gade chapit la Kopi

O Debleskro Drom 2021 (Sinte)

22 Tu, Timoteo, ma kre ko tchilatcho koowa, hoi i terne murshenge an o shero trujel djala! Kre lauter, te djiwess an o tchatchepen! Atch an o patsepen! Ab kamlo ap i wawarende! Djib latches lentsa khetne! Kre kowa lauter khetne kol phralentsa, kai o Debles an-gole denna i djudjo djijeha!

Gade chapit la Kopi




2. Timoteo 2:22
28 Referans Kwoze  

Kamle mala, t'mer djinenn, kay han gar khere ap kay phoub. Me mangau t'men, avenn zorelo! Te vell o djoungelo koova an t'mare djia pre, palle penenn: “Na-a!” ap kova oun krenn les gar!


Yob moukell o čilačo koova, oun krell o lačo koova. Peskri tseli zoryah krell lo, te djal kek čingepen mashkral i menshende!


Doleske penau t'menge: Ma loubrenn trouyel! Te kreh tou savo koova, čineh tou touke kokres an o mass. Hako vavar čilačepen kreh tou ap i vavarende. Te loubreh trouyel, kreh tou o čilačepen ap toute.


Tou hal i Debleskro morsh. Rike tout ko tselo koova pale! Kre lauter, te vess an o čačepen tardo, oun te djivess yaake, har o Devel kamella! Kre ninna lauter, te ačess an o patsepen, oun te kamess i menshen o tselo djiyestar! Te djal touke gar mishto, rike vin! Ab lačes ap i vavarende!


Har nay djal i terno morsh peskro drom yaake, te ačell peskro djipen djoudjo? Kova nay krell lo, te rikrell lo pes ap tiro lab.


Krenn lauter, te vell t'men kek čingepen i vavar menshentsa! Čivrenn o tselo čilačepen dran t'mende vin! Kek mensho dikell o Debles, te moukell lo o čilačepen an peste te djivell.


Ninna te hal tou terno, ma mouk tout ap i rig te čivell! Tou djivess yaake, te dikenn i vavar patsle, har hounte djivenn yon. Kova dikenn le ap tire laba, tiro djipen, tiro kamlepen i vavarenge, tiro patsepen ap o Yezouseste, oun tiro djoudjo dji.


Doleske, lače mala, denn yak, oun mangenn gar vavar koova an har o Debles!


Lauter, hoy peneh tou lenge pral o patsepen, hounte sikrell lende, te vell lengro kamlepen dran i djoudjo dji, oun te vell len i patsepen, an koleste kek rhorhepen hi, oun te krenn le lauter yaake, har lengro dji lenge penella.


Lačo phraal, ma kre o čilačepen palla! Kre o lačepen! Kova, kay krell lačo koova, vell o Deblestar. Kova, kay o čilačepen krella, kova prindjrell o Debles gar.


Mire phrala, me shounom, kay hi čingepen mashkral t'mende. Kova penan mange kolla dran i familya koy djouvyatar Kloe. Kanna mangau t'men an o lab maro rayestar, o Yezous Kristestar: Ma čingrenn t'men bouder! Ačenn khetne oun rikrenn khetne an kova, hoy t'mer krenna oun patsenna!


Kanna kras lauter, te vell kek čingepen mank mende. Kras kova, hoy krell men lauter zoreles an o patsepen.


Krenn lauter, te lenn o Debleskro kamlepen an t'maro dji! Oun rodenn i tselo djiyestar kol zorya, hoy o Debleskro Dourho an t'mende čivella, te nay boudrenna o Debleske! Boudeder har hako vavar koova rodenn koy pal, te penenn nay i menshenge i lab, hoy vella o Deblestar.


ap i patslende, kay venn khetne an o Debleskro lab an o foro Korint. Kolen rodas o Devel vin, te venn le leskre čave, oun te djivenn o Yezous Kristeha khetne. Kava liil hi ninna kol tsele vavarenge, kay o Yezous Kristes an hake gaba oun forya an-mangenna. Yob hi lengro oun maro ray.


Kolla, kay o Devel o ray pral lende hi, kolla čingrenn gar pral kova, hoy yon rhana oun hoy yon piyenna. Na-a. Yon djivenn pal o čačepen, hoy o Deblestar vella oun čingrenn gar, oun o Debleskro Dourho dell len barht an o dji.


Mer shounam ninna, kay las yob lila kol bare rashayendar, te nay taprell yob men oun čivell men stildo, lauter kolen, kay tout an-mangenna.”


Tserde tout vin dran leskre vasta har i vesheskri bouzni dran i pandle dorya, oun har i čirklo dran o vast kolestar, kay tapras les.


Yaake kamau me, te mangenn i morsha o Debles an, kote, kay i patsle khetne venna. Kal morsha hounte djivenn pengro djipen yaake, har o Devel kamella. Te hadenn le pengre vasta pre, te mangenn le o Debles an, palle hounte denn le yak, te vell kek rholi oun kek čingepen an lengre djia.


Yaake lačo his o Yezous Kristo mange, te das lo man ninna o patsepen ap leste oun o kamlepen i vavarenge.


O baro Devel dikell rhoyedes ap kova, hoy o čilačo leske anell. Te mangenn les kolla an, kay an o čačepen tardo hi, dikell lo lačes ap lengro mangepen.


I mangepen o Davidestar. Baro Devel, shoun, hoy toutar mangau: De man miro čačepen! De yak, har dau ap toute gole! Shoun miro mangepen, hoy vell dran i mouy, hoy gar rhorhella!


Har yon ap leste i barrentsa vitsran, das o Stefano gole: “Ray Yezous, le man pash toute!”


Te sovell i morsh i djouvyah, oun leske djal yek tele, hounte thovenn pen kol douy, oun hi pale-čiddo, bis te vell rati.


Yob djas ap o drom kote, kay i dromma khetne venna pash i kheer, kay i djouvel djivell.


Swiv nou:

Piblisite


Piblisite