2. Tessalonikarja 3:4 - O Debleskro Lab 2024 (Sinte-Manouche)

⁴ Yob hi maro oun t'maro ray. Doleske djinah, t'mer krenn, hoy mer t'menge penah, kanna oun an ko tsiro, hoy glan mende hi.

O Debleskro Drom 2021 (Sinte)

⁴ Job hi maro un tumaro rai. Doleske djinah, tumer krenn, hoi mer tumenge penah, kanna un an ko tsiro, hoi glan mende hi.

2. Tessalonikarja 3:4 Referans Kwoze

1. Tessalonikarja 4:10

Oun t'mer krenn o lačepen ap i patslende an o tselo them Macedonia. Mire phrala, moukenn gar tele, te krenn kova boudeder oun feteder!

Filiparja 1:6

Doleske djinau: O Devel kras i lači boudi an t'mende. Oun yob krell ninna, te ačenn pash leste, te venn lačes glan leste tardo ap ko dives, kay vell o Yezous Kristo pale.

Filemon 1:21

Me djinau, te shouneh ap mande oun kreh ninna boudeder har me toutar mangom. Doleske činom touke kava liil.

Filiparja 2:12

Mire kamle phrala oun phenya, t'mer shounan hako tsiro ap kova, hoy me t'menge penom, har pash t'mende homs, ninna kanna, kay gar pash t'mende hom. Me penau t'menge: Krenn lauter, te ačenn ap o Debleskro drom, bis te han pash leste! Shounenn ap o Debleste, oun trashenn lestar!

2. Korintarja 2:3

Doleske činom t'menge ko liil. Kamom gar, te rovap pral kolende, kay man barhteles hounte krans. Oun me patsau zoreles, te han t'mer barhtele pral kova, te nay krenna t'mer man barhtelo.

2. Tessalonikarja 3:12

Kolenge penah mer an o lab maro rayestar, o Yezous Kristestar, te boudrenn le, te nay ginenn le penge, hoy len hounte vell djipaske.

2. Tessalonikarja 3:6

Mire phrala, an o lab maro rayestar, o Yezous Kristestar, penah t'menge zoreles: Rikrenn t'men kol phralendar krik, kay kamenn gar te boudrell! Yon djivenn gar yaake, har mer t'menge penam.

Mateo 28:20

Penenn lenge, te rikrenn le ap lauter, hoy me t'menge penom! Čačepah, me hom pash t'mende hako dives yaake rah, har i phoub koy hi.”

Galatarja 5:10

Me prindjrau t'men mishto oun patsau, kay shounenn ap mande, oun o Yezous Kristo anell t'men pale ap o čačo drom. Kova, kay anas t'men o čačo dromestar tele, kova lell peskri phagi. Hi yek, koon yob ninna hi.

2. Korintarja 8:22

Khetne kol douyentsa bičram i vavar phrales pash t'mende. Kova sikras boud kope, har mishto yob o Debleskri boudi kras. Kanna kamas lo o tselo djiyestar pash t'mende te djal. Yaake boud rikrell yob t'mendar.

2. Korintarja 2:9

Ko liil činom t'menge ninna, te dikap, har shounenn ap mande an hako koova.

1. Korintarja 14:37

Te patsell yek t'mendar, kay o Devel rakrell leha, oun kay o Debleskro Dourho les o Debleskro koova sikrell, yaake hayvell yob, te hi kava gar mandar, hoy me kate činau. Kava hi o Deblestar.

1. Korintarja 7:19

Kolla hi gar boudeder moldo, kay ap o mass činlo hi, har kolla, kay gar činlo hi ap o mass. Glan o Debleste molella, te rikress tout ap leskro lab.

Remarja 15:18

Me kamau gar te rakrap pral vavar koova har pral kova, hoy kras o Yezous Kristo mank kolende, kay kek bibolde hi. Dran maro rakepen oun mari boudi anas o Yezous Kristo len pash peste, te shounenn le ap leste.

Remarja 15:14

Mire phrala, me djinau čačepah, t'maro dji hi pherdo lačepen. Oun t'mer djinenn lauter, hoy o Devel t'mendar kamella. Yaake nay sikrell ko yek o vavareste o čačo drom.

Remarja 2:7

Kolen, kay moukan gar tele, te krenn le o lačepen, dell lo o djipen, hoy gar pre-herella. Yon hi kolla, kay čivan pengro dji koy pre, te dikell o Devel kamles ap lende, oun te lell lo len pash peste an leskro raylepen, kay dell lo len o djipen, hoy gar pre-herella.