2. Tessalonikarja 3:10 - O Debleskro Lab 2024 (Sinte-Manouche)

¹⁰ Ninna har pash t'mende hams, penam t'menge: Kova, kay kamell gar te boudrell, kova hounte rhal vitar gar.

O Debleskro Drom 2021 (Sinte)

¹⁰ Ninna har pash tumende hams, penam tumenge: Kowa, kai kamell gar te budrell, kowa hunte chal witar gar.

2. Tessalonikarja 3:10 Referans Kwoze

1. Mose 3:19

Tou hounte boudress yaake phares tiro rhapaske, te nashell o pani pral tiro mouy, bis te veh pale phoub. Tou hal kerdo dran i čik i phoubyatar. Oun tou veh pale, hoy tou hals.”

Gosewe laba 20:4

Ko či-moldo, kay kamell gar ap peskri phoub te boudrell an o čačo tsiro, kova hatsell či an ko tsiro, kay o djob dren anlo vell.

1. Tessalonikarja 4:11

Djivenn t'maro djipen yaake, te nay rakrenn i menshe gar djoungeles pral t'mende! Krenn t'mari boudi! Boudrenn yaake, te vell t'men doha djipaske, yaake har t'menge penam!

Gosewe laba 13:4

Kova, hoy yek kamell, kay kamell gar te boudrell, vell les gar. Kolenge, kay boud boudrenn, hi doha koy.

Gosewe laba 21:25

Kol či-molde, kay kamenn gar te boudrell, merenna i bokatar.

1. Tessalonikarja 3:4

Kova penam t'menge, har pash t'mende hams. Oun t'mer dikan, kova vas yaake.

Johanni 16:4

Te vell ko tsiro, hounte djinenn t'mer, kay kova yaake vella, har me les t'menge penom. Me penom t'menge kova gar, har homs pash t'mende. Kanna penau t'menge kova.

Bičepangre 20:18

Har yon pash o Pauleste van, penas lo ap lende: “T'mer djinenna, har djivom oun hoy krom o tselo tsiro, har homs pash t'mende an o them Asia.

Louka 24:44

Oun yob penas: “Har me pash t'mende homs, penom me ap t'mende: Halauter hounte vell čačo, hoy o Mose činas, oun hoy o Debleskre rakepangre pral mande penan, oun hoy an o Debleskre gilya činlo hi.”

2. Tessalonikarja 2:5

Djinenn t'mer bouder gar, har penom t'menge kova lauter, har pash t'mende homs?