2. Samuel 9:7 - O Debleskro Lab 2024 (Sinte-Manouche)

⁷ Oun o David penas ap leste: “Ma traash! Me kamau lačepen ap toute te krell. Kova krau tiro dadeske Yonatan. Ko tselo bravlepen tiro papestar Saul kamau touke pale te dell. Oun tou nay rhah hako dives ap miri rhapaskri.”

O Debleskro Drom 2021 (Sinte)

⁷ Un o David penas ap leste: “Ma traash! Me kamau latchepen ap tute te krell. Kowa krau tiro dadeske Jonatan. Ko tselo brawlepen tiro papestar Saul kamau tuke pale te dell. Un tu nai chah hako diwes ap miri chapaskri.”

2. Samuel 9:7 Referans Kwoze

2. Samuel 9:1

Oun o David poučas: “Ačas yek djido o Sauleskre menshendar, te krap lačepen ap leste? Kova krau me o Yonataneske.”

1. Rajengro liil 2:7

O čavenge o morshestar Barsillay dran o them Gilead, ab lačes, oun mouk len mank kolende te vell, kay tiro rhapastar rhan! Yon his kamles ap mande, har hounte nashom mange tiro phralestar, o Absalomestar.

2. Samuel 9:3

Penas o baro ray ap leste: “Hi kote gomme yek o Sauleskre menshendar, te krap me o Debleskro lačepen ap leste?” Penas o Siba ap o baro rayeste: “Koy hi gomme i čavo o Yonatanestar, koleskre herya hi bango.”

2. Samuel 19:28

Ninna penas yob touke rhorhene laba pral mande. Miro baro ray, tou hal har o Debleskro bolepaskro. Kre, hoy touke mishto hi!

Louka 22:30

Oun t'mer rhana oun piyenna mantsa kote, kay me o baro ray hom, oun han beshdo ap rayeskre beshepangre, oun penenn o čačepen vin pral i tsele menshende, kay venna o deesh-te-douy Israeleskre čavendar.”

Debleskri gili 41:9

“I bibarht hi ap leste”, penenn le. “Koon yaake čiddo hi, stell bouder gar pre.”

2. Rajengro liil 25:29

Oun o Yoyakin čivas kol ripya pestar krik, hoy les an o stilepen ap leste his, oun rhas peskro tselo djipen pash o baro rayeste ap leskri rhapaskri.

Debleskro tsiro 3:20

Dikenn, me hom glan o voudar tardo, oun dau ap ko voudar. Koon shounell, hoy me penau, oun krell mange o voudar pre, pash koleste djau me dren, oun rhau leha, oun yob rhal mantsa.

2. Samuel 12:8

oun dom tout o kheer tiro rayestar, ninna leskre romyen, oun krom tout baro ray pral o kheer Israel oun o kheer Youda. Te vals kova gar doha, nay doms tout gomme boud vavar koova.

1. Samuel 12:24

T'mer hounte darenn o baro Debles oun mangenn les kokres an t'maro tselo djiyeha! Ma bistrenn, havo baro koova yob t'menge kras.

1. Mose 43:23

“Hi mishto”, penas ko rom. “Ma darenn! T'maro Devel, kay ninna t'maro dadeskro Devel hi, čivas kol love an t'mare gone. Me lom t'mare love, hoy dan man.” Oun yob anas o Simeones pash lende.

Mateo 6:11

De men maro maro hako dives!

2. Samuel 19:33

O Barsillay his boud phouro. Yob nay his orhta-deesh bersha. Les his i baro bravlepen. Oun har o baro ray an Mahanayim his, anas leske o Barsillay rhapaske.

2. Samuel 9:11

Yob penas ap o baro rayeste: “Krau lauter yaake har tou, miro baro ray, mange penal.” Oun o Mefi-Boshet rhas ap o baro rayeskri rhapaskri har te vals lo yek leskre čavendar.

1. Mose 43:18

Har yon dikan, kay van le an o Yosefeskro kheer anlo, vas len daar. Oun yek penas ap o vavareste: “Kol love, hoy an mare gone his o vavar kopo, hi, hoske vah kanna kate anlo. I Egiptarya kamenn mare bourike te lell oun men te taprell, te boudras lenge.”

2. Samuel 9:10

Kanna boudress tou, tire čave oun tire boudepangre ap leskro kotar phoub. Oun t'mer anenn leske dren, hoy koy pre baro vella, te vell i menshen tiro rayestar rhapaske. Oun o Mefi-Boshet, ko čavo tiro rayestar rhal hako dives ap miri rhapaskri.” O Sibanes his deesh-te-panč morsh čave oun biish boudepangre.

2. Samuel 9:13

Oun o Mefi-Boshet djivas an o foro Yerusalem oun rhas hako dives ap o baro rayeskri rhapaskri. Oun yob his bango ap hake douy herya.

Jeremia 52:33

Oun o Yoyakin čivas kol ripya pestar krik, hoy les an o stilepen ap leste his, oun rhas peskro tselo djipen pash o baro rayeste ap leskri rhapaskri.

Zakarie 7:9

Me, o baro Devel, ko ray pral o bolepen oun i phoub, penom glan boud bersha mire menshenge: “T'mer hounte denn yak, te vell o čačepen kerdo. Oun hakeno hounte krell peskro dji pre peskro phraleske oun vell leske lačes.

1. Samuel 20:15

Oun pal miro merepen ab lačes ap mire čavende, kay pal mande venna, ninna an ko tsiro, kay marell o baro Devel lauter kolen, yek pal o vavar, kay kouran pen touha.

1. Samuel 22:23

Ač pash mande oun ma dare! Yob, kay man kamell te marell, kova kamell tout ninna te marell. Kate pash mande nay krell lo tout či.”

2. Samuel 19:29

Miro dadeskro tselo kheer hounte vals moulo dino glan toute, o baro rayeste. Tou kamal, te beshap mank kolende, kay ap tiri rhapaskri rhana. Man hi kek čačepen, te dap boudeder gole ap o baro rayeste, te vell yob ap miri rig.”

2. Samuel 21:7

Oun yob rodas efta morshen vin. O Mefi-Boshet, koleskro dad o Yonatan his oun koleskro papo o Saul his, kova his gar mank kolende. Glan i tsiro das o David glan o baro Debleste o Yonataneske i sovel, te moukell lo leskre čaven djido.