2. Samuel 8:15 - O Debleskro Lab 2024 (Sinte-Manouche)

¹⁵ Yaake his o David baro ray pral o tselo them Israel, oun kras, te lell hakeno peskro čačepen.

O Debleskro Drom 2021 (Sinte)

¹⁵ Jaake his o David baro rai pral o tselo them Israel, un kras, te lell hakeno peskro tchatchepen.

2. Samuel 8:15 Referans Kwoze

Amos 5:15

Dikenn čilačes ap kova, hoy čilačo hi, oun dikenn lačes ap kova, hoy lačo hi! Dikenn koy pre, te lell kova peskro čačepen, koon an o čačepen hi! Palle nay vell o baro Devel lačes kolenge, kay dran o kheer Yosef pral ačenn. Yob hi o ray pral o bolepen oun i phoub.

Debleskri gili 89:14

Tout hi i zoreli moussi, tiro vast hi zorelo, oun pre hadedo tiro čačo vast, te sikress tiri zoor pral i menshende.

Debleskri gili 72:2

Kre lestar i čačepaskro ray, kay dell koles o čačepen, kones čačo hi, ninna te hi lo čorvelo.

Amos 5:24

Krenn lauter, te vell hakeneske peskro čačepen! Moukenn o čačepen te nashell an o tselo them har i lengsto pani, hoy les hako tsiro pani hi.

Jesaja 9:7

O baro Devel rakras o čačepen vin pral o kheer Yakob. Oun leskri rholi peras ap i Israelende.

Debleskri gili 75:2

Mer sharah tout, maro Devel. Mer parkrah men pash toute, te hal pash mende, oun rakrah halauterestar, hoy tou kral an tiri bari zoor.

1. Familjakro liil 18:14

Yaake his o David baro ray pral o tselo them Israel, oun kras, te lell hakeno peskro čačepen.

2. Samuel 5:5

An o foro Hebron his les penepaske efta bersha oun shob čon pral o them Youda. Oun an o foro Yerusalem his les penepaske 33 (triyanda-te-triin) bersha pral o Israel oun o Youda.

2. Samuel 3:12

O Abner bičras morshen pash o Davideste, te penenn le leske an o Abnereskro lab: “Koneske hi kava them? Kre mantsa vin, te vas mala! Oun me vau ap tiri rig, te less o tselo Israel.”

Hebrearja 11:33

Kol tsele morsha patsan, hoy o Devel lenge penas. Mashkral lende his ninna kolla, hoy kouran pen kol bare rayentsa oun kol rayengre lourdentsa. Oun yon his zorleder har kol bare raya oun lengre lourde. Vavar kran o čačepen oun dikan pengre yakentsa, har kova čačo vas, hoy o Devel lenge penas. Vavar van glan bare oun divye margodje vitsedo, oun kolla dandran len gar.

2. Samuel 8:14

Oun yob čivas moskre dren an hako foro an o them Edom. Oun o Davides his penepaske pral o tselo them Edom. O baro Devel his ap o Davideskri rig, kay yob ninna djas.

2. Samuel 8:16

O Yoab, koleskri day i Serouya hi, his o pralstouno pral i tsele lourdende, oun o Yosafat, koleskro dad o Ahiloud his, his o baro rayeskro rakepaskro.

1. Rajengro liil 10:9

Sharedo vell o baro Devel, kay tiro Devel hi, yob, kay dikell lačes ap toute, oun kras te val o ray pral o Israel! O baro Devel kamell peskre menshen Israel an hako tsiro. Doleske čivas lo tout pral lende, te vess lengro ray, te aness o čačepen pash lende, oun hakeno peskro čačepen lell.”

Debleskri gili 119:121

Me krau o čačepen, oun djau o čačo drom. De man gar an o vast kolendar, kay kamenn ap mande pre te djan.

1. Samuel 14:47

Har vas o Saul o baro ray pral o Israel, djas lo an o kourepen lauterentsa, kay djivan troul o them Israel oun kaman les tele te rikrell. Kolla his i menshe dran o them Moab, Ammon oun Edom, ninna i bare raya an o them Soba, oun i Filistarya. Oun kay lo ninna djas, kote vas lo o zorleder.

2. Samuel 15:3

koy penas o Absalom ap leste: “Dikau, tou hal an o čačepen an kava koova. Oun kek hi pash o baro rayeste, kay shounell tout.

2. Samuel 20:23

O Yoab his o pralstouno pral kol tsele lourdende an Israel. Oun o Benaya, koleskro dad o Yoyada his, his o pralstouno pral kol Kretarya oun Pletarya.

1. Rajengro liil 4:1

Oun yaake his o Salomo o baro ray pral o tselo Israel.