2. Samuel 7:6 - O Debleskro Lab 2024 (Sinte-Manouche)

^6-7 Me djivom an kek kheer, foun ko dives, kay me kol Israelitaryen vin anom dran o them Egiptia bis kay dives. Man his či har i plarhteno kheer har djom lentsa trouyel. An ko tselo tsiro penom me kekeske, kay das garda ap mire menshende Israel: Hoske kreh tou mange kek kheer dran cedertikro kasht?

O Debleskro Drom 2021 (Sinte)

^6-7 Me djiwom an kek kheer, fun ko diwes, kai me kol Israelitarjen win anom dran o them Egiptia bis kai diwes. Man his tchi har i plachteno kheer har djom lentsa trujel. An ko tselo tsiro penom me kekeske, kai das garda ap mire menshende Israel: ‘Hoske kreh tu mange kek kheer dran zedertikro kasht?’

2. Samuel 7:6 Referans Kwoze

1. Rajengro liil 8:16

Ko tselo tsiro, har mire menshen Israel dran o them Egiptia vin anom, rodom me kek foro vin an o tselo them Israel, te krenn le mange kote i kheer, kay vap sharedo. Na-a, hi o David, koles vin rodom, te vell lo ray pral mire menshende Israel.”

Josua 18:1

Oun i tsele Israelitarya van khetne an o foro Shilo, oun čivan kote o Debleskro plarhteno kheer pre. Ninna te his o them an lengro vast oun yon his ray pral leste,

Debleskro tsiro 2:1

“Čin kava liil ap o Debleskro boudepaskro, kay dell yak ap i patslende an o foro Efesus: Kava penell kova, kay rikrell kol efta bolepangre momlia an peskro čačo vast, oun kay djal mashkral kol efta sonakangre momlia trouyel.

2. Korintarja 6:16

An o Debleskro baro kheer vell o djido Devel kokres sharedo oun kek vavar koova. Mer halauter ham o djido Debleskro baro kheer. O Devel penas: Me kamau te djivap pash lende oun mashkral lende. Me kamau lengro Devel te vell, oun yon hi mire menshe.

Bičepangre 7:44

O Stefano penas doureder: Mare phouren his o Debleskro tikno kheer, hoy his kerdo dran firhengre balla, oun hidjran les lentsa, har djan le an o moulo them trouyel. Kava kheer kran le yaake, har o Devel kova o Moseste ap i berga sikras.

5. Mose 23:14

Oun hakeno, kay djal kote, lell i kasht peha, hadell i tikni rheb vin, beshell pes, oun čakrell palle kova, hoy lestar vin djas.

2. Samuel 11:11

Penas lo: “O Debleskro morhton, ninna i lourde dran Israel oun Youda hi an plarhtene khera. Oun o Yoab, miro pralstouno, oun tire lourde sovenn ap i phoub. Oun me djap an miro kheer, te rhap oun piyap, oun te vap pash miri romyate čiddo. Yaake čačo har kova hi, kay tou djiveh: Savo koova krau me gar.”

Čačepangre 20:27

An ko tsiro his o Debleskro morhton, kay o Debleskre deesh laba dren his, koy tardo. Oun o Pinhas his o rashay, kay kote o Debleske boudras. Leskro dad his o Elazar. Kova his i čavo o Aronestar. Oun i Israelitarya poučan o baro Debles: “Djas mer gomme yek kopo pre, te kouras men mare phralentsa, i Benyaminentsa?” O baro Devel penas: “Djan pre! Taysar dau len an t'mare vasta!”