2. Samuel 7:28 - O Debleskro Lab 2024 (Sinte-Manouche)

²⁸ Baro Devel, miro ray, tou hal o čačo Devel. Oun tire laba hi o čačepen. Oun kanna dal tou man tiro lab, te dess ko tselo lačo koova mande, kay hom tiro boudepaskro.

O Debleskro Drom 2021 (Sinte)

²⁸ Baro Dewel, miro rai, tu hal o tchatcho Dewel. Un tire laba hi o tchatchepen. Un kanna dal tu man tiro lab, te dess ko tselo latcho koowa mande, kai hom tiro budepaskro.

2. Samuel 7:28 Referans Kwoze

Johanni 17:17

Mouk len tiro čačepen te dikell, te djivenn le pengro tselo djipen touke kokres! Tiro lab hi o čačepen.

4. Mose 23:19

O Devel hi gar i mensho, kay rhorhella, vitar gar i mensheskro čavo, koles khaytell, hoy yob kras. Penell yob čomone, hoy yob gar krella? Penell yob kova, kay rikrell yob gar?

2. Mose 34:6

Yob djas glan o Moseste doureder oun das gole: “Me hom o baro Devel. O baro Devel hom me. Man hi i baro dji, pherdo kamlepen. Me vau gar sik rhoyedo. Miro lačepen hi baro oun me dau mire menshen gar pre.

Tito 1:2

Yon hounte djinenn, te lenn le o djipen, hoy gar pre-herella. Kova penas o Devel glan i rah tsiro. Oun yob rhorhella gar.