2. Samuel 7:2 - O Debleskro Lab 2024 (Sinte-Manouche)

² penas yob ap ko Debleskro rakepaskro, o Natan: “Me djivau an i kheer dran cedertikro kasht, oun o Debleskro morhton hi an i plarhteno kheer. Hi kova mishto?”

O Debleskro Drom 2021 (Sinte)

² penas job ap ko Debleskro rakepaskro, o Natan: “Me djiwau an i kheer dran zedertikro kasht, un o Debleskro mochton hi an i plachteno kheer. Hi kowa mishto?”

2. Samuel 7:2 Referans Kwoze

2. Samuel 5:11

O baro ray pral o foro Tirus, o Hiram, bičras morshen pash o Davideste, kay anan leske cedertikro kasht, ninna boudepangren, kay hayvan mishto o kashteha oun barrentsa te boudrell. Kolla kran o Davideske i shoukar baro kheer.

2. Samuel 12:1

Oun o baro Devel bičras peskro rakepaskres, o Natanes, pash o David. Yob vas pash leste oun penas ap leste: “His douy morsha an i foro. Ko yek his bravelo, ko vavar čorvelo.

Bičepangre 7:46

Ap koleste dikas o Devel lačes. Oun o David mangas lestar, te nay krell lo leske i kheer dran barra, kay i tsele Israelitarya nay mangenn les an.

Johanni 2:17

Koy vas o Yezouseskre malenge an o shero, hoy an o Debleskro lab činlo hi: Miro kamlepen tiro khereske rhal man pre har i yag.

Haggai 1:4

Hi ko tsiro kay, te beshenn t'mer an shoukar kerde khera, oun miro kheer hi paash dino oun čiddo an kotya?

1. Familjakro liil 29:29

Ko tselo vavar koova, hoy pral o Davideskro djipen penepaske hi, kova hi činlo an kol triin lila: O liil pral o dikepaskro, o Samuel, oun o liil pral o Debleskro rakepaskro, o Natan, oun o liil pral o dikepaskro, o Gad.

1. Familjakro liil 16:1

Har yon o Debleskro morhton dren anan, čivan yon les an ko plarhteno kheer, hoy o David leske pre čivas, oun rhačran firhen o baro Debleske, oun maran vavar firhen, te rhan le len khetne glan o Debleste.

Debleskri gili 132:5

bis te hatsom i platsa o baro Debleske, oun krom i kheer o Yakobeskro zorelo Debleske.”

2. Familjakro liil 1:4

[Ko morhton, kay o Debleskre deesh laba dren hi, moukas o David i tsiro glan kova dran o foro Kiryat-Yearim te lell, oun anas les an o foro Yerusalem, oun moukas ko morhton kote an i plarhteno kheer te čivell, hoy moukas yob koleske te krell.]

1. Familjakro liil 14:1

O baro ray pral o foro Tirus, o Hiram, bičras morshen pash o Davideste, kay anan leske cedertikro kasht, ninna boudepangren, kay hayvan mishto i barrentsa oun o kashteha te boudrell. Kolla kran o Davideske i shoukar baro kheer.

2. Samuel 7:17

Har o Natan kol tsele laba, hoy o Devel leske sikras, o Davideske penas,

2. Samuel 6:17

Har yon o Debleskro morhton dren anan, čivan yon les ap leskri platsa mashkral an o plarhteno kheer, hoy o David leske pre čivas. Oun o David rhačras firhen o baro Debleske, oun maras vavar firhen, te rhan le len khetne glan o baro Debleste.

2. Mose 40:21

Oun yob anas o morhton an o kheer oun pandas ko kouč kotar than glan o morhton, te vell lo gar diklo. Yob kras kova yaake, har o baro Devel leske penas.

2. Samuel 11:11

Penas lo: “O Debleskro morhton, ninna i lourde dran Israel oun Youda hi an plarhtene khera. Oun o Yoab, miro pralstouno, oun tire lourde sovenn ap i phoub. Oun me djap an miro kheer, te rhap oun piyap, oun te vap pash miri romyate čiddo. Yaake čačo har kova hi, kay tou djiveh: Savo koova krau me gar.”

1. Rajengro liil 1:22

An ko tsiro, kay yoy rakras o baro rayeha, vas o Debleskro rakepaskro, o Natan, an o kheer dren.

1. Rajengro liil 8:17

Oun o Salomo penas palle: “Miro dadeske, o Davideske his ap o dji čiddo, te krell lo i kheer o baro Debleske, kay o Israeleskro Devel hi.

1. Familjakro liil 22:7

Oun o David penas ap o Salomo: “Miro čavo, an miro dji his, te krap i kheer o baro Debleske, kay miro Devel hi.

2. Familjakro liil 9:29

Ko tselo vavar koova, hoy pral o Salomo penepaske hi, kova hi činlo an o liil, hoy o Debleskro rakepaskro, o Natan činas, oun an o liil, kay kova dren činlo hi, hoy o Debleskro rakepaskro, o Ahia dran Shilo penas, ninna an o liil, kay činlo hi, hoy sikras o baro Devel peskro rakepaskres, o Yedo, pral o Yerobeam, koleskro dad o Nebat his.

2. Familjakro liil 29:25

Oun yob penas, te čivenn pen i Levitarya pre an o baro Debleskro kheer oun lenn pengre bashepangre an o vast: kol cimbale, harfe oun vavar doryengre bashepangre. Yaake penas les o David, har leske penlo vas, kay o baro Devel kova yaake kamell. Kova penan leske o dikepaskro, o Gad, oun o Debleskro rakepaskro, o Natan.

1. Rajengro liil 1:8

O rashay Zadok his gar leha, vitar gar o Benaya, koleskro dad o Yoyada his, vitar gar o Debleskro rakepaskro, o Natan, vitar gar o Shimi, oun o Rei, oun o Davideskre zorele kourepangre.

1. Rajengro liil 4:5

O ray pral kol pralstunende, kay his tardo pral o them, his: o Asarya, koleskro dad o Natan his. O baro rayeskro maal his: o Saboud, koleskro dad o Natan his.

Debleskri gili 132:2

Yob das pes sovel glan toute, o Yakobeskro zorelo Debleste, oun penas: