2. Samuel 24:2 - O Debleskro Lab 2024 (Sinte-Manouche)

² Oun o baro ray penas ap o Yoab oun ap kol pralstoune lourdende, kay pash leste his: “Djan trouyel pash kol tsele menshende an o tselo them Israel, yek rigyatar ap i vavar, oun hatsenn vin, har boud morsha koy hi, kay nay venn lourde mange! Kamau de djinap, har boud kolla hi.”

O Debleskro Drom 2021 (Sinte)

² Un o baro rai penas ap o Joab un ap kol pralstune lurdende, kai pash leste his: “Djan trujel pash kol tsele menshende an o tselo them Israel, jek rigjatar ap i wawar, un hatsenn win, har bud mursha koi hi, kai nai wenn lurde mange! Kamau de djinap, har bud kolla hi.”

2. Samuel 24:2 Referans Kwoze

2. Samuel 3:10

kay o Sauleskro kheer kek rayeskro kheer bouder hi. Oun o David vell baro ray pral Israel oun Youda, yek themeskri rigyatar bis ap i vavar!”

Čačepangre 20:1

Oun i tsele morshenge dran Israel his mishto, te venn le khetne glan o baro Debleste an o foro Mispa. Yon van dran o tselo them, hake rigyendar kotar pral, kay i menshe Dan djivenna bis tele pash o foro Beersheba, oun koy pashel dran o tselo them Gilead.

2. Samuel 20:23

O Yoab his o pralstouno pral kol tsele lourdende an Israel. Oun o Benaya, koleskro dad o Yoyada his, his o pralstouno pral kol Kretarya oun Pletarya.

2. Korintarja 12:7

O Devel kamella, te vap gar pre-phourdo pral ko baro bolepaskro koova, hoy moukas lo man te dikell. Doleske moukas o Devel čomone ap mande te vell, hoy doukrell man har i soubyengro kasht an miro mass. Kova hi har te dals man i bengeskro kourepaskro dava, te vap gar pre-phourdo.

Jeremia 17:5

O baro Devel penell: Praasedo vell ko morsh, kay moukell man, o baro Debles, oun rikrell pes ap i menshende, oun poučell lendar, te venn le ap leskri rig.

Gosewe laba 29:23

O pre-phourdepen i menshestar krell, te perell lo. Kova, kay hadell pes gar, vell an-diklo.

2. Familjakro liil 32:31

An ko tsiro, kay bičran i pralstoune dran o them Babilonia bičepangren pash o Hiskiya, te poučenn le lestar, hoy an o them djas, har o Devel savo baro koova kras, hoy kek vavar nay krella, kote moukas les o Devel kokres, te dikell lo, hoy an leskro dji hi, oun hoy krals lo.

1. Familjakro liil 21:2

Oun o David penas ap o Yoab oun ap kol pralstunende pral Israel: “Djan trouyel pash kol tsele menshende an o tselo them Israel, yek rigyatar ap i vavar, oun hatsenn vin, har boud morsha koy hi, kay nay venn lourde mange! Oun penenn kova mange!”

2. Samuel 23:37

o Zelek, ko Ammonari, o Naray dran Beerot. Kova hidjras o rharo o morshestar Yoab, koleskri day i Serouya hi.

2. Samuel 17:11

Doleske penau touke: Le touke kol tsele morshen dran Israel khetne mank Dan oun Beersheba. Kolla hi yaake boud har i santa pash o baro pani. Kolentsa djas tou touke an o kourepen.

2. Samuel 8:16

O Yoab, koleskri day i Serouya hi, his o pralstouno pral i tsele lourdende, oun o Yosafat, koleskro dad o Ahiloud his, his o baro rayeskro rakepaskro.

2. Samuel 2:13

Oun o Yoab, koleskri day i Serouya his, kova djas kol lourdentsa o Davidestar ninna koy. Oun yon tapran pen pash ko pani pash Gibeon, oun ačan koy, kol yek ap kay rig, oun kol vavar ap koy vavar rig ko panyestar.

1. Mose 21:14

Sik taysarlakro stas o Abraham pre, las maro oun i gono pherdo pani oun čivas kova i Hagar ap o phiko, das late ninna o čaves, oun bičras len pestar krik. Koy djas yoy peske oun nashas trouyel an o moulo tato them pash o foro Beersheba.

2. Samuel 24:15

Koy moukas o baro Devel i baro nasslepen pral o Israel te vell, hoy vas taysarlakro oun djas bis ap ko tsiro, hoy o Devel penas. Yaake meran an o tselo them 70.000 (efta-deesh-zerya) menshe.