2. Samuel 22:40 - O Debleskro Lab 2024 (Sinte-Manouche)

⁴⁰ Tou dal man i zoor, te nay kourom man lentsa oun vitsral kolen ap i phoub glan mande, kay hadan pen ap mande.

O Debleskro Drom 2021 (Sinte)

⁴⁰ Tu dal man i soor, te nai kurom man lentsa un witsral kolen ap i phub glan mande, kai hadan pen ap mande.

2. Samuel 22:40 Referans Kwoze

Debleskri gili 44:5

Tou hal miro baro ray, miro Devel. Tou hal kova, kay krell, te venn o Yakobeskre čave o zorleder an o kourepen.

Kolossarja 1:11

Lestar mangah, te dell lo t'men peskri bari zoor, te venn t'mare djia zoreles, te djan barhteles doureder ap leskro drom, ninna an ko tsiro, kay hi t'maro djipen pharo.

Jesaja 60:14

Oun i čave kolendar, kay rikran tout tele, venn pash toute, oun čivenn pen glan toute tele. Oun kolla, kay praasan tout, vitsrenn pen glan tire herya an i čik. Oun yon kharenn tout foro o baro Deblestar, oun Sion, o foro o Israeleskro Deblestar.

Debleskri gili 18:39

Me doukrom len yaake, te nay stan le gar bouder pre, oun stakrom len tel mire herya.

Debleskro tsiro 5:9

Oun yon givenn i nevi gili, oun penenn: Tou hal moldo, te less ko liil, oun te kress ko liil pre. Tou val maredo, oun playsral tiro rateha, te giness menshen tiro Debleske. Kolla venna dran hako them, haki natsyona, haki harmenatsyona oun hako rakepen.

Jesaja 45:5

Me hom o baro Devel oun dell kek vavar. Me kokres hom o Devel. Me dom tout bari zoor, ninna te prindjral man gar,

Debleskri gili 144:2

Yob vell ap miri rig, oun hi mange har i zorelo kheer, kay nay khatrau man, oun kek man an-taprell. Yob rikrell peskre vasta pral mande, Ap leste rikrau man. Yob stakrell i menshen dran vavar themma tel mire herya.

Debleskri gili 18:32

Yek kokres hi o Devel. Kova hi o baro Devel. Yek kokres hi har i baro zorelo bar menge, kay nay khatrah men. Kova hi maro Devel.

1. Samuel 23:5

Oun o David djas peskre morshentsa an Kehila. Oun yon maran pen i Filistarentsa, dan boud lendar moulo oun tradan lengre firhen krik. Yaake las o David o foro Kehila dran lengre vasta vin.

Debleskri gili 109:19

Mou ačell o praasepen ap leste čiddo har i ripen, oun har i pereskri dori, hoy yob hako dives troul peste čivella.