2. Samuel 22:4 - O Debleskro Lab 2024 (Sinte-Manouche)

⁴ Me sharau o baro Debles! Te dau ap leste gole, lell lo man vin dran i vasta kolendar, hoy mange čilačepen kamenna.

O Debleskro Drom 2021 (Sinte)

⁴ Me sharau o baro Debles! Te dau ap leste gole, lell lo man win dran i wasta kolendar, hoi mange tchilatchepen kamenna.

2. Samuel 22:4 Referans Kwoze

Debleskri gili 18:3

Baro Devel, tou hal mange har i baro zorelo bar, kay nay khatrau man, har i zorelo kheer, kay nay krell kek mange čilačepen. Miro Devel, tou hal kova, pash koleste nay vau oun man khatrau. Tire vasta rikreh tou pral mande. Tou hal ko zorelo ap miri rig, oun hal mange har i zorelo kheer pral ap i berga.

Debleskro tsiro 5:12

Oun yon givenn zoreles: O terno bakro, hoy vas maredo, kova hi moldo, te vell les i bari zoor, ninna o bravlepen, oun o gosvepen, oun o sharepen, oun o raylepen, oun i gilya, hoy les hadenna, oun bares krenna.

Remarja 10:13

Yaake hi činlo an o Debleskro lab: Halauter, kay o Yezous Kristes mangenna, kolen dell lo o djipen.

Debleskri gili 116:2

Leskro kand hi mange pre. Doleske rakrau leha yaake rah har djivau.

Debleskri gili 96:4

O baro Devel hi o pralstouno, oun hakeno hounte sharell les. Mank i tsele vavar debla hi yob kova, konestar daras mer.

Debleskri gili 48:1

I gili yekestar dran i familya Korah.

Debleskro tsiro 4:11

“Tou, o Devel, maro ray, tou hal moldo, te less o raylepen, oun o sharepen, oun i zoor. Tou kral o bolepen oun i phoub. Yaake, har tou kamal, yaake kral tou kova, oun vas kova.”

Debleskri gili 116:17

Pash toute kamau me man te parkrell, oun tout an-mangell.

Debleskri gili 116:13

Me anau les i khoro mool, te parkrap man pash leste, kay las lo man vin dran o merepen.

Debleskri gili 116:4

Kote dom gole ap o baro Debleste: “Me mangau tout, baro Devel, le miro djipen vin dran o merepen!”

Debleskri gili 106:2

Koon nay penella ko tselo baro koova, hoy o baro Devel lauter kras? Koon nay sharell les doha?

Debleskri gili 66:2

Givenn leske, te vell leskro lab hadedo! Rakrenn vin, har raylo yob hi!

Debleskri gili 56:9

Dik, har boud divessa hom me ap o naashepen! Le mire sva an i čaro khetne! Pash toute hi le lauter pre-činlo an i liil.

Debleskri gili 55:16

Mou taprell o merepen sik kolen, kay kamenn man te marell! Mou vell lo sik pral lende, te djan le djides an o moulengro them! O čilačepen hi an lengre djia khere.

Debleskri gili 50:15

Oun de gole ap mande ap ko dives, kay hal an i bibarht! Palle lau tout vin, oun tou sharess man.”

Debleskri gili 34:6

Kolla, kay ap leste dikenna, lengre yaka venna har i momeli, oun yon hounte ladjenn pen gar.

Nehemia 9:5

Oun i Levitarya, o Yeshoua, oun o Kadmiel, oun o Bani, oun o Hashabneya, oun o Sherebya, oun o Hodiya, oun o Shebanya, oun o Petaya penan: Stenn pre! Sharenn o baro Debles! Yob hi t'maro Devel. Sharenn les kanna oun hako tsireske! Baro Devel, hakeno te sharell tiro raylo lab! Kek vavar lab hi yaake baro oun raylo har tiro lab.

2. Familjakro liil 20:22

Oun har yon givan oun pen parkran, kras o baro Devel, te lan kol vavar lourde bari daar, kol Ammonarya, Moabarya oun kolla dran i berge Seir, kay van, te kourenn len pen i menshentsa dran Youda. Oun yon dan pen yek o vavares temerl.