2. Samuel 21:16 - O Debleskro Lab 2024 (Sinte-Manouche)

¹⁶ Koy his mank i Filistarya i baro morsh, bareder har i vavar. Leskro lab his Yishbi-Benob. Koleskri lengsti čouri his boudeder har triin kilogramme pharo. Ninna his les i nevo rharo dran saster. Kova kamas o Davides moulo te dell.

O Debleskro Drom 2021 (Sinte)

¹⁶ Koi his mank i Filistarja i baro mursh, bareder har i wawar. Leskro lab his Jishbi-Benob. Koleskri lengsti tchuri his budeder har triin kilogramme pharo. Ninna his les i newo charo dran saster. Kowa kamas o Davides mulo te dell.

2. Samuel 21:16 Referans Kwoze

2. Samuel 21:20

Pal kova vas pale i kourepen pash o foro Gat. Mank i Filistarya his i vavar baro morsh. Koles his shob goushte ap hako vast, oun shob tsebe ap hako piro.

2. Samuel 21:18

Koy pal vas i vavar kourepen kol Filistarentsa pash o foro Gob. Koy das o Sibkay dran o gab Housha i vavar morshes kol bare menshendar moulo. Koleskro lab his Saf.

2. Samuel 21:22

Kolla star his bare morsha oun djivan an o foro Gat. Oun kolla van moulo dino o Davidestar oun leskre lourdendar.

2. Samuel 5:18

Oun i Filistarya van, oun his an koy tseli tala Refayim.

5. Mose 9:2

I menshe kote hi baro oun venn kharedo rise. T'mer shounan, har lendar penlo vas: Kek nay vell zorleder har yon.

5. Mose 3:11

Kokres o Og, ko baro ray pral Bashan, ačas djido kol bare menshendar, kay rise kharedo van. Har meras lo, vas lo paskedo an i barrengro morhton. Kova hi yaake star metarya baro oun douy metarya bourhlo, oun hi tardo an o foro Rabba an o them Ammon.

5. Mose 2:21

Kolla his boud oun bare lengste menshe, yaake bares har i Anakarya. Oun o baro Devel tradas len krik dran o them glan i Ammonarya, te lenn kolla ko them oun djivenn palle koy dren.

5. Mose 2:10

Glan lende djivan kol Emarya koy. Kolla his boud oun bare lengste menshe, yaake baro har kol menshe Anak.

5. Mose 1:28

Kay djas koy? Mare phrala kran mare djia darenes, har penan le ap mende: Kolla menshe hi zorleder oun bareder har mer, lengre forya hi baro oun lengre massurya djan pre bis pash o bolepen. Oun ninna dikam mer o Anakarya kote!

1. Mose 14:5

An o deesh-te-starto bersh vas o baro ray Kedor-Laomer oun kol vavar bare raya, kay leha khetne his. Oun yon kouran pen: kol menshentsa an o foro Asterot-Karnayim – kolla his i Refayarya; kol menshentsa an o foro Ham, – kolla his i Zouzarya; kol menshentsa, kay djivenna an o them, kay o foro Kiryatayim tardo hi, – kolla his i Emarya;

1. Mose 6:4

An ko tsiro, har i Debleskre čave khetne van i menshengre čentsa oun lendar čave bolde van, djivan bare menshe ap i phoub. Ninna pal ko tsiro. Kolla his čače morsha an ko phouro tsiro: baro oun an-diklo.

4. Mose 13:22

Oun yon djan an o them Negev, oun van bis pash o foro Hebron. Kote djivas o Ahiman oun o Sheshay oun o Talmay, kolengro dad o Anak his. O foro Hebron vas nevo kerdo efta bersha glan o foro Soan an o them Egiptia.

4. Mose 13:28

Yek koova hi gar mishto: Kol menshe, kay djivenn kote, hi zorelo. Kol forya hi baro oun zorelo kerdo. Oun mer dikah kote ninna kol menshen, kay venn pal o Anak.

Josua 15:14

Kote djivan kol triin bare familye, kolengre phoure dada o Sheshay oun o Ahiman oun o Talmay his. Kolla van o morshestar Anak. Oun o Kaleb tradas len vin dran o foro.

5. Mose 2:11

Yon oun kol Anakarya van ninna kharedo rise. I Moabarya penenn Emarya ap lende.

Josua 11:22

Kek Anakari ačas pral an o tselo them Israel. Kokres an i forya Gaza, Gat oun Ashdod ačan lendar djides.

1. Samuel 17:7

Oun ko kotar kasht, hoy leskro vitsepaskro čouri rikrella, his yaake pesso har i tikno rouk, oun o saster glan ap o vitsepaskro čouri his yaake efta kilogramme pharo. Oun glan leste djas i lourdo, kay hidjras leskri sasterni bečeskri patri.