2. Samuel 21:15 - O Debleskro Lab 2024 (Sinte-Manouche)

¹⁵ Pale kran kol Filistarya kourepen i Israelentsa. Oun o David djas peskre lourdentsa tele, te kourenn le pen kol Filistarentsa. Oun o David vas khino.

O Debleskro Drom 2021 (Sinte)

¹⁵ Pale kran kol Filistarja kurepen i Israelentsa. Un o David djas peskre lurdentsa tele, te kurenn le pen kol Filistarentsa. Un o David was khino.

2. Samuel 21:15 Referans Kwoze

Sikepaskro 12:3

Palle trissenn tire moussya, hoy yaake zorelo his. Oun tire herya, hoy hidjran tout, len hi bouder kek zoor. I danda perenn touke vin, yek pal o vavar. Tire yaka dikenn bouder gar mishto,

Debleskri gili 71:9

Kanna, kay phouro hom, ma mouk mandar! Ma dja mandar kanna, kay hi bouder kek zoor an mande!

1. Familjakro liil 20:4

Koy pal vas i vavar kourepen kol Filistarentsa pash o foro Geser. Koy das o Sibkay dran o gab Housha i vavar morshes kol bare menshendar moulo. Koleskro lab his Sippay. Yaake van i Filistarya dino.

2. Samuel 5:25

Oun o David kras yaake, har o baro Devel leske penas, oun das kol Filistaryen oun tradas len pale o tselo drom dran Geba bis pash o foro Geser.

2. Samuel 5:22

Kol Filistarya djan pale koy pral, oun his an koy tseli tala Refayim.

2. Samuel 5:17

Har kol Filistarya shounan, kay vas djet pral o Davideskro shero čoredo, te vell yob baro ray pral Israel, djan yon lauter koy, te rodenn le les. Har o David kova shounas, djas yob tele an peskro zorelo kheer.

Debleskri gili 73:26

Te djal i zoor peske dran mande, oun miro dji bouder gar zorelo hi, palle ačeh tou, miro Devel, hako tsiro miri zoor oun miro bravlepen.

Debleskri gili 71:18

Ninna kanna, kay phouro vom, oun mire balla parno van, ma dja mandar, miro Devel! Kamau te penap i čavengre čavenge oun lauterenge, kay pal lende venna, har zorelo tou hal.

2. Samuel 21:16

Koy his mank i Filistarya i baro morsh, bareder har i vavar. Leskro lab his Yishbi-Benob. Koleskri lengsti čouri his boudeder har triin kilogramme pharo. Ninna his les i nevo rharo dran saster. Kova kamas o Davides moulo te dell.

2. Samuel 8:1

Pal yek tsiro kouras pes o David pale i Filistarentsa oun vas zorleder har yon, oun las o Israel dran lengre vasta vin, yaake te his kol Filistaryen bouder gar penepaske pral lende.