2. Samuel 21:1 - O Debleskro Lab 2024 (Sinte-Manouche)

¹ An ko tsiro, kay o David djivas, vas i bari bok pral o them, oun i menshen his triin bersh či te rhal. Oun o David poučas o baro Deblestar, hoske kova yaake hi. Oun o baro Devel penas: “Ap o Saul oun ap leskro kheer hi i rateskri doosh čiddo, doleske, kay o Saul das kol Gibeonaryen moulo.”

O Debleskro Drom 2021 (Sinte)

¹ An ko tsiro, kai o David djiwas, was i bari bok pral o them, un i menshen his triin bersh tchi te chal. Un o David putchas o baro Deblestar, hoske kowa jaake hi. Un o baro Dewel penas: “Ap o Saul un ap leskro kheer hi i rateskri doosh tchiddo, doleske, kai o Saul das kol Gibeonarjen mulo.”

2. Samuel 21:1 Referans Kwoze

1. Mose 26:1

His i tsiro, kay vas i bari bok an o them, yaake har an o Abrahameskro tsiro. Doleske djas o Isaak an o foro Gerar pash o Abimelek. Kova his o baro ray pral i Filistarya.

1. Mose 12:10

Koy vas i tsiro an ko them, kay his i menshen oun i firhen či te rhal. Len his bari bok. Dran kova djas o Abram doureder, te djivell lo an o them Egiptia.

Debleskri gili 91:15

Yob dell ap mande gole. Doleske shounau me ap leste, oun hom pash leste, te djal leske gar mishto. Me lau les vin dran i bibarht oun krau les bares.

Debleskri gili 50:15

Oun de gole ap mande ap ko dives, kay hal an i bibarht! Palle lau tout vin, oun tou sharess man.”

Hiob 10:2

Me penau ap o Debleste: Ma pen: Doosh hi ap toute! Pen mange, havi doosh tou ap mande hatsal?

2. Rajengro liil 8:1

O Elisa rakras kol djouvyah, kay kras lo lakro čaves djido, oun penas: “Dja krik tire menshentsa an i vavar them, te djivess koy! O baro Devel moukell i tsiro te vell an kava them, kay bokenn i menshe efta bersha.”

2. Rajengro liil 6:25

Har yon yaake i rah tsiro o foro dren pandan, vas i bok an o foro Samaria baro. I eseltikro shero vas 80 (orhta-deesh) roupene beme oun i vast pherdo čirklengri čik vas panč roupene beme.

1. Rajengro liil 18:2

Oun o Eliya kras pes ap o drom, te moukell lo pes glan o Ahab te dikell. An o them Samaria his i bok zoreles.

1. Rajengro liil 17:1

O Eliya dran o gab Tishbe an o them Gilead penas ap o Ahab: “Me penau touke an o lab o baro Deblestar, kay o Israeleskro djido Devel hi, glan koleste hom me tardo: An kol bersha, hoy kanna venna, dell kek brishin, vitar gar djal i sapeno dourho pre dran i phoub, bis te penau me kova.”

2. Samuel 5:23

Oun o David poučas o baro Deblestar, oun kova penas: “Tou djas gar pral glan lende. Tou vess palla pral lende oun vess pral lende koy rigyatar, kay i balsamtikre rouka čidde hi.

2. Samuel 5:19

O David poučas o baro Deblestar: “Djap me pral pash kol Filistarya? Kameh len an mire vasta te dell?” Oun o baro Devel penas ap o Davideste: “Dja pral! Me dau kol Filistaryen an tire vasta.”

1. Samuel 23:11

Baro Devel, tou o Israeleskro Devel, pen mange: Kal menshe, kay an kava foro Kehila djivenna, denn kolla man an o Sauleskro vast? Oun vell o Saul čačepah kay tele, yaake har me shounom?” Oun o baro Devel penas: “Ava, yob vella tele!”

1. Samuel 23:4

Kote poučas o David gomme i douyto kopo o baro Debles, oun o baro Devel penas: “Ste pre oun dja an Kehila! Me kamau t'men i Filistaryen an t'maro vast te dell!”

1. Samuel 23:2

Kote poučas o David o baro Deblestar: “Djap me pre ap kol Filistarya?” Oun o baro Devel penas: “Dja ap lende! Tou mareh len oun leh o foro Kehila dran lengre vasta vin.”

Josua 7:1

I Israelitarya rikran pen gar ap o Debleskro lab, hoy yob penas, te vell halauter an o foro Yericho leskro. Yek lendar, o Akan, las čomone peske. O Akaneskro dad his o Karmi, koleskro dad his o Sabdi, oun koleskro dad his o Zera. Oun kolla his morsha dran o kheer Youda. Har o Akan kova kras, las o baro Devel i bari rholi pral i Israelitarya.

4. Mose 27:21

Oun an tsirya, kay djinell lo gar, hoy te krell, hounte vell lo glan o rashayeste Elazar. Kova hounte poučell mandar oun hounte vitsrell kol Debleskre barra, te hatsell lo vin, hoy me, o baro Devel, an kava koova kamau. Yaake te sikrell o Elazar o Yosueske oun i tsele Israelenge, hoy te krenn le.”

3. Mose 26:26

T'men vell bouder gar doha djob, te pekenn maro. Deesh djouvya nay pekenn pengro maro an yek bob. O maro vell ap i vaga čiddo, oun hakeno lell i kotar. Oun t'mer rhan oun venn gar čalo.

1. Mose 43:1

Oun i bok his baro an o them.

1. Mose 41:57

Ninna dran i tsele vavar themma van i menshe pash o Yosefeste an o them Egiptia, te ginenn le djob. Yaake baro his i bok an i tsele themma.

1. Mose 42:5

Oun har i bok baro vas an o them Kanaan, djan ninna vavar an o them Egiptia, te ginenn le djob. Lentsa khetne van o Yakobeskre čave an o them Egiptia.

2. Samuel 16:8

Tou lal o Sauleske leskri rayeskri beshepaskri touke! Kanna anell o baro Devel o tselo rat o Sauleskre menshendar pral toute. O rayeskri beshepaskri das o baro Devel tiro čaveste, o Absalomeste. Marepaskro, kay hal, kanna hal tou an i bibarht!”

2. Samuel 20:26

Ninna o Ira i menshendar Yayr his o Davideskro rashay.

2. Samuel 21:5

Penan le ap leste: “Ko morsh, kay maras men, oun kay kamas te ačell mendar kek djido an o tselo Israel,

2. Samuel 24:1

Oun o baro Devel vas pale rhoyedo ap o Israel. Oun yob kras, te anell o David bibarht ap kol menshende an Israel, oun penas leske: “Dja koy oun hatse vin, har boud morsha hi an Israel oun an Youda!”

Josua 9:20

oun kamah maro sovel, hoy dam, te rikrell, oun moukah len te djivell, te vell gar i rholi o Deblestar pral mende. Kova kamah lentsa te krell:

Ruth 1:1

An ko tsiro, har i čačepangre morsha i raya pral o Israel his, vas i bari bok an o them. Oun i morsh dran o foro Betlehem an o them Youda djas an o them Moab, te djivell lo koy peskri romyah oun peskre douy morsh čaventsa.

1. Samuel 10:22

Oun yon poučan o baro Deblestar: “Vas ko morsh kay?” Oun o baro Devel penas: “Yob khatras pes ap i platsa, kay i koola hi.”

Debleskri gili 27:8

Tire laba van mange an o shero, hoy tou penal: “Avenn pash mande!” Doleske vau pash toute.