2. Samuel 15:2 - O Debleskro Lab 2024 (Sinte-Manouche)

² Ninna djas o Absalom taysarlake ap o drom, oun vas pash o foreskro voudar. Oun te his yekes čingepen i vavareha oun doleske pash o baro rayeste djas, te rakrell yob o čačepen pral lende vin, palle das o Absalom les pash peste gole, oun poučas: “Dran havo foro hal tou?” Oun te penas kova: “Tiro boudepaskro hi kalla oun kolla menshendar dran Israel”,

O Debleskro Drom 2021 (Sinte)

² Ninna djas o Absalom taissarlake ap o drom, un was pash o foreskro wudar. Un te his jekes tchingepen i wawareha un doleske pash o baro rajeste djas, te rakrell job o tchatchepen pral lende win, palle das o Absalom les pash peste gole, un putchas: “Dran hawo foro hal tu?” Un te penas kowa: “Tiro budepaskro hi kalla un kolla menshendar dran Israel”,

2. Samuel 15:2 Referans Kwoze

Mateo 27:1

Sik taysarlake van i tsele bare rashaya oun i biboldengre phoureder khetne. Oun khetne kran le vin, te marenn le o Yezouses.

Gosewe laba 4:16

Kol menshe nay sovenn gar yaake rah bis te kran le čomone čilačo. Lenge vell o sopen randedo, te anan le gar yekes an i bibarht.

Hiob 24:14

Glan te djal o kham pre, stell o marepaskro pre oun marell o čorveles, koles či hi. Oun rati djal o marepaskro trouyel, te čorell lo.

2. Samuel 19:8

Ste kanna pre! Oun am vin, oun rake tire lourdentsa kamles. Me dau man sovel ap o baro Debleste: Te veh tou gar vin, ačell kek morsh kay rati pash toute. Kova vals touke djoungleder har ko tselo vavar djoungelo koova, hoy pral toute vas, foun ko tsiro, kay tikno hals bis kanna.”

Ruth 4:1

Oun o Boas djas pre pash o foreskro voudar, kay i morsha khetne venn, oun beshas pes koy. Kote vas ko vavar morsh, kay lake ninna koy hounte vals, kolestar o Boas rakras. Oun o Boas penas ap leste: “Ab kay pash mande, oun besh tout pash mande!” Oun yob vas oun beshas pes pash leste.

2. Mose 18:26

Kolla rakran pral i menshende o čačepen vin. Pral i tikno čingepen rakran yon kokres o čačepen vin. Oun o bareder koova anan le glan o Mose.

2. Mose 18:16

Te hi len čingepen mashkral pende pral i koova, palle venn yon pash mande. Oun me penau lenge, hoy te krenn le, yaake har o Devel lendar kamella oun lenge penell.”

2. Mose 18:14

Har o Moseskri romyakro dad kova dikas, hoy o Mose i tsele menshenge kras, penas yob: “Hoy hi kava, hoy tou kate kreh? Hoske hal tou kokres o čačepaskro ray kol boud menshenge? Oun i tsele menshe hounte venn pash toute tardo o tselo dives!”

1. Mose 34:20

Oun o Hamor oun leskro čavo Sichem djan an o baro voudar lengro forestar, te rakrenn le i morshentsa an ko foro oun penan ap lende: “Kal morsha kamenn kek čingepen mentsa. Doleske mou ačenn le an kava them, te djan le trouyel parepaske. Hi doha platsa koy. Oun mer kamah lengre čen te romedinerell. Oun mer dah len mare čen.

5. Mose 17:8

Te vell čomone glan i čačepangre anlo, hoy hi yaake phares lenge, te djinenn le gar, hoy te krenn, – savo koova, te das yek i vavares moulo, oder doukas les, oder čingepen pral kova, hoy o yekeske oder o vavareske hi, palle krenn t'men ap o drom oun djan ap koy platsa, hoy t'maro baro Devel peske vin rodell.

2. Familjakro liil 10:7

Kote rakran yon leha oun penan: “Te hal tou kava dives kamles ap kal menshende, oun kreh hoy yon kamenna, oun rakreh lentsa lače laba, palle hi yon tire boudepangre an hako tsiro.”

Daniel 11:21

Oun pal koleste stell yek pre, kova hi gar an-diklo oun gar moldo, te vell lo baro ray. Oun pokones oun rhorhenes lell yob peske i rayeskri zoor.