2. Samuel 14:33 - O Debleskro Lab 2024 (Sinte-Manouche)

³³ Oun o Yoab djas dren pash o baro rayeste, oun penas leske kova. Oun yob das o Absalomes gole, te vell yob dren pash o baro rayeste. Oun o Absalom čivas pes glan o baro rayeste tele ap peskro mouy. Oun o baro ray čoumras o Absalomes.

O Debleskro Drom 2021 (Sinte)

³³ Un o Joab djas dren pash o baro rajeste, un penas leske kowa. Un job das o Absalomes gole, te well job dren pash o baro rajeste. Un o Absalom tchiwas pes glan o baro rajeste tele ap peskro mui. Un o baro rai tchumras o Absalomes.

2. Samuel 14:33 Referans Kwoze

Louka 15:20

Oun yob stas pre, oun djas pash peskro dadeste pale. Har leskro dad les doural dikas, khaytas o čavo les. Oun o dad nashas pash leste, tapras les trouyel, oun čoumras les.

1. Mose 33:4

Koy nashas o Esau pash leste, las les troul i meen oun čoumras les. Oun hake douy rovan.

1. Mose 45:15

Oun yob čoumras peskre tsele phralen oun rovas ap lengro beč. Oun koy pal rakran leskre phrala leha.

1. Mose 27:26

Pal kova penas o Isaak ap leste: “Am pash mande oun de man i čoum, miro čavo!”

2. Samuel 15:5

Oun te vas yek pash o Absalomeste, oun kamas pes glan leste tele vitsrell, tapras les lo trouyel oun čoumras les.

2. Samuel 19:39

“Mishto!” penas o baro ray. “Mou djal o Kimham mantsa! Oun me kamau leha te krell, hoy tou kameh. Ninna lauter, hoy tou mandar mangeh, krau me touke.”

1. Rajengro liil 1:53

Oun o baro ray Salomo bičras yekes pash o Debleskri rhačepaskri, kay o Adoniya tardo his, oun moukas les kotar pash peste te anell. Oun har yob vas, vitsras lo pes glan o baro rayeste Salomo ap i phoub tele. Oun o baro ray Salomo penas ap leste: “Dja kanna khere!”