2. Samuel 1:6 - O Debleskro Lab 2024 (Sinte-Manouche)

⁶ Ko terno morsh penas: “Me vom ap koy berga Gilboa. Koy dikom, har o Saul paash ap peskro vitsepaskro čouri pre-čiddo his. Oun kol kourepangre, kay ap kol vourdya tardo his, djan zoreles ap leste.

O Debleskro Drom 2021 (Sinte)

⁶ Ko terno mursh penas: “Me wom ap koi berga Gilboa. Koi dikom, har o Saul paash ap peskro witsepaskro tchuri pre-tchiddo his. Un kol kurepangre, kai ap kol wurdja tardo his, djan soreles ap leste.

2. Samuel 1:6 Referans Kwoze

1. Samuel 28:4

Har kanna i Filistarya khetne van, oun čivan pengre plarhtene khera pre pash o foro Shounem, koy moukas o Saul i tsele Israelengre morshen khetne te vell. Oun yon čivan pengre plarhtene khera pre ap koy berga Gilboa.

Louka 10:31

Ap ko tsiro djas i rashay ap ko drom. Har yob kava morshes dikas, djas lo doureder.

2. Samuel 1:21

T'mer berge Gilboa: Kek sapanepen oun kek brishin te vell ap t'mende! Kek djob te vell baro ap t'mari phoub! Kol shilte mare čače morshendar hi kote čiddo. Ava, o Sauleskro shilto hi bouder gar dren maklo o djeteha.

1. Samuel 6:9

Palle sikrell pes, havi rigyatar koy bari bibarht pral mende vas: Te djan le pre an lengro them, ap o drom an Bet-Shemesh, palle his o baro Devel, kay savi bari bibarht ap mende anas. Te djan le ap i vavar rig, palle hayvah, te his gar leskro vast, hoy men das, oun kava tselo koova čičeske ap mende vas, oun kek bičras les.”

Ruth 2:3

Koy djas li vin, kolenge palla, kay o djob činenn, oun hadas djob pre ap i harhetikri phoub. Oun kova vas yaake, kay kava kotar phoub o Boases his, ko morshes dran o Elimelekeskri familya.

2. Samuel 1:5

Koy penas o David ap ko terno morsheste, kay penas leske kova: “Har djineh tou, kay o Saul oun leskro čavo Yonatan moulo hi?”

2. Samuel 1:7

Yob rissras pes trouyel, oun dikas man, oun das man gole. Koy penom: Kate hom!