2. Samuel 1:23 - O Debleskro Lab 2024 (Sinte-Manouche)

²³ O Saul oun o Yonatan, an lengro djipen kamam len oun lengro baro dji. An lengro merepen hi le khetne. Yon his sikeder har i čirklo oun zorleder har i levo.

O Debleskro Drom 2021 (Sinte)

²³ O Saul un o Jonatan, an lengro djipen kamam len un lengro baro dji. An lengro merepen hi le khetne. Jon his sikeder har i tchirklo un sorleder har i lewo.

2. Samuel 1:23 Referans Kwoze

Jeremia 4:13

Dik, har volke vell ko marepaskro. Leskre kourepangre vourdya hi sik har i phourdepen, oun leskre graya hi sikeder har i adlari. Havi bibarht! Mer ham nashedo!

Čačepangre 14:18

Oun ap o eftato dives, glan o tsiro kay o kham tele djas, penan i morsha dran o foro ap leste: “Hoy hi goudleder har gvin? Oun hoy hi zorleder har o levo?” Oun yob penas ap lende: “Te lans gar miri terni groumni, te boudrenn ap t'mari phoub, palle djinans t'mer gar, hoy mire laba kamenn te penell.”

Ropaskre gilja 4:19

Kolla, kay men palla lan, his sikeder har i adlarya tel o bolepen. Ap o pralstouno them lan le men palla, oun an o moulo them louran le menge pre.

Gosewe laba 30:30

O levo, ko zorleder mank i firhende: Glan kekeste djal lo pale;

Hiob 9:26

Miro djipen nashell yaake sik doureder har i sik bero oun har i baro čirklo, hoy moukell pes tele te perell ap i tikno firho, te taprell lo les.

1. Samuel 18:1

Oun pal kol laba, hoy o David o Sauleha rakras, las o Yonatan i kamlepen o Davideske an o dji, oun yob kamas les peskro tselo djiyeha har peskro djipen.

5. Mose 28:49

Menshen dran i dour them, foun i vavar rig i phoubyatar, anell lo pral t'mende. Sik har i baro čirklo venn le pral t'mende. Lengro rakepen hayvenn t'mer gar.

1. Familjakro liil 12:8

o Yoela, oun o Sebadja, kolengro dad o Yeroham hi dran o foro Gedor.

2. Samuel 23:20

O Benaya, koleskro dad o Yoyada his, dran o gab Kabzeel, his i vavar kourepaskro morsh, kay baro koova kras. Kova das kol douy zorele morshen moulo, kay van kharedo leve dran Moab. Ap i dives, kay gib das, djas lo an i brounna, oun das koy i leves moulo.

1. Samuel 20:2

Oun o Yonatan penas: “Kova nay vell gar yaake! Tou hounte meress gar. Miro dad krell či, kek baro koova, vitar kek tikno koova, te rakras lo gar mantsa. Hoske rikrals lo kava koova glan mande khatedo? Na-a, kava hi gar yaake.”

2. Samuel 2:18

Koy pashel his ninna kol triin phrala, kolengri day i Serouya his: o Yoab, o Abishay, oun o Asahel. O Asahel his sik har i vesheskri bouzni ap peskre herya.

2. Samuel 1:24

T'mer ča an o Israel, rovenn pral o Saul, kay das t'men kouč ripya, oun ninna sonakay, te krenn t'men shoukar.

Kamlepaskri gili 5:16

Leskro rakepen hi goudlo, oun halauter ap leste hi kamlo. Kova hi miro pirno; ava, kova hi miro maal, t'mer ča dran o foro Yerusalem!