2. Rajengro liil 9:7 - O Debleskro Lab 2024 (Sinte-Manouche)

⁷ Oun tou maress kol menshen, kay venna tiro rayestar Ahab. Yaake dau len i phagi ko rateske, hoy ratas, har maras i Isebel mire boudepangren, mire rakepangren oun kol tsele vavaren, kay mange koy his.

O Debleskro Drom 2021 (Sinte)

⁷ Un tu maress kol menshen, kai wenna tiro rajestar Ahab. Jaake dau len i phagi ko rateske, hoi ratas, har maras i Isebel mire budepangren, mire rakepangren un kol tsele wawaren, kai mange koi his.

2. Rajengro liil 9:7 Referans Kwoze

1. Rajengro liil 21:15

Har shounas i Isebel, te vas o Nabot i barrentsa moulo vitsedo, penas li ap o Ahab: “Ste pre, oun le touke ko kotar phoub i drakengre roukentsa, hoy his o Nabotes dran Yesreel, kova, kay kamas yob touke gar te bikrell. O Nabot hi bouder gar, yob hi moulo.”

1. Rajengro liil 18:4

Oun an ko tsiro, kay i Isebel o baro Debleskre rakepangren kamas te marell, las o Obadya sheel lendar oun khatras len, i paash-sheel an kay grotta oun i paash sheel an koy grotta, oun anas lenge maro oun pani, te rhan le oun piyenn le.

5. Mose 32:43

T'mer menshe dran i vavar themma, sharenn o baro Debleskre menshen! Kolla, kay maran leskre boudepangre, kolenge dell yob halauter pale ap lengre sherya. Oun yob dell kolen halauter pale, kay kouran pen leha. Oun lell krik o praasepen, hoy ap o them peskre menshendar hi.

1. Rajengro liil 21:25

Čačepah, kek his koy har o Ahab, kay bikras pes, te krell lo o čilačepen glan i yaka o baro Deblestar. Oun leskri romni, i Isebel, his koya, kay anas les ap kava čilačo drom.

1. Rajengro liil 21:21

Doleske penell yob touke: Me anau bibarht pral toute. Oun moukau tout te marell oun tire morsh čaven, kay pal toute venna, i baren har i tiknen. Kek morsh, kay toutar vella, ačell djido an Israel.

5. Mose 32:35

Yob penell: Me hom kova, kay dau len halauter ap lengro shero pale an ko tsiro, kay trissenn lengre herya. Gar dour hi o dives, kay vell lengri bibarht pral lende. Oun kova, hoy ap lende vell, kova vell sikepah.

Debleskro tsiro 19:2

Lačo oun čačo hi lo. I phagi, hoy yob i menshen das, hi mishto oun čačo. Yob das i bari loubyat lakri phagi. Yoy tserdas i menshen ap i tseli phoub an vi-ladjedo koova oun maras o Debleskre boudepangren. O Devel das lat ko čilačepen pale, hoy yoy ap lende kras.”

Debleskro tsiro 18:20

Avenn barhtelo, t'mer, kay djivenn an o bolepen! O baro foro hi paash! Avenn barhtelo, t'mer Debleskre menshe! Avenn barhtelo t'mer, kay han o Yezouseskre bičepangre, ninna t'mer, kay han o Debleskre rakepangre! Kova, hoy o foro čilačes kras ap t'mende, das o Devel ko fores pale.

Hebrearja 10:30

Mer djinah, kay o Devel penas: Me dau len ko čilačepen pale, hoy yon kran. Miri rholi vell ap lende. Oun pale hi činlo: O Devel rakrell o čačepen pral peskre menshende vin.

Remarja 13:4

O Devel das len pengri boudi, te djal touke lačes. Tou te kre čilačo koova, palle hounte daress tou lendar. Hi gar čičeske, te vell len i zoor, te denn le i phagi. O Devel das len koy boudi, te denn le kolen i phagi, kay kran i čilačo koova.

Remarja 12:19

Mire kamle phrala oun phenya, ninna te kras yek t'menge čilačo koova, ma denn leske pale! Moukenn les! O Devel dell les i phagi. An o Debleskro lab hi činlo: O Devel penas: Me dau len pale. Me dau len i phagi.

Mateo 23:35

T'mer han čilačo har t'mare phoure. Yon maran i lače menshen yaake rah har i phoub tardo hi: O lačo morsh Abel vas maredo glan i tsele vavar menshende. Pal leste maran le vavar lače menshen bis ap ko tsiro, kay o Zakari maredo vas, koleskro dad his o Baraki. O Zakares maran t'mer mashkral o Debleskro kheer oun i sasterni rhačepaskri, kay i firhe o Debleske rhačedo venna. Doleske vell i phagi ap t'mende, kay kanna djivenna.

Debleskro tsiro 2:20

Yek koova hi gar mishto pash t'mende. T'mer moukenn koy djouvel Isebel te rakrell, hoy yoy kamella, koya, hoy penell, te hi li o Debleskri rakepaskretsa. Yoy tserdell mire boudepangren o Debleskro dromestar tele oun penell lenge, te nay djan i morsha pash vavar djouvyende, oun i djouvya pash vavar morshende. Ninna penell li lenge, te nay rhan le ko mass, hoy vavar menshe glan pengro debleste anan.

2. Rajengro liil 10:10

Ap kova dikenn t'mer, kay lauter yaake vas, har o baro Devel pral o Ahabeskro kheer penas. O baro Devel kras kova, hoy yob moukas peskro boudepaskres o Eliya glan-vi te penell.”

2. Familjakro liil 22:7

O Devel kamas kova yaake, te djal o Ahasya pash o Yoram, te vell lo kote maredo. Oun har yob koy vas, djan kol douy, o Ahasya oun o Yoram pash o Yehou, koleskro dad o Nimshi hi. Koles rodas o baro Devel vin, te vell lo baro ray oun marell o Ahabeskri tseli familya.

2. Rajengro liil 10:11

Palle das o Yehou lauteren moulo, kay ačan pral dran o Ahabeskri familya an Yesreel: kol tsele pralstunen, kol vavaren leskre menshendar oun leskre rashaya. Kek lendar ačas djido.