2. Rajengro liil 7:3 - O Debleskro Lab 2024 (Sinte-Manouche)

³ Glan ko foreskro voudar his star morsha, kolen i djoungelo nasslepen ap pengro mass hi. Oun yek penas ap o vavareste: “Hoske ačas mer kay bis te merah?

O Debleskro Drom 2021 (Sinte)

³ Glan ko foreskro wudar his star mursha, kolen i djungelo nasslepen ap pengro mass hi. Un jek penas ap o wawareste: “Hoske atchas mer kai bis te merah?

2. Rajengro liil 7:3 Referans Kwoze

2. Rajengro liil 7:4

Ninna te kamah mer an o foro te djal, hi koy i menshen či rhapaske, oun mer hounte meras koy. Oun te ačah mer kay, merah ninna. Mer djah pash i lourdende dran Syria. Te moukenn yon men djido, djivah mer. Krenn yon men moulo, yaake ham mer moulo.”

4. Mose 12:14

O baro Devel penas ap o Moseste: “Te čoungrals lakro dad lat an o mouy, hounte ladjals yoy efta divessa. Moukenn lat kokres efta divessa vin glan koy platsa, kay i plarhtene khera hi! Pal kova lenn lat pale pash t'mende!”

Jeremia 27:13

Hoske kamenn t'mer te merell, tou oun tire menshe, te vell o kourepen, i bok oun o nasslepen pral t'mende, yaake har o baro Devel penas, te vell kova pral kol menshende, kay kamenn gar te krell, hoy o baro ray dran Babilonia lendar kamell.

Jeremia 8:14

Hoske ham mer kay trouyel beshdo? [poučenn i menshe dran Youda.] Mer vas khetne, te djas mer an kol zorele forya, te vas koy maredo! Mer moukam o baro Debles, maro rayes. Doleske kamell lo maro merepen, oun dell men savo pani te piyell, hoy marell men.

2. Rajengro liil 8:4

Ap ko tsiro rakras o baro ray ap o Gehasi, ko Debleskro morsheskro boudepaskro, oun penas: “Pen mange ko tselo baro koova, hoy o Elisa kras!”

2. Rajengro liil 5:1

O baro rayes pral o them Syria his i pralstouno lourdo. Leskro lab his Naaman. Kova his i čačo morsh an peskro rayeskre yaka oun leske boud moldo. Har anas yob i Syrarya an o kourepen, kras o baro Devel, te venn yon i zorleder. I zorelo kourepaskro his lo, oun les his i djoungelo nasslepen ap peskro mass.

4. Mose 12:10

Ninna koy folka pral o Debleskro kheer djas krik. Oun ap yek kopo vas i Miryam nasselo ap peskro mass, ko his parno har gib. Oun har rissras pes o Aron pash i Miryam oun dikas ko nasslepen ap lakro mass,