2. Rajengro liil 6:8 - O Debleskro Lab 2024 (Sinte-Manouche)

⁸ Ko baro ray pral Syria his an o kourepen i Israelentsa, oun rakras peskre pralstoune lourdentsa, hoy yon nay krenna. Oun yob penas: “Mer khatrah men oun perah lenge koy čorrhanes an o doumo.”

O Debleskro Drom 2021 (Sinte)

⁸ Ko baro rai pral Syria his an o kurepen i Israelentsa, un rakras peskre pralstune lurdentsa, hoi jon nai krenna. Un job penas: “Mer khatrah men un perah lenge koi tchorchanes an o dumo.”

2. Rajengro liil 6:8 Referans Kwoze

Jesaja 8:10

Rakrenn khetne har te djan glan, oun djinenn, kolestar vell či. Rakrenn yaake boud har kamenn, Či vell vin. O Devel hi mentsa.

Gosewe laba 21:30

Kote dell kek gosvepen, či hoy yek feteder nay djinals oun penals, har nay krell o baro Devel.

Gosewe laba 20:18

Rake i vavarentsa pral kova, hoy touke glan lal, te vell kova mishto. Kova hounte kress, hoy tout ninna glan hi, har boud boudeder te kameh i kourepen te krell.

2. Rajengro liil 6:24

Pal i tsiro las ko baro ray pral Syria – leskro lab his Ben-Hadad – peskre tsele lourden khetne, peras lentsa an o them Israel dren oun čivas pes troul o foro Samaria.

1. Rajengro liil 22:31

O ray o themestar Syria penas kol pralstunenge pral leskre vourdya – kolla his 32 (triyanda-te-douy) morsha: “Ma kourenn t'men i lourdentsa, gar i tiknentsa vitar gar i barentsa! Djan kokres ap o rayeste pral o them Israel pre!”

1. Rajengro liil 20:34

Oun o Ben-Hadad penas ap leste: “Kol forya, kay miro dad tiro dadestar krik las, dau me touke pale pale. Oun tou nay kreh touke parepaskre khera an o foro Damaskus, yaake har kras miro dad an o foro Samaria.” “Mishto” penas o Ahab, “de man tiro dadeskro vast koy pre, palle moukau tout khere te djal.” Kote dan yon pen o vast pre. Oun palle moukas yob les te djal.

1. Rajengro liil 20:23

Oun i bare morsha o baro rayestar dran Syria penan ap pengro rayeste: “O Israeleskro Devel hi i devel, kay djivell ap i berge. Doleske his yon zorleder har mer. Te kourah men mer lentsa ap i telstouni phoub, čačepah, palle ham mer zorleder har yon!

1. Rajengro liil 20:1

Oun o Ben-Hadad, ko baro ray pral o them Syria, čivas peskre tsele lourden khetne. Oun 32 (triyanda-te-douy) vavar bare raya pengre lourdentsa his leha. Ninna his graya oun kourepangre vourdya pash lende. Oun lentsa halauterentsa djas yob glan o foro Samaria. Oun yon čivan pen troul o foro, oun pandan o foro dren, te kourenn le pen o foreha.

2. Rajengro liil 6:7

“Tape pal o tover!” penas o Elisa. Oun yob las les dran o pani vin.

2. Rajengro liil 6:9

Koy bičras ko Debleskro morsh, o Elisa, yekes pash o baro rayeste pral Israel oun moukas leske te penell: “De garda oun ma dja kava drom! Kol Syrarya lourenn koy.”

1. Rajengro liil 22:1

Oun yaake djan triin bersha trouyel, oun kek kourepen his mashkral o them Syria oun o them Israel.