2. Rajengro liil 4:27 - O Debleskro Lab 2024 (Sinte-Manouche)

²⁷ Har yoy pash o Debleskro morsheste ap koy berga vas, tapras yoy leskre herya trouyel. O Gehasi vas, te dell lo lat i spildini. Koy penas o Debleskro morsh: “Mouk lat! Lake hi ropaske, oun me djinau gar hoske. O baro Devel penas mange či, hoy djas.”

O Debleskro Drom 2021 (Sinte)

²⁷ Har joi pash o Debleskro mursheste ap koi berga was, tapras joi leskre herja trujel. O Gehasi was, te dell lo lat i spildini. Koi penas o Debleskro mursh: “Muk lat! Lake hi ropaske, un me djinau gar hoske. O baro Dewel penas mange tchi, hoi djas.”

2. Rajengro liil 4:27 Referans Kwoze

2. Samuel 7:3

Penas o Natan ap leste: “Dja koy oun kre lauter, hoy tout ap o dji hi! O baro Devel hi pash toute!”

1. Mose 18:17

Koy penas o baro Devel peske: “Penap me o Abrahameske gar, hoy me kamau te krell? Na-a!

Mateo 15:23

O Yezous penas či ap late. Koy van peskre mala pash leste, oun penan ap leste: “Yoy dell savi bari gole pal mende. Biče lat toutar!”

Amos 3:7

Čačepah, o baro Devel, maro ray, krell či, te rakras lo gar glan kova koy pral ap peskre rakepangre, kay leske koy hi.

Gosewe laba 18:14

I mensho kay zorelo an peskro dji hi, nay hidjrell peskro nasslepen. Te hi leskro dji phagedo, har nay hidjrell lo peskro pharepen?

Gosewe laba 14:10

Ko mensho, koleskro dji rovell, hi kokres. Oun ninna te stell leskro dji i barhtyatar, nay hayvell kek vavar čačepah leskri barht.

Hiob 10:1

Kamau bouder gar te djivell. Doleske rikrau miro ropen ninna gar pale, oun rakrau yaake, har miro doukedo dji mange penell.

2. Rajengro liil 6:12

Koy penas yek leskre pralstunendar: “Kek mendar, miro baro ray. O Elisa, ko Debleskro rakepaskro an Israel, phoukrell lauter o baro rayeske pral Israel, ninna, hoy tou rakreh an tiri isema, kay soveh.”

2. Rajengro liil 4:25

Yaake djas yoy pash ko Debleskro morsheste ap koy berga Karmel. Har ko Debleskro morsh dikas, kay yoy vas, penas yob ap peskro boudepaskro, o Gehasi: “Dik, koy djouvel dran Shounem hi koy.

1. Samuel 1:10

Oun lakro dji rovas, oun yoy mangas o baro Debles oun rovas zoreles ap leste,

Johanni 15:15

T'mer han mange bouder gar boudepangre. I boudepaskro djinell gar, hoy leskro ray krella. T'menge penom halauter, hoy shounom miro dadestar. Doleske han t'mer kanna mire mala.

Johanni 4:27

Koy van leskre mala pale dran o foro. Har yon dikan, kay yob i djouvyah rakras, kran le bare yaka. Kek poučas lestar: Hoy kameh tou latar? Oun kek poučas lestar vitar gar: Hoske rakreh tou lah?

Louka 7:38

Oun yoy his tardo pal o Yezouseste oun rovas. Oun lakre sva kran leskre pire sapenes. Oun yoy khossas len peskre ballentsa. Oun yoy čoumras leskre pire, oun makas len o kouč djeteha dren.

Markus 14:6

Penas o Yezous ap lende: “Moukenn lat! Hoske čingrenn t'mer ap late? Hoy yoy mange kras, his mishto.

Markus 10:13

Oun yon anan čaven pash leste, te čivell lo peskre vasta ap lende. Leskre mala čingran ap kolende, kay anan len pash leste.

Mateo 28:9

Ap o drom vas o Yezous pash lende oun penas: “Lačo dives!” Oun yon djan pash leste, peran glan leste tele, oun tapran leskre pire.

Mateo 20:31

Kol menshe, kay djan o Yezouseha, čingran ap kol douyende, oun penan ap lende: “Moukenn tele! Ačenn!” Koy dan yon boudeder gole: “Maro ray, tou Davideskro čavo, kre tiro dji menge pre!”

2. Rajengro liil 4:26

Dja pash late oun pouč: Djal touke mishto? Djal tiro romeske oun tiro čaveske mishto?” Yoy penas: “Mishto!”