2. Rajengro liil 23:2 - O Debleskro Lab 2024 (Sinte-Manouche)

² Oun yob djas pral an o baro Debleskro kheer. Oun khetne leha djan i tsele morsha dran o them Youda oun i tsele menshe, kay djivan an o foro Yerusalem, i rashaya oun o Debleskre rakepangre oun kol vavar menshe, tikne oun bare. Oun kote moukas lo glan lende i tsele laba te draverell dran ko liil, hoy an o baro Debleskro kheer hatslo vas, kay činlo hi, hoy o Devel peskre menshendar kamella.

O Debleskro Drom 2021 (Sinte)

² Un job djas pral an o baro Debleskro kheer. Un khetne leha djan i tsele mursha dran o them Juda un i tsele menshe, kai djiwan an o foro Jerusalem, i rashaja un o Debleskre rakepangre un kol wawar menshe, tikne un bare. Un kote mukas lo glan lende i tsele laba te drawerell dran ko liil, hoi an o baro Debleskro kheer hatslo was, kai tchinlo hi, hoi o Dewel peskre menshendar kamella.

2. Rajengro liil 23:2 Referans Kwoze

2. Rajengro liil 22:8

Har o Shafan kova lauter o baro rashayeha Hilkiya rakras, penas kova ap leste: “Me hatsom i liil an o baro Debleskro kheer, kay menge o Debleskro drom siklo vella.” Oun o Hilkiya das ko liil o Shafaneste, oun kova draveras les.

Debleskro tsiro 20:12

Oun me dikom i moulen: i bare har i tikne. Yon his tardo glan o Debleskro beshepaskro. Oun lila van pre kerdo, kay činlo hi, hoy i menshe kran. Pale vas ko djipaskro liil pre kerdo, kay kolla dren činlo hi, kay djivenna hako tsiro. Oun o čačepen vas vi-rakedo pral kol tsele moulende yaake, har an i lila dren činlo hi.

Bičepangre 26:22

O Devel his hako dives pash mande. Oun kanna hom kate tardo, oun penau barenge oun tiknenge, hoy o Devel kras. Me penau či vavares, har kol Debleskre rakepangre oun o Mose glan i rah tsiro penan.

Debleskri gili 115:13

Yob čivell peskri barht ap hakeneste, kay djivell leha, ava, ap i tiknen oun ap i baren.

Hiob 3:19

Kote hi o baro oun o tikno, lauter yek har o vavar. Oun o pandlo boudepaskres hi bouder kek ray pral peste.

Ester 1:5

Har kol divessa trouyel djan, kras o baro ray i baro rhapen kolenge lauterenge, kay an peskro zorelo kheer an o foro Susa his, i barenge oun i tiknenge. Ko baro rhapen djas efta divessa. Oun i menshe van khetne an i baar pash o baro rayeskro raylo kheer.

Nehemia 13:1

Ap ko dives draveran le dran o Moseskro liil glan i tsele menshende. Oun yon hatsan, te hi an ko liil činlo: Kek i menshendar Ammon, vitar kek i menshendar Moab nay djivenn o Debleskre menshentsa khetne, oun kova kek tsireske.

Nehemia 9:3

Oun yon his hakeno ap peskri platsa tardo, har vas glan dravedo dran ko liil, kay sikrell o drom o baro Deblestar, kay lengro Devel hi. I starto kotar o divestar vas glan dravedo oun o starto kotar o divestar penan le pengri doosh, oun vitsran pen tele glan o baro Debleste, koles yon an-mangan.

2. Familjakro liil 17:9

Oun yon penan i menshenge an o tselo them Youda, har te djan le ap o Debleskro drom. Len his o baro Debleskro liil, kay dren činlo hi, har te djivenn le, pash pende. Oun djan trouyel an i tsele forya an o them Youda, oun sikran i menshende o Debleskro drom.

2. Familjakro liil 15:13

Oun hakeno, kay kamals o baro Debles, kay o Israeleskro Devel hi, gar te rodell, hounte vals maredo, o tikno oun o baro, morsh oun djouvel.

1. Rajengro liil 8:9

Oun an ko morhton his či dren, har kokres kol douy barra, hoy o Mose dren čivas pash i berga Horeb. An lende his o baro Debleskre deesh laba dren činlo, hoy i Israelitarya hounte rikrenn. Kova kras lo lentsa vin, har yon vin van dran o them Egiptia.

1. Samuel 30:2

Oun yon pandan i djouvyen oun kolen, kay koy his, i ternen oun i phouren, oun lan len pentsa. Kekes dan le moulo, yon lan len pentsa oun djan penge.

1. Samuel 5:9

Oun har yon ko morhton kote anan, vas o baro Debleskro vast phares ap o foro, oun lauter, tikne oun bare lan ko djoungelo nasslepen. Oun i bari daar tapras len.

5. Mose 31:26

“Lenn kava čačepaskro liil, oun čivenn les ap i rig pash o morhton, kay o baro Debleskre deesh laba dren hi, te sikrell lo len, hoy vella, te rikrenn le pen gar ap kol laba.

1. Mose 19:11

Palle kran le, te venn kol tsele morsha korelo, kay glan o kheer tardo hi. Lauter, tikne oun bare, dikan bouder či. Yaake nashte hatsan yon bouder gar o voudar.

Jeremia 34:8

Kava hi ko lab, hoy o baro Devel ap o Yeremia penas, pal ko tsiro, kay o baro ray Sedekya i menshentsa an o foro Yerusalem vin kras, te moukenn le i tsele ginle boudepangre vin,