2. Rajengro liil 23:13 - O Debleskro Lab 2024 (Sinte-Manouche)

¹³ Ninna kras lo kol moulne platse pale-čiddo, hoy kras o Salomo, ko baro ray pral Israel. Kolla his tardo ap koy rig o forestar Yerusalem, kay o kham pre-djal, ap i čači rig o djeteskri bergatar. O Salomo kras len, te venn kote kol djoungele moule debla an-mangedo: i Astarte, koy debletsa dran Sidon; oun o Kemosh, ko devel dran o them Moab; oun o Milkom, ko devel dran o them Ammon.

O Debleskro Drom 2021 (Sinte)

¹³ Ninna kras lo kol mulne platse pale-tchiddo, hoi kras o Salomo, ko baro rai pral Israel. Kolla his tardo ap koi rig o forestar Jerusalem, kai o kham pre-djal, ap i tchatchi rig o djeteskri bergatar. O Salomo kras len, te wenn kote kol djungele mule debla an-mangedo: i Astarte, koi debletsa dran Sidon; un o Kemosh, ko dewel dran o them Moab; un o Milkom, ko dewel dran o them Ammon.

2. Rajengro liil 23:13 Referans Kwoze

1. Rajengro liil 11:7

Ap i berga glan o foro Yerusalem kras o Salomo i moulni platsa, kay mangan le o djoungelo debles an, kay kharell Kemosh. Koles mangan i Moabarya an. Ninna kras lo i moulni platsa, kay mangan le o Molok an, ko djoungelo debles, koles i Ammonarya an-mangan.

1. Rajengro liil 11:5

Oun o Salomo mangas i debletsa Astarte an, hoy his koy debletsa foun i Sidonarya. Ninna o debles Milkom mangas lo an, ko djoungelo debles, koles i Ammonarya an-mangan.

4. Mose 21:29

Djungelo touke Moab! T'mer menshe ko deblestar Kemosh han nashedo. Tire čave van dino oun nashan, oun tire ča van pandlo anlo pash o Sihon, ko baro ray pral i Amorarya.

Zefanja 1:5

Me marau lauteren, kay pral ap pengre khera i bolepangre momlia an-mangenn. Ninna kolen marau, kay vitsrenn pen tele glan mande, oun denn pen sovel ap mande, oun ap i vavar rig denn le pen sovel ap ko moulo debleste, kay kharell Milkom.

Jeremia 48:16

Hi bouder gar rah, palle djal o them Moab tele, oun leskri bibarht vell sik pral leste.

Jeremia 48:13

Oun i Moabarya, kay patsan, te vell lengro devel, o Kemosh, lenge ap i rig, yon hounte ladjenn pen, yaake har o kheer Israel hounte ladjas pes, har van leske leskre debla an o foro Betel gar ap i rig, ap kolende yon pen zoreles rikran.

Jeremia 48:7

Tou Moab, patsal, kay taprell tout kek čilačepen an tire zorele khera oun pash tiro baro bravlepen. Doleske veh tou ninna dren lino. Tiro devel, o Kemosh, leskre rashaya oun pralstoune hounte venn pandles anlo an i vavar them.

Nehemia 13:26

“Djinenn gar”, penom, “te kras o baro ray Salomo savo koova oun anas doosh ap peste? Oun an boud vavar themma, his kek baro ray har yob his. Oun o Devel kamas les yaake, te kras lo, te vell lo ray pral o tselo them Israel. Ninna les anan peskre romya dran kol vavar themma yaake dour, te anas lo doosh ap peste!

1. Rajengro liil 11:33

O Salomo moukas man, oun mangas i Astarte an, kay debletsa, hoy i Sidonarya an-mangenn. Ninna mangas lo o Kemosh an, ko devel, hoy i Moabarya an-mangenn, oun o Milkom, ko devel, hoy i Ammonarya an-mangenn. Yob djas gar ap mire dromma oun kras gar, hoy mishto hi glan mire yaka. Pal mire laba oun miro čačepen djivas lo gar, har kova leskro dad, o David kras.

1. Samuel 12:10

Koy dan le gole ap o baro Debleste, te vell lo ap lengri rig, oun penan: “Mer lam doosh ap mende, te djam krik toutar, baro Deblestar, oun mangam kol deblen an, kay kharenna Baal oun Astarte. Kanna le men vin dran i vasta kolendar, kay men tele rikrenn. Palle vess tou kokres maro Devel.”

1. Samuel 7:4

Oun i Israelitarya čivan i rhorhene deblen krik, kay kharenn Baal oun Astarte, oun mangan kokres o baro Debles an.

Čačepangre 11:24

Hi gar yaake? Te tradals tiro Devel, o Kemosh, vavar menshen dran lengro them vin, lals tou palle gar kolengro them dren? Mouk men ko them dren te lell kolendar, kay maro baro Devel glan mende vin tradas!

Čačepangre 10:6

Oun i Israelitarya kran pale kova, hoy čilačes his glan o baro Debleskre yaka. Oun yon mangan i vavar deblen an: ko debles, kay kharell Baal, oun i debletsa, kay kharell Astarte, oun kol deblen, kay mangenn kol menshe an, kay djivenn an Syria, an Sidon, an Moab, an Ammon oun an Filistia. Oun i Israelitarya moukan o baro Debles oun mangan les bouder gar an.

Čačepangre 2:13

Oun yon moukan o baro Debles oun mangan o debles Baal an oun ninna i debletsa Astarte.

Jesaja 44:19

Savo mensho hayvell gar, hoy lo krell. Či djal an leskro shero, oun kek gosvepen hi an leste, yaake te penals lo peske: “O paash kolestar rhačrom an i yag, oun ap koy yag pekom maro oun mass, oun rhom les. Oun ko vavar paash kolestar, krap i devel, glan koleste me man tele ap i phoub vitsrap? Glan i kotar kasht?”

Jeremia 11:13

Yaake boud forya t'men hi, yaake boud deblen hi t'men, t'mer menshe an Youda. Oun yaake boud dromma an Yerusalem hi, yaake boud rhačepangre kran t'mer, kay rhačrenn firhen o djoungelo debleske Baal.