2. Rajengro liil 22:20 - O Debleskro Lab 2024 (Sinte-Manouche)

²⁰ “Oun anau kay bibarht gar pral kava foro yaake rah har tou djiveh. Tou dikeh lat gar tire yakentsa. Me moukau tout an o lačepen te merell. Oun tou veh paskedo an o moulengro kheer tire phourendar.” Oun kol morsha penan kal laba o baro rayeske.

O Debleskro Drom 2021 (Sinte)

²⁰ “Un anau kai bibacht gar pral kau foro jaake rah har tu djiweh. Tu dikeh lat gar tire jakentsa. Me mukau tut an o latchepen te merell. Un tu weh paskedo an o mulengro kheer tire phurendar.” Un kol mursha penan kal laba o baro rajeske.

2. Rajengro liil 22:20 Referans Kwoze

Debleskri gili 37:37

Kre yaake har kova, kay shounell ap o Debleste peskro tselo djiyeha! Oun djib yaake har kova, kay vell kek doosh ap leste hatslo. Savo mensheske djal mishto an ko tsiro, hoy vella.

1. Familjakro liil 17:11

Te hi tiro tsiro trouyel, oun tou mereh, hadau yekes tire čavendar, kay pal toute venna, te vell lo baro ray, oun ačell kova.

1. Mose 25:8

Les his i rah djipen. Oun yob meras an o mishto phourepen oun vas paskedo.

Jeremia 22:10

Ma rovenn pral koleste, kay meras, ko baro ray Yosia. Ma denn gole i doukatar leske! Na-a, rovenn pral leskro čaveste, kay vas krik anlo, o baro ray Yoakaz. Kova vell bouder gar pale, te dikell lo kava them pale.

2. Familjakro liil 34:28

Oun anau kay bibarht gar pral kava foro oun kolende, kay kate djivenn, yaake rah har tou djiveh. Tou dikeh lat gar tire yakentsa. Me moukau tout an o lačepen te merell. Oun tou veh paskedo an o moulengro kheer tire phourendar.” Oun kol morsha penan kal laba o baro rayeske.

5. Mose 31:16

O baro Devel penas ap o Mose: “Sik vell o dives, kay mereh. Oun pal tiro merepen moukenn i Israelitarya miro drom, oun nashenn kol deblenge palla ko themestar, an koleste venna. Oun yon djan penge mandar, oun krenn bouder gar, hoy lentsa vin krom.

2. Rajengro liil 20:19

Kote penas o Hiskiya ap o Yesaya: “Ko lab o baro Deblestar hi mishto, hoy tou rakral.” O Hiskiya penas peske: Mange hi mishto, te hi kek kourepen oun marepen an mire divessa.