2. Rajengro liil 22:2 - O Debleskro Lab 2024 (Sinte-Manouche)

² Oun yob kras, hoy mishto hi glan o baro Debleskre yaka, oun djas o drom, kay leskro phouro dad o David ninna djas, oun peras gar kava dromestar tele, gar ap i čači rig oun vitar gar ap i servi rig.

O Debleskro Drom 2021 (Sinte)

² Un job kras, hoi mishto hi glan o baro Debleskre jaka, un djas o drom, kai leskro phuro dad o David ninna djas, un peras gar kau dromestar tele, gar ap i tchatchi rig un witar gar ap i serwi rig.

2. Rajengro liil 22:2 Referans Kwoze

Josua 1:7

Tou, ab zoreles oun ma traash, oun rike tout ap mire tsele laba, hoy penas touke o Mose, koles miro čačo vast his. Ma dja kolendar tele, gar ap i čači rig oun vitar gar ap i servi rig, te vell halauter mishto, kay tou ninna djah.

5. Mose 5:32

Kanna denn yak, te krenn halauter yaake, har t'maro baro Devel kova t'menge penas. Rikrenn leskre tsele laba. Čivenn kek lendar ap i rig.

2. Rajengro liil 18:3

Oun yob kras, hoy glan o baro Debleskre yaka mishto hi, har leskro phouro dad, o David, ninna kras.

1. Rajengro liil 3:6

Kote penas o Salomo: “Baro lačepen kral tou miro dadeske, o Davideske, kay touke koy his, oun ap toute rikras, oun djivas an tiro čačepen peskro tselo djiyeha glan toute. Oun moukal tiro lačepen pral leste te vell, oun dal les i čavo. Kova hi kanna ap leskri beshepaskri beshdo pal leste.

Gosewe laba 20:11

An kova, hoy i tikno čavo krell, moukell pes te dikell, har yob vella: i morsh, kay djivell i djoudjo djipen oun djal o čačo drom oder gar.

Gosewe laba 4:27

Dja gar tele kava dromestar, gar čačes oun gar serves. Rike tire herya pale o čilačo dromestar!

2. Familjakro liil 29:2

Oun yob kras, hoy glan o baro Debleskre yaka mishto hi, har leskro phouro dad, o David, ninna kras.

2. Rajengro liil 16:2

Biish bersha phouro hi o Ahas, har lo baro ray vas; oun 16 (deesh-te-shob) bersha his lo baro ray, oun djivas an ko tsiro an o foro Yerusalem. Leskro phouro dad, o David kras, hoy glan peskro baro Debleskre yaka mishto hi. Kova kras o Ahab gar.

1. Rajengro liil 11:38

Te shouneh ap halauter, hoy me touke penau, oun te djah tou ap mire dromma oun kreh, hoy glan mire yaka mishto hi, oun djiveh pal miro čačepen oun mire laba, har miro boudepaskro, o David, kova kras, palle hom me touha. Oun yaake har o Davideske krom, krau me, te vell dran tiri familya hako tsiro yek, kay hi o ray. Oun me dau tout o Israel, te vess ray pral leste.

2. Familjakro liil 17:3

Oun o Yosafat djas ap o Debleskro drom har glan leste leskro phouro dad, o David. Oun nashas gar i moule deblenge palla, hoy kharenn Baal. Doleske his o baro Devel pash leste.

1. Rajengro liil 15:5

O David kras, hoy glan o baro Debleskre yaka mishto his, oun rikras pes peskro tselo djipen ap kol tsele laba, hoy o baro Devel leske penas; vin lino hi ko koova, hoy kras lo ko morsheha Uriya, ko Hetari.

2. Familjakro liil 31:20

An o tselo them Youda kras o Hiskiya yaake, har mishto oun čačo his glan o baro Debleste. Yaake djivas lo peskro Debleha.

2. Familjakro liil 34:1

O Yosia his orhta bersha, har vas lo baro ray; oun yob his 31 (triyanda-te-yek) bersha baro ray an o foro Yerusalem.

Zefanja 1:1

Har o Yosia, koleskro dad o Amon hi, o baro ray pral o them Youda his, an ko tsiro rakras o baro Devel ap o Sefanya. Koleskro dad his o Koushi. Koleskro dad his o Gedalya. Koleskro dad his o Amarya. Koleskro dad o Hiskiya. Kava hi ko lab, hoy o baro Devel penas:

1. Rajengro liil 15:11

Oun o Asa kras kova, hoy mishto his glan o baro Debleskre yaka, har leskro phouro dad David ninna kras.

2. Rajengro liil 12:3

Oun o Yoash kras, hoy o baro Debleske mishto his, yaake rah har o rashay Yoyada leskro sikepaskro his.

2. Rajengro liil 14:3

O Amazya kras, hoy mishto his glan o baro Debleskre yaka. Kokres har leskro dad David his lo gar, na-a, yob his yaake har leskro dad Yoash oun djivas ninna yaake.