2. Rajengro liil 22:14 - O Debleskro Lab 2024 (Sinte-Manouche)

¹⁴ Kote djan o rashay Hilkiya, o Ahikam, o Akbor, o Shafan oun o Asaya pash i Debleskri rakepaskretsa Houlda. Koya djivas an o nevo kotar o forestar Yerusalem. Lakro rom his o Shalloum. Leskro dad his o Tikva. Koleskro dad his o Haras. O Shalloum das garda ap o ripyengro kheer. Oun kol morsha rakran lah.

O Debleskro Drom 2021 (Sinte)

¹⁴ Kote djan o rashai Hilkija, o Ahikam, o Achbor, o Shafan un o Asaja pash i Debleskri rakepaskretsa Hulda. Koja djiwas an o newo kotar o forestar Jerusalem. Lakro rom his o Shallum. Leskro dad his o Tikwa. Koleskro dad his o Harha. O Shallum das garda ap o ripjengro kheer. Un kol mursha rakran lah.

2. Rajengro liil 22:14 Referans Kwoze

2. Familjakro liil 34:22

Kote djas o rashay Hilkiya khetne kolentsa, kolen o baro ray bičras, pash i Debleskri rakepaskretsa, i Houlda. Koya djivas an o nevo kotar o forestar Yerusalem. Lakro rom his o Shalloum. Leskro dad his o Tokhat. Koleskro dad his o Hasra. O Shalloum das garda ap o ripyengro kheer. Oun kol morsha rakran lah.

Čačepangre 4:4

An ko tsiro his i čačepaskri djouvel an o them Israel. Koya his i Debleskri rakepaskretsa. Lakro lab his Debora. Lakro rom his o Lappidot.

Bičepangre 21:9

Koles his star ča, kay gar romedino his. Kolla ča his pherdo Debleskro Dourho, oun yon penan i patslenge, hoy o Devel lende sikras.

Louka 2:36

An o foro Yerusalem djivas i phouri Debleskri rakepaskretsa. Yoy kharas Hanna. Lakro dad his o Penouel. Yob hi kol menshendar, kay venna pal o Asser. Efta bersha his i Hanna romedino.

Zefanja 1:10

Ap ko dives vell i bari gole shounlo, hoy vell kotar, kay o Mačengro Voudar hi. Oun i ropen vell shounlo, hoy vell dran o Nevo Foro. Oun i kourepaskri gole vell i tikne bergendar. Kova penell o baro Devel.

Micha 6:4

Me hom kova, kay anas t'men dran o them Egiptia vin, kay hans pandle boudepangre. Me dom t'men o Mose, o Aron oun i Miryam, te djan le glan t'mende.

Nehemia 7:72

Oun lauter djan an pengre forya, te djivenn le kote: I rashaya oun i Levitarya, kolla, kay ap o foreskre voudya yak dan, i gipangre, vavar menshe, kolla kay an o Debleskro kheer boudran, oun i tsele Israelitarya.

2. Rajengro liil 10:22

Oun o Yehou penas ap kolende, kay dan yak ap i ripya: “Anenn rayle ripya vin lauterenge, kay mangenn o debles Baal an!” Oun yon anan kol ripya vin.

2. Mose 15:20

Oun i Miryam, o Aroneskri pheen, his i Debleskri rakepaskretsa. Oun yoy las peskri bashepaskri, hoy kharella pauka, an o vast, oun i tsele djouvya lan ninna pengre bashepangre, oun djan lake palla, oun bashran oun khelan.

1. Korintarja 11:5

Haki romni, kay mangell o Debles an, oun haki romni, kay penella, hoy o Devel late sikras, oun kova krell li, te hi lat či ap o shero, koya anella ladj ap peste. Kova hi yaake, har te vans lake i balla tele činlo.

2. Rajengro liil 22:15

Yoy penas ap lende: Kava penell o baro Devel, ko Devel pral o Israel: Penenn ko morsheske, kay t'men pash mande bičras:

Ezekiel 13:17

Tou mensho, pen ap i djouvyende tire menshendar, kay denn glan, te hi le Debleskre rakepangre! De len trad,