Biblia Todo Logo
Bib sou entènèt

- Piblisite -




2. Rajengro liil 19:6 - O Debleskro Lab 2024 (Sinte-Manouche)

6 moukas lo lenge te penell: “Penenn t'maro rayeske: Yaake rakras o baro Devel: Tou shounal kol laba, kolentsa man i bičepangre o baro rayestar dran o them Assour praasan. Ma traash glan kova, hoy yon penan!

Gade chapit la Kopi

O Debleskro Drom 2021 (Sinte)

6 mukas lo lenge te penell: “Penenn tumaro rajeske: Jaake rakras o baro Dewel: ‘Tu shunal kol laba, kolentsa man i bitchepangre o baro rajestar dran o them Assur praassan. Ma traash glan kowa, hoi jon penan!

Gade chapit la Kopi




2. Rajengro liil 19:6
24 Referans Kwoze  

Kay hi yek devel mank i tsele debla an i vavar themma, kay peskro them dran mire vasta nay vin tserdell? Patsenn čačepah, te nay tserdell kokres o baro Devel o foro Yerusalem vin dran miro vast?”


Oun o baro ray pral o them Assour bičras peskre triin pralstoune morshen pash o Hiskiya: o Tartan, o Rabsaris oun o Rabshake. Kolla djan boud lourdentsa dran o foro Lakish pre an o foro Yerusalem. Oun har le koy van, ačan le pral tardo pash o panyeskro drom, kay nashell o pani an o foro Yerusalem. Kova hi pash koy platsa, kay i djouvya pengre koola thovenna.


Oun o Yaziel penas: “Shounenn mishto, menshale dran o them Youda oun dran o foro Yerusalem, oun tou, baro ray Yosafat! Kava penell o baro Devel t'menge: Ma darenn, oun denn gar tiknes palla glan kol boud lourdende, kolen t'mer dikenna! Kava kourepen hi gar t'maro kourepen, o Debleskro kourepen hi.


Oun yob praasas o Debles, oun rakras djoungeles pral leskro lab oun leskro kheer. Ninna kolen, kay an o bolepen djivenna, praasas lo.


Shounenn, hoy penau, t'mer, kay prindjrenn o čačepen, t'mer menshe, kay kamenn miro drom te djal. Ma darenn glan ko praasepen, koleha i menshe t'men praasenn! Ma darenn glan lengro baro mouy!


Ma biste gar koy bari gole kolendar, kay hadan pen pral toute! Shoun, har divyo yon hi! Lengri gole vell bareder oun bareder.


Kanna, baro Devel, mouk touke an o shero te vell, har praasenn tout kolla, kay hadan pen pral toute. Dik, har dinele menshe tiro lab an i čik tserdenna.


Gar t'mer hounte kourenn t'men kote. Ačenn glan lende tardo! Ačenn kote oun dikenn, har me, o baro Devel, t'men dran lengro vast vin lau. Me hom pash t'mende, t'mer menshe dran Youda oun Yerusalem. Ma darenn! Trashenn či! Taysar djan pash lende! O baro Devel hi t'mentsa.”


Ma moukenn t'men dren te rakrell, te dikenn ap o baro Debleste! Te penell o Hiskiya t'menge: O baro Devel kourell pes menge oun tserdell men kote vin, oun kava foro vell gar dino an o vast o baro rayestar pral o them Assour, ma patsenn kova!


O Elisa penas: “Ma traash! Ap mari rig hi boudeder lourde har ap lengri rig.”


Kote penas o baro Devel ap o Yosua: “Ma dare gar lendar! Taysar kava tsireske dan t'mer len halauter moulo. Oun kova krau me t'menge. Palle činenn lengre grayen an i herya yaake te nay nashenn le bouder gar! Oun lengre vourdya rhačrenn pre!”


Te djan t'mer vin an o kourepen, te kourenn t'men kolentsa, kay kamenn t'men gar an o them, oun t'mer dikenn lengre graya oun kourepaskre vourdya oun lengre lourden, kay hi boud boudeder har t'mer, palle ma darenn lendar! T'maro baro Devel hi t'mentsa, kova kay t'men dran o them Egiptia vin anas.


Panč t'mendar lenn i sheel lourdenge palla, oun i sheel t'mendar nashenn 10.000 (deesh-zerya) lourdenge palla, te denn le len moulo. Kolla, kay kamenn t'men te marell, venn t'mendar o rhareha moulo dino.


O Mose penas ap i tsele menshende: “Ma darenn! Ačenn zoreles! Dikenn har o baro Devel t'men kava dives vin lell dran i vasta kol Egiptarendar! Kal Egiptaryen, kay t'mer kava dives dikenna, kolen dikenn t'mer bouder gar, vitar gar an ko tsiro, hoy vella.


Har shounas o Yesaya i laba kol bare morshendar, kolen o Hiskiya bičras,


Koon hi kova, pral koleste čilače laba rakral? Oun kones tire labentsa praasal? I pre-phourdo hal, oun ap mande tele dikal, pral o Israeleskro Debleste tout hadal!


oun penas ap lende: Kova penell o baro Devel, kay o Israeleskro Devel hi, pash koleste t'mer man bičran, te anap t'maro mangepen glan leste:


Doleske penell o baro Devel, ko ray pral o bolepen oun i phoub, ap peskre menshende, kay ap i berga Sion djivenn: Ma darenn i lourdendar dran o them Assour, ninna te denn le t'men pengre kashtentsa oun hadenn len pre, te denn le t'men trad, yaake har kova i Egiptarya ninna kran.


Har kharom tout golyah, val tou pash mande, oun penal: “Ma traash bouder gar!”


Swiv nou:

Piblisite


Piblisite