2. Rajengro liil 19:21 - O Debleskro Lab 2024 (Sinte-Manouche)

²¹ Kava hi ko lab, hoy o baro Devel ap leste penell: Dik, har o foro Sion pral toute sal! An leskre yaka či-moldo hal. Har i terni čay o Yerusalem hi, oun kamell te djinell toutar či.

O Debleskro Drom 2021 (Sinte)

²¹ Kawa hi ko lab, hoi o baro Dewel ap leste penell: Dik, har o foro Zion pral tute sal! An leskre jaka tchi-moldo hal. Har i terni tchai o Jerusalem hi, un kamell te djinell tutar tchi.

2. Rajengro liil 19:21 Referans Kwoze

Ropaskre gilja 2:13

Ah, Yerusalem, hoy te penap touke? Miro foro, hoy yaake kamau, har nay dap tout kamle laba? Kekeske djas yaake djoungeles har touke! Hoy nay penoms touke, te djal touke feteder? Tiri douk hi yaake baro har o baro pani. Koon nay krell tout sasto?

Mateo 27:39

Oun kolla, kay kote pashel van, sikran i goushteha ap o Yezouseste, oun praasan les.

Jeremia 14:17

Oun tou peness lenge kal laba: Me rovau ap o dives oun ap i rati, oun nay moukau gar tele. Mire menshe, kolen kamau har miri čay, hi khetne dino, oun lengro doukepen vell gar bouder sasto.

Hiob 16:4

Te vans t'mer ap miri platsa, palle nay rakroms me yaake har t'mer nay kroms bare laba pral t'mende, oun trissloms miro shero pral t'mende.

Ropaskre gilja 2:15

Halauter, kay djan ap o drom, oun dikenn tout, denn i vasta khetne pral o shero, denn shol, oun čivenn o shero ap i rig, oun san pral kova, hoy toutar pral ačas, Yerusalem: “Hi kava kau foro, pral koleste penlo vas: Kek foro hi shoukeder har kava! I tseli phoub dikell barhteles ap leste.”

Debleskri gili 109:25

Kolla, kay anan doosh ap mande pre, san pral mande. Te dikenn le man, rissrenn le pengre yaka.

Zakarie 9:9

Ab barhtelo, tou foro Sion! Denn gole i barhtyatar, t'mer menshe an Yerusalem! Dikenn, t'maro baro ray vella pash t'mende! Yob anell o čačepen, oun vell ap t'mari rig. Yob krell pes gar bares, oun klissell ap i bourika, ava, ap i terni bourika.

Micha 4:8

Oun tou Yerusalem hal har i turmo, kolestar me garda dau ap mire menshende. Tou veh pale ko zorelo raylo foro, hoy hals. An toute djivell o baro ray.

Amos 5:2

Koy terni čay Israel peras, te stell li bouder gar pre. Mouklo hi li čiddi ap i phoub, oun kek hi koy, kay hadell lat pre.

Ropaskre gilja 4:21

Ava, san t'menge oun khelenn, t'mer Edomarya an o them Ous! Pash t'mende vell ninna ko khoro pherdo o Debleskri rholi, hoy hounte piyenn, bis te venn mato oun rivenn t'men vin.

Ropaskre gilja 1:15

O baro Devel stakras mire zorele kourepangren khetne, kay pash mande his; Yob moukas i marepaskro rhapen vin te kharell, te nay venn mare terne morsha maredo. Yaake har drake khetne stakedo venn, te vell i mool vin, stakras lo i menshen dran Youda khetne.

Jeremia 46:11

Tou bibarhteli Egiptia, ninna te djah pral an o them Gilead, oun leh touke djet tiro doukepaske, hi kova čičeske. Hi yek, har boud draba oun djet tou leh, kova nay krell tout gar sasto.

Jeremia 31:4

Israel, miri pirni! Me krau tout pale baro. Toutar vell pale i natsyona. Tou kress tout pale shoukar, bashress oun djas vin ap o khelepen.

Jeremia 18:13

Doleske penell o baro Devel: Poučenn i menshendar an vavar themma: Kay das savo djoungelo koova, har kol menshe dran Israel kran?

Jesaja 47:5

Rike tiro mouy, oun besh tout tele, Babilon! Khate tout an i kali rati! Tou vell bouder gar kharedo Rayetsa pral boud themma.

Jesaja 47:1

Tele t'mentsa, t'mer Babilonarya, t'mer, pral kolende bis kanna kek o zorleder his! Beshenn t'men an i čik! T'mer dran o them Kaldea hans beshdo har i rayetsa ap peskri beshepaskri. Kanna besh tout ap i phoub! Toutar penell kek bouder: Babilon, koy shoukar čay oun Babilon, koy rayli.

Jesaja 23:12

Oun yob penas ap i menshende an Sidon: T'menge djal har i terni čake, hoy zoryah an-tapedo vas. T'mer givenn oun stenn bouder gar i barhtyatar. Ninna te krenn t'men ap o drom oun djan an o them Kittim, vell t'men kote kek barht.

Jesaja 23:10

T'mer menshe an o them Tarsis, kanna hounte čivenn t'menge djob an i phoub an t'maro them, yaake har krenn i harhe pash o pani Nil. Kek shiffe venn bouder pash t'mende dran Tirus.

Jesaja 1:8

Kokres o foro Yerusalem ačas pral, i foro troul koleste i lourde tardo hi. Ko foro hi kokres har i tikno kheer an i drakengro them, har i kheer, kay yek yak dell an i rati ap kova, hoy ap peskri phoub bares vell.

Debleskri gili 137:8

Tou, foro Babilon, tou, kay lauter an kotya deh! Barhteles vell kova, hoy touke pale della kova, hoy tou menge kral!

Debleskri gili 9:14

Ab lačes ap mande, baro Devel! Dik o čilačepen, hoy kolla mantsa krenna, kay hi moulo rhoyedo ap mande! Oun tserde tou man vin dran o merepaskro vast!

Debleskri gili 44:14

Tou kral, te hounte ladjas men glan i menshende, kay djivenn an i themma troul mende; yon sanenn pral mende oun praasenn men.