2. Rajengro liil 18:21 - O Debleskro Lab 2024 (Sinte-Manouche)

²¹ Patseh, te vell o them Egiptia touke ap i rig? Kova vals, har te lals tou i shilftikro khass an o vast, te rikress tout zoreles ap leste. Ko shilftikro khass phagals oun dals tout an o vast čourye. Yaake hi o Farao, ko ray pral o them Egiptia lauterenge, kay leske patsenna.

O Debleskro Drom 2021 (Sinte)

²¹ Patseh, te well o them Egiptia tuke ap i rig? Kowa wals, har te lals tu i shilftikro khass an o wast, te rikress tut soreles ap leste. Ko shilftikro khass phagals un dals tut an o wast tchurje. Jaake hi o Farao, ko rai pral o them Egiptia lauterenge, kai leske patsenna.

2. Rajengro liil 18:21 Referans Kwoze

Jesaja 30:7

Kova lauter hi čičeske. Hoy i Egiptarya nay krenn, hi či moldo. Doleske penau ap o them Egiptia: Tou hal i Rahab, kay ačell beshdo oun krell či.

Jeremia 46:17

Kharenn ko lab o Faraestar, ko rayestar pral o them Egiptia: Baro Mouyeskro, koleskro tsiro trouyel hi.

Jesaja 36:6

Patseh, te vell o them Egiptia touke ap i rig? Kova vals, har te lals tou i shilftikro khass an o vast, te rikress tout zoreles ap leste. Ko shilftikro khass phagals oun dals tout an o vast čourye. Yaake hi o Farao, ko ray pral o them Egiptia, lauterenge, kay leske patsenna.

2. Rajengro liil 17:4

Pal i tsiro bičras o Hoshea bičepangre pash o baro rayeste pral o them Egiptia, – leskro lab his So – te krell lo pes koleha khetne. Oun o Hoshea bičras bouder kek roup oun sonakay o baro rayeste pral o them Assour. Har kova kava koova shounas, moukas lo les te taprell oun vitsras les an o stilepen.

Jesaja 1:1

Kova hi, hoy moukas o baro Devel o morshes Yesaya te dikell pral o them Youda oun pral o foro Yerusalem. O Yesaya his o čavo ko morshestar Amoz. Kova his an ko tsiro, kay his o Usiya, o Yotam, o Ahas, oun o Hiskiya i bare raya pral o them Youda.

Jesaja 20:5

Palle lenn kolla bari daar oun traash, kay patsan, te venn i lourde dran Etiopia lenge ap i rig, oun kay sharan pen, te denn i Egiptarya yak ap lende.

Jeremia 46:2

An o starto bersh, har o Yoyakim, koleskro dad o Yosia his, ko baro ray pral o them Youda his, rakras o baro Devel pral o them Egiptia. Koy his i lourde o Faraestar Neko, ko baro ray pral o them Egiptia, pash o pani Eufrat tardo pash o foro Karkemish. Oun o Neboukadnezar, ko baro ray dran o them Babilonia, kouras pes lentsa oun das len.

Hosea 1:1

Kava hi o lab, hoy penas o baro Devel ap o Hosea, koleskro dad o Beeri his, an ko tsiro, har o Usiya, o Yotam, o Ahas oun o Hiskiya kol bare raya pral o them Youda his, oun o Yerobeam, koleskro dad o Yoash his, ko baro ray pral o them Israel his.

Jesaja 30:1

O baro Devel penell: Djungeles djal mire čavenge, kay mandar tele peran, oun kay penge kova glan lan, te krenn le hoy gar mandar vin djas. Yon čivenn pen vavarentsa khetne, har me kova gar kamau. Oun yaake anenn pale te pale le doosh ap pende.